Archive for category: ስብከት

በስመ አብ ወወልድ ወመንፈስ ቅዱስ አሐዱ አምላክ አሜን!

ከሐሰት ሰነዶቹ መካከል አንዱ የተሐድሶ መናፍቃንን ዝርዝር የሚገልጽ ሲሆን ሁለተኛው ደግሞ የመቀሌ ማዕከል የሒሳብ ሪፖርት አስቸጋሪ መሆኑን ይገልጻል፡፡

ማኅበረ ቅዱሳን ይህንን የሐሰት ሰነድ አስመልክቶ ድርጊቱ እንዲጣራና ሕጋዊ እርምጃ እንዲወሰድ ለቅዱስ ሲኖዶስ፣ ለመንበረ ፓትርያርክና ለሚመለከታቸው ሁሉ የሚያቀርብ ሲሆን በሐሰት ሰነዶቹ ስማቸው የተነሱ አካላትም ድርጊቱ የማኅበሩ አለመሆኑን እንዲያውቁና ምዕመናንንም እውነቱን እንዲረዱ ይህ መግለጫ ተሰጥቷል፡፡

በሰንበት ትምህርት ቤቶች ማደራጃ መምሪያ መካነ ድር የተለቀቁት ሁለቱም የሐሰት ሰነዶች በቁጥር መቀጽቤ 99/2003 ዓ.ም እና መቀጽቤ 100/2003 ዓ.ም “ለማኅበረ ቅዱሳን የሕዝብ ግንኙነት አገልግሎት ክፍል” በሚል አድራሻ የተላኩ ናቸው፡፡

ነገር ግን ከመቀሌ ማዕከል መዝገብ ቤት ቀሪ ሆነው የተገኙት እውነተኞቹ ደብዳቤዎች በማኅበረ ቅዱሳን የመቀሌ ማዕከል በቁጥር መቀጽቤ 99/2003 ዓ.ም እና በቁጥር መቀጽቤ 100/2003 ዓ.ም በቀን 05/09/2003 ዓ.ም በማዕከሉ የሰባኬ ወንጌልነት ተቀጥረው ሲያገለግሉ ለነበሩ /አሁን የIT ምሩቅ ናቸው/ ግለሰብ የሥራ ስንብትና የሥራ ልምድ መስጠትን የሚመለከቱ ናቸው፡፡ መመልከት እንደሚቻለው የሐሰት ሰነዶቹም ሆነ  እውነተኞቹ ደብዳቤዎች ቁጥራቸው ተመሳሳይ ነው።

በቀጣይነትም በሰነዶቹ ላይ ማጭበርበሩ የተደረገው በማዕከሉ መዝገብ ቤት ከተገኙት ደብዳቤዎች ሳይሆን ምን አልባትም ከባለጉዳዩ እጅ ከወጡት ደብዳቤዎች ሊሆን እንደሚችልም አንባቢ ያስተውል፡፡ ምክንያቱም የማኅተሞቹና የፊርማዎቹ አቀማመጥ ተመሳሳይነት የላቸውምና አልተጭበረበሩም ብለን እንዳናስብ ያደርገናልና፡፡

ወደ ዝርዝር ጉዳዮቹ ስንገባ ደግሞ፣

1. በአድራሻው ላይ የተጠቀሰው የማኅበረ ቅዱሳን የሕዝብ ግንኙነት አገልግሎት እንደ ክፍል ያልተዋቀረ እንደሆነ ይታወቃል። በአድራሻው የሚመጡለት ደንዳቤዎችም “ለማኅበረ ቅዱሳን የሕዝብ አገልግሎት” ተብለው ይደርሱታል እንጅ “ለማኅበረ ቅዱሳን የሕዝብ ግንኙነት አገልግሎት ክፍል” ተብሎ በአድራሻ አይጠራም። ከዚህ በፊት በመካነ ድራችን የተለቀቁትንና በአገልግሎቱ እየወጡ የሚታተሙትን የመጽሔተ ተልዕኮ መጽሔቶችንም መመልከት ይቻላል።

2. በቁጥር መቀጽቤ 99/2003 ዓ.ም የተጻፈው የሐሰት ሰነድ “በቀን 17/07/2003 ዓ.ም በቁጥር አአ/ልዩ/05/2003 ዓ.ም 11 ገጽ አባሪ አድርጋችሁ በጻፋችሁልን ደብዳቤ ተንተርሰን የሰራነው ሥራ…” ብሎ ከማኅበረ ቅዱሳን ዋናው ማዕከል ጽ/ቤት ለመቀሌ ማዕከል የተላከ ለማስመሰል ይሞክራል፡፡ ነገር ግን በማኅበረ ቅዱሳን ስም የሚወጡት ማናቸውም ደብዳቤዎች ቁጥራቸው ማቅ በማለት የሚጀመሩ ናቸው። በተጨማሪም የማኅበሩ ዋናው ማዕከል ጽ/ቤት ለመቀሌ ማዕከል ልኮታል ተብሎ የተጠቀሰው ደብዳቤ የተጻፈበትን ቀን ስንመለከት፤ 17/07/2003 ዓ.ም የዋለው ቅዳሜ ዕለት ሲሆን በዚህ ቀን የማኅበረ ቅዱሳን መደበኛ አገልግሎት የማይኖርበት ዕለት መሆኑ ይታወቃል፡፡ ምን አልባት ካላንደር ሳይዙ ጽፈውት ይሆን? የሰንበት ት/ቤቶች ማደራጃ መምሪያው በየጊዜው ከማኅበሩ ደብዳቤዎች ይደርሱታል። አአ/ልዩ/05/2003 ዓ.ም የሚለው ቁጥር አስተውሎት ውስጥ ሳይገባ በመካነ ድሩ በችኮላ መለቀቁ ማኅበሩን ለመክሰስ ካለው የግለሰቦች ጉጉት የተነሣ ይሆን?

3. በቁጥር መቀጽቤ 99/2003 ዓ.ም በተጻፈው የሐሰት ሰነድ ሒሳብ ክፍልንና ትምህርትና ሐዋርያዊ አገልግሎት ክፍልን የሚመለከት ምንም ጉዳይ ሳይኖረው ወደ ሒሳብ ክፍልና የትምህርትና ሐዋርያዊ አገልግሎት ክፍል ግልባጭ መደረጉ ለምን ይሆን? ለዚያውም በማደራጃ መምሪያው መካነ-ድር እንደተገለጠው የተደበቀ የስለላ ሥራ ከሆነ እንዴት ለእነዚህ ክፍሎች ግልባጭ ሊደረግ ይችላል? ሒሳብ ክፍልስ ከሕዝብ ግንኘነት አገልግሎቱ ጋር ምን ግንኙነት ይኖረው ይሆን? እነዚህ ጥያቄዎች በጥብቅ ሊመለሱ የሚገባቸው ናቸው።

ምን አልባት ለማጭበርበር በሚደረገው ሙከራ የአንዱ ደብዳቤ ሐሳብ ከሌላው ደብዳቤ ላይ ተቀያይሮባቸው ይሆን? የየትኛው ደብዳቤ ሃሳብ ለየትኛው ክፍል ግልባጭ መደረግ እንዳለበት ፊደል የቆጠረ የሚያስተውለው ነው።

4. በማኅበሩ የአገልግሎት ክፍሎች የሚመደቡት አባላት በሰበካ ጉባኤ ወይም በሰንበት ትምህርት ቤት የታቀፉ መሆን እንዳለባቸው በመተዳደሪያ ደንቡ አንቀጽ 6/ለ ተጠቅሶ ሳለ “የሰ/ት/ቤቶችን በተመለከተ፣ የማኅበሩ አባላት በሙሉ በየሰንበት ትምህርት ቤቱ በአባልነት እንዲያገለግሉ ተደርጓል፤ እየተሰራበት ይገኛል።” የሚለው ዓረፍተ ነገር የማኅበሩ አባላት የሰ/ት/ቤትና የሰበካ ጉባኤ አባላት አይደሉም የሚለውን የአባ ሠረቀን የሐሰት የክስ ሐሳብ ለማጽናት ይሆን?

ማኅበረ ቅዱሳን በሰ/ት/ቤቶች ማደራጃ መምሪያ ስር የሆነው በራሱ ጥያቄ አቅራቢነት ነው፡፡ ይኸውም አባላቱ በሰ/ት/ቤቶች ታቅፈው እንዲያገለግሉለት ካለው ጽኑ ፍላጎት የተነሣ እንደሆነ ግንዛቤ ውስጥ ሊገባ ያስፈልጋል፡፡

የሐሰት ሰነዶቹን አጠቃላይ ሐሳብ ለመረዳት ለሚሞክር ሰው፥ አጭበርብሮ ማኅበረ ቅዱሳንን ለመክሰስ እንዲሁም የፀረ ተሐድሶ መናፍቃንን ዘመቻ ለማጨናገፍ የሚደረግ ሴራ መሆኑን ማኅበሩ አያጣውም፡፡

ማኅበረ ቅዱሳንና ሌሎች ማኅበራትም በሚያደርጉት የፀረ ተሐድሶ መናፍቃን እንቅስቃሴ በቅዱስ ሲኖዶስ ተወግዘው ከተለዩት ግለሰቦች ውጭ የማንም ስም በግልጽ ተጠቅሶ አያውቅም፡፡ የተሐድሶ መናፍቃንን ምልክቶች ግን ይጠቁማል፡፡ ከተሰጡት መረጃዎች እንዲሁም ከምልክቶቹ ምእመኑ እየተረዳው እንደመጣ ይታመናል፡፡

የተሐድሶ መናፍቃኑ እንቅስቃሴ ዘርፈ ብዙ የሆነ፣ በብዙ ሚሊዮኖች በጀት ተመድቦለት፣ በዓላማ የቤተ ክርስቲያንን ትምህርት ለመበርዝና ለማጥፋት እጅግ ተምረዋል ተብለው በሚገመቱ ሰዎችና በግዙፍ ድርጀቶች የሚመራና የሚታገዝ ቤተ ክርስትያኗን የሚያናጋ ነው።

ነገር ግን ትግሉ ከተጀመረ ጀምሮ አንዳንድ ግለሰቦች እንቅስቃሴውን ከግለሰቦች ጋር እያያዙት ይገኛሉ፤ የተሐድሶ ኑፋቄ ዘመቻንም እያፋጠኑት ይገኛሉ።

ይህንን ለመከላከል የሚደረገውን ጥረት ለማስተጓጐል ብሎም የምእመኑን ትክክለኛ ትኩረት ለማሳጣት የሚደረግ እንቅስቃሴ እንደሆነ እናምናለን፡፡

ምን አልባት ማኅበረ ቅዱሳን ስም አጥፊ ነው፣ የአባቶችና የሊቃውንት ከሳሽ ነው የሚለውን የአንዳንዶችን ክስ ለማጠናከር ይሆን? አንባቢ ይመርምር።

እግዚአብሔር ሀገራችን ኢትዮጵያን እና ቅድስት ኦርቶዶክሳዊት ተዋሕዶ ቤተ ክርስቲያንን ይጠብቅልን፡፡

ወስብሐት ለእግዚአብሔር

በስመ አብ ወወልድ ወመንፈስ ቅዱስ አሐዱ አምላክ

ወስብሐት ለእግዚአብሔር

ማኅበሩ ለሚያደርገው የስብከተ ወንጌል አገልግሎት የበኩላችንን ድርሻ እንወጣ፣ ሰለ አንዲት ነብስ መዳን የሰማይ መላእትም ምን ያህን እንደሚደሰቱ እናስተውል። ሐዋርያትም ደማቸውን ያፈሰሱባት አጥንታቸውን የከሰከሱባት አገልግሎት እርስዋ ናትና።

ከአሁን በህዋላ ወር በገባ በሁለተኛው ሳምንት ዘወትር ረቡዕ ስለ ስብከተ ወንጌል የምንነጋገርበት መርሐ ግብር ይኖራል።

“ለወደፊቱ ሥርዓተ ቤተ ክርስቲያንን ጠብቀው ከንቀሳቀሱ ማኅበራትና ሰ/ት/ቤቶች ጋር እንሠራለን ይህም ችግሮቻችንን ያቃልልሉናል ብለን እናስባለን” ቀሲስ ታደሰ ጌታሁን የትምህርትና ሐዋርያዊ አገልግሎት ዋና ክፍል አስተባባሪ

የገንዘብ ችግር፣ የሰው ኃይልና የቁሳቁስ ችግሮች አገልግሎታችን እንዳይሰፋ እያደረጉት ነው”

“ማኅበሩ በአንድ ጊዜ በአራቱም አቅጣጫ ሐዋርያዊ ጉዞ ማካሄድ ይችላል። ነገር ግን የሚከተሉት ችግሮች ፊቱ ላይ ተደቅነዋል።”

“እግዚአብሔር ማኅበሩን አንደምክንያት አድርጎ እየተጠቀመ ያለበት ጊዜ ነውና ይመስገን፤ ያልተያዙትን ለመያዝ ሰንሄድ አብሮ ያሉትን ቢያጸና። ማኅበሩ ታች ወርዶ ማኅበራትን የሚያሰለጥንበት ሁኔታ ቢፈጠር ብዙ ሥራ ይሠራል”

“ያየሁት ዶክመንታሪ ፊልም ይበቃኛል፣ አስተያየት መስጠት አልፈልግም፤ በየ 3 ወሩ 5000.00 ብር ለዚህ አገልግሎት እሰጣለሁ።” በወረቀት የተሰጠ አስተያየት

“ማኅበሩ አዲስ አበባም ላይ ትኩረት ቢያደርግ፣ ግራ ተጋብተናልና”

“በግቢ ጉባኤ ያለፍን ተመራቂዎችም ተምረን ዝም ማለት የለብንም፣ እኔ አሁን በራሴ አፍሬያለሁ። ተምሬ፣ ሥልጠና ወስጄም ተቀምጫለሁ ስለሆነም የራሳችን ድርሻ ልንወጣ ይገባል።”

“አዲስ አበባ ለሚኖሩ ካህናት ሥልጠና ተሰጥቶ፣ ወደ አገር ቤት/ገጠር/ ሲሄዱ፣ የሚሄዱበትን አካባቢ እንዲያስተምሩ ቢደረግ”

“ያየሁት ድንቅ ነገር ነው። ልጄ ነውና ወደዚህ ያመጣኝና መርቁልኝ አሁንም መርቁልኝ”

10:47 የምእመናን አስተያየት እየተሰጠ ነው።

4. ሊቃውንተ ቤተ ክርስቲያን የበዙባቸው ነገር ግን ለድብቁ የመናፍቃን ሴራ የተጋለጡን ሁኔታዎችና አካባቢዎች ግንዛቤ ውስጥ ያስገባ ነው።

3. ሥልጠናን

2. አምነው፣ ተጠምቀው ነገር ግን በመናፍቃንና ተሐድሶ ኑፋቄ የተጠቁትን

1. ምንም ስብከተ ወንጌል ያልተስፋፋባቸውና በመግባቢያቸው መማር የሚፈልጉትን

ዶክመንታሪ ፊልሙ ከስብከተ ወንጌል አንፃር አራት መሠረታዊ ነጥቦችን ተንተርሶ ይተነትናል።

በዚህም ማኅበሩ የተለያዩ ክፍሎች ከጎኑ እንዲሆኑ ይፈልጋል። ማኅበሩ ባለው የገንዘብ አቅም ይህ ሁሉ ዓለም አቀፋዊ አገልግሎት ሊሸፍን አይችልም።

ስለዚህ የቅድስት ዋነኛ አገልግሎት የሆነውን የስብከተ ወንጌል ለማስፋፋት ወቅቱ የሚጠይቀውን ማድረግ ያስፈልጋል።

እነዚህ የትምህርት ክፍል አገልግሎቶች ከወደፊት ምን መሠራት እንዳለበት ለማመልከት በራሱ በቂ ሊሆን አይችልም።

እንዲሁም ለ1 ሥልጠና እስከ 65000 ብር ያስወጣዋል።

ማኅበሩን እስከ አሁን ካለው ልምድ ለ1 ሐዋርያዊ ጉዞ እስከ 40000 ብር ያስወጣዋል።

በተመረጡ የቅዱሳት መጻሕፍት ክፍሎች የአቅም ማጎልበቻ ሥልጥናዎችም ተሰጥተዋል።

10 ዙር የሰባክያን ሥልጠናዎች ተደርገዋል።

ማኅበሩ በአገር ውስጥ ያልተወሰነው የሐዋርያውዊ አገልግሎቱ በአውሮፓ፣ በሰሜን አሜሪካ፣ በምሥራቅ አፍሪካ ወዘተ ይቀጥላል።

በማኅበሩ የሚዘጋጅ አንድ ሐዋርያዊ ጉዞ ወደ አምስት የሚጠጉ ከተሞችን የሚያካልል ነው። አንድ ልኡክ ከ25 እስከ 30 የሚጠጉ መምህራንን፣ መዘምራንን፣ የቀረጻና የሚዲያ ባለሙያዎችን ያካትታል።

ከሐመር የሠለጠኑት ደግሞ የጎሳውን መሪና 3000 የሚሆኑ ምዕመናንን አስተምረው ለማጥመቅ ችለዋል።

ከኑዌር ከሰለጠኑት ውስጥ የተወሰኑት ክህነት ተቀብለው ወደ 700 የሚጠጉ ምዕመናንን አስተምረው ለማጥመቅ ችለዋል።

ምዕመናን ያላቸውን ይዘው እንዲቆዩ የሚያደርግ፣ የቤተ ክርስቲያናቸው ፍቅር እንዲጨምር ፣ ካህናትም በቁጭት እንዲያገለግሉ የሚያደርጉ፣ ኦርቶዶክሳዊ መዝሙራትን ያስተማሩና ያሳወቁ ነበሩ

ማኅበሩ 19 ዙር ሐዋርያዊ ጉዞ አድርግዋል።

ከክኦሮሚያ እየሚሰጠው ሥልጠና የደቡብ፣ የኦሮምያ፣ የሶማሌ፣ የበቤንሻንጉልና የጋምቤላ  ክልሎችን ያቀፈ ነው።

ስብከተ ወንጌል ካልተስፋፋባቸው አካባቢዎች ለመጡ ከ200 በላይ ሰልጣኞች ለማፍራት ተችልዋል።

ማኅበረ ቅዱሳን  በክረምቱ የሰባክያን ሥልጠና 1306 ሠልጣኞችን በ1003000 ብር በጀት አፍርትዋል።

9:40 ለሑዳዱ አዝመራ ተዋሕዶ ስትጣራ የሚለው ዶክመንታሪ ፊልም ተቀንጭቦ እየታየ ነው።

9:38 “ያሰባሰበን ቸሩ ፈጣሪ ይክበር የሁሉ ጌታ፣

ሁሉ ነገር ከእርሱ የማይወጣ ይወደስ በእልልታ” የሚለው መዝሙር በጋራ እየተዘመረ ነው።

“እናንተ ኢትዮጵያዊያን ለእኛ አፍሪካዊን ደም ተጠያቂዎች ናችሁ፣ ለምዕራባዊያን አስተሳሰብ፣ ባህል፣ ሃይማኖት አሳልፋችሁ ሰጥታችሁናልና። ”  ቀሲስ ዶ/ር ሙሉጌታ በመርሐ ግብሩ ከተናገሩት ገጠመኛቸው የተናገሩት

9:29 የትምህርትና ሐዋርያዊ አገልግሎት ዋና ክፍል ያዘጋጀውና የማኅበሩን የ19 ዓመት የስብከተ ወንጌል እንቅስቃሴ የሚያስቃኘው ዶክመንታሪ ፊልም ለመታየት በዝግጅት ላይ ነው።

-9፡00 ላይ የማኅበሩ ሰብሳቢ ሊቀ ትጉሃን ቀሲስ ዶ/ር ሙሉጌታ ሥዩም የመክፈቻ ንግግር አድርገዋል።

9:26 ምዕመናን “ማርያም ሀዘነ ልቡና ታቀልል…ማርያም የልብን ሀዘን ታቀላለች” የሚለውን መዝሙር በጋራ እየዘመሩ ነው።

8:45 የማኅበረ ቅዱሳን መዘምራን ወረብ አቅርበዋል።

“ሠላመከ እግዚኦ ሀበነ

ወኢትግድፈነ ወኢትሚጥ ገፀከ እምኔነ

ከመ ኪያከ ንሰብህ በኩሉ መዋዕል ሕይወትነ ኢያማስነ ተስፋነ

ለእለ ንሴፈወከ ወተዘከር ዘንተ ተግባረከ”

እንደምን ዋላችሁ ክቡራን ምዕመናን ለሑዳዱ አዝመራ ተዋሕዶ ስትጣራ በሚል መሪ ቃል በማኅበረ ቅዱሳን የትምህርትና ሐዋርያዊ አገልግሎት ዋና ክፍል የተዘጋጀውን መርሐ ግብር በቀጥታ ለማስተላለፍ እንሞክራለን።

ምንም እንክዋን መርሐ ግብሩ 8:30 ቢጀምርም፣ ባጋጠመን የቴክኒክ ችግር ዘግይተን ለመጀመር ተገደናል።

መርሐ ግብሩ በኢትዮጵያ የስብሰባ ማዕከል ለማዘጋጀት ታቅዶ የነበረ ቢሆንም ባጋጠመን ከአቅም በላይ ችግር ወደ ጠቅላይ ቤተ ክህነት አዳራሽ በታቀደለት መሠረት እየተካሄደ ይገኛል።

እግዚአብሔር ይመስገን

በዘንድሮው ጠቅላላ ጉባኤ የእርስዎ ድርሻ ምንድን ነው?

ለጠቅላላ ጉባኤው አባላትን የሚጠራው የአባላትና አገልግሎት ማስተባበሪያ ክፍል ነው፡፡ በተጨማሪም በተዋቀረው ዐቢይ ኮሚቴ ጥሪዎችንና ቅስቀሳዎችን ማድረግ ነው፡፡

በጠቅላላ ጉባኤው ምን ምን ክንዋኔዎች ይካሄዳሉ?

በጠቅላላ ጉባኤያት እንደማንኛውም ጊዜ የተለመዱ አሠራሮች አሉ፡፡ ለአባላቱ የማዕከሉ የ1 ዓመት የሥራ ክንውን ይቀርባል፡፡ በዚያም ላይ አባላት ይወያያሉ፡፡ ከዚያ ውጭ ለሚቀጥለው ዓመት የተዘጋጀ ዕቅድ ይቀርባል፡፡ ያንንም እቅድ ጠቅላላ ጉባኤው ያጸድቃል ተብሎ ይጠበቃል፡፡ ማዕከሉ ለአባላቱ የሚያዘጋጃቸው የመወያያ አጀንዳዎች ይኖራሉ፡፡ በዚያም ላይ ይወያያሉ፡፡ ተጨማሪ መረጃዎች ካሉ እንዲሁ ለአባላት ይቀርባል፡፡ ከዚያም ውጭ የዋናው ማዕከል ተወካይ የሚያቀርበው ግምገማ ከዚያው ጋር የሚታይ ሲሆን አዲስ የሥራ አስፈጻሚ ምርጫም ይኖራል፡፡

ከጠቅላላ ጉባኤው ጋር በተያያዘ የሚከናወኑ እንቅስቃሴዎች ይኖራሉ?

ከሌላው ጊዜ በተለየ መልኩ ዝግጅት ተደርጓል። አባላት በብዛት ይገኛሉ ብለን እንጠብቃለን፡፡ ከ2000 በላይ ለሆኑ አባላት ጥሪ አድርገናል፡፡ በደብዳቤና በወረዳ ማዕከላት ደረጃ በአጭር የስልክ ጽሑፍ /SMS/ መልእክት አስተላልፈናል። ከጠቅላላ ጉባኤ አስቀድመን የአዲስ አበባ ማዕከልን አጠቃላይ አገልግሎት የሚዳስስ ዓውደ ርእይ ይፋ ሆኖ እስከ ጠቅላላ ጉባኤ ይቀጥላል። በዚህም አባላት አስተያየታቸውን በመስጠት ሱታፌያቸውን ያሳያሉ ብለን እንጠብቃለን፡፡ ከዚህ ውጭ ለጠቅላላ ጉባኤው አባላት እንደከዚህ በፊት ሁሉ ሙሉ ቀን ስለሚውሉ የሚያስፈልጋቸውን የምሳና የመሳሰሉት ዝግጅቶች ከወዲሁ ተጠናቋል፡፡

ማኅበረ ቅዱሳን ካለበት ዘርፈ ብዙ ኃላፊነት አንጻርና የአ.አ ማዕከልም ካሉት የአባላት ብዛት አንጻር ጠቅላላ ጉባኤው ምን ዓይነት ወሳኝነት /ውጤት/ ይኖረዋል?

እንደሚታወቀው የአ.አ ማዕከል ለዋናው ማዕከል መቀመጫ ነው፡፡ ወይም አ.አ. ማዕከል ያሉ አባላት በዋናው ማዕከል ያገለግላሉ፤ ስለዚህ በርካታ ሐሳቦች የሚንሸራሸሩት፣ ታላላቅ ሥራዎች ይሠራሉ ተብሎ የሚጠበቀው አ.አ ማዕከል ነው፡፡ እንደ አባላት ብዛትም ሲታይ በሺዎች የሚቆጠሩ አባላት የሚገኙት በዚህ ማዕከል ነው፡፡ ስለዚህ ለዋናው ማዕከል ዘርፈ ብዙ አገልግሎት በመስጠት የአዲስ አበባ ማዕከል አባላት ይጠቀሳሉ፡፡ በዚህ መሠረት ለሚቀጥለው ጊዜ ለማኅበሩም ሆነ ለቅድስት ቤ/ክን በጎ ይሆናሉ ብለን በምናስባቸው ጉዳዮች ላይ አባሉ ጥሩ ሱታፌ በማድረግ ውሳኔዎችን ያስተላልፋል ብለን እንጠብቃለን፡፡ በዋናው ማዕከል፣ በአ.አ. ማዕከልና በወረዳ ማዕከል ያሉ አባላት በዚህ ጠቅላላ ጉባኤ ተሳታፊዎች ናቸው፡፡ ስለዚህ የሚያነሷቸው ሐሳቦች በሙሉ በአጠቃላይ ማኅበሩ አዲስ አበባ ላይ ለሚሰጠው አገልግሎት ወሳኝነት ይኖረዋል፡፡ ይኸም አጠቃላይ ውጤቱ በማኅበሩ የሚያበረክተው ፋይዳ የጎላ ነው ብለን እናምናለን፡፡

ከጉባኤው ከአባላት ምን ዓይነት ተሳትፎ ይጠበቃል?

ይህንን ጊዜ ከባለፈው ጊዜ ተጠንቅቀን የመረጥንበት ምክንያት አለን፡፡ በተለይ ባለፈው ሳምንት ያላደረግነው በምረቃ ምክንያት ነው። ወቅቱ የዩኒቨርስቲ ተማሪዎች የሚመረቁበት ነበር፤ የማኅበሩ አባላት ተመራቂዎችና አስመራቂዎች መሆን እድል ስላላቸው መርሐ ግብሩን ሐምሌ 23 እና 24 አድርገነዋል። ስለሆነም፣ በመጀመሪያ ደረጃ መገኘት የአባልነት ድርሻ በመሆኑ ግዴታቸውን ይወጣሉ፡፡ መገኘት አንዱ መብትም ግዴታም ነው ብዬ አምናለሁ፡፡ ከዚያ ውጭ በሚኖሩ ውይይቶች ላይ አስተያየታቸውን በመስጠት፣ የቀረ ነገር ካለ በመሙላት፣ የተጣመመውን በማቃናት በሚቀጥለው ደግሞ እንዲህ ይሁን በማለት ያለፈውን አስተያየት በመስጠት በሚመጣውም በመምከር ሱታፌያቸውን ያሳያሉ፡፡ ከዚህ ውጭ የማዕከሉ ሥራ ማስፈጸሚያ ወይም ለዚህ የሚያስፈልገው አጠቃላይ በጀት ሙሉ በሙሉ በማዕከሉ የሚሸፈን አይደለም፡፡ አባላት በሚያደርጓቸው አስተዋጽኦዎች፣ ለመስተንግዶ የሚሆኑትን ሁሉ በማበርከት ነው፡፡ ስለዚህ ይህም ሌላኛው የአባላት ሱታፌ የሚጠበቅበት ይሆናል፡፡ ከምንም በላይ በዘንድሮው የሥራ አስፈጻሚ ምርጫ ስላለ አባላት ለማዕከሉ አገልግሎት ይሆናሉ የሚሏቸውን ወንድሞችና እኅቶች ከወዲሁ በጸሎታቸው እንዲያግዙ ይጠበቃል፡፡ በእነዚህ ዙሪያ የአባላት ተሳትፎ ከሚጀመርበት ከቅዳሜ ጠዋት 2፡00 ጀምሮ እስከ እሑድ ማታ 12፡00 ምንም ዓይነት መርሐ ግብር ሳይኖራቸው ይህንን እንደግዴታ ወስደው ከወዲሁ መርሐ ግብራቸውን አመቻችተው በዚህ እለት እንዲገኙ ይጠበቃል፡፡

ቀደም ብለው ጠቀስ እንዳደረጉት ዘንድሮ የሥራ አስፈጻሚ ምርጫ ይደረጋል፡፡ ያለፈው ሥራ አስፈጻሚ ነገሮችን ተደማምጦ በመቻቻልና በመንፈሳዊነት በማከናወን በቀጣዩ ምን ዓይነት ተመክሮ ያስተላልፋል?

የማኅበረ ቅዱሳን አንዱ ትልቁ እሴት መደማመጥ ነው። ከእኔ ይልቅ ወንድሜ ይሻላል እኅቴ ትሻላለች፤ የወንድሜ ይሰማ የእኅቴ ይሰማ አንዱ እሴታችን ነው፡፡ ተነጋግረን እንኳን መግባባት ቢያቅተን እግዚአብሔር ይግለጥልን ብለን አጀንዳዎችን እናሳድራለን፡፡
እኔ በግሌ በማዕከሉ አገልግሎት ውስጥ የተደሰትኩበት መግባባቱ መስማማቱ ነው፡፡ እንደ አንድ ቃል ተናጋሪ እንደ አንድ ልብ መካሪ የሚያሰኝ መግባባትና ስምምነት ነበረን፡፡ ስለዚህ የሚቀጥለውም ሥራ አስፈጻሚ ይሄን ያደርጋል ብዬ ተስፋ አደርጋለሁ፡፡ እኛም የተረከብናቸው ወንድሞችና እኅቶች ይህንን ሲያደርጉ ነበር እርሱም ከቀደምቱ እንዲሁ ተቀብለው ነበር። በዚህ መልኩ ይኸው ይቀጥላል፡፡

አንድ የመጨረሻ ጥያቄ ላንሳ፤ በፊት ለዋናው ማዕከል የአገልግሎት ክፍሎች እንዲሁም የሥራ አስፈጻሚና አመራር የሚመረጡት ወንድሞችና እኅቶች በአዲስ አበባ ማዕከልና በሌሎች ማዕከላት የአገልግሎትና የሕይወት ትሞክሮ ተፈትነው አልፈው ነው፤ ስለዚህ ብዙውን ጊዜ አዲስ አበባ ማዕከል እነዚህን ወንድሞችና እህቶች በአብዛኛው አሰልጥኖ የማቅረብ ልምድ አለው፡፡ አሁንስ ያለው አካሔድ ምን ይመስላል?

በማዕከላችን በኩል በዘንድሮው ተጠናክሯል ብዬ አስባለሁ፡፡ ምክንያቱም ልምድ የሚያስፈልጋቸው የአገልግሎት ሁኔታዎች አሉ፡፡ ወደ ሥራ አስፈጻሚ ሲመጣ የማኅበሩን አሠራር፥ የቤ/ክንን ጠቅላላ ሁኔታ፥ ሌሎችንም ነገሮች ግንዛቤ ውስጥ ያስገባ ሁለገብ እይታን የሚፈልግ ነው፡፡ ስለዚህ እንዲህ ዓይነት ጥንካሬዎች በአገልግሎት፣ በሒደት፣ በውጣ ውረድ ውስጥ የሚመጡ አሉ፡፡ በትምህርት በሥልጠናዎች የምናገኛቸው ብርታቶችም አሉ፡፡ ስለዚህ ከእነዚህ ሁኔታዎች ይታያል እንጂ ከምንም አንስተህ ወደ ሥራ አስፈጻሚ አታስገባም። የዘንድሮው ተጠናክሯል ብዬ የማስበው የአ.አ. ማዕከል ከሌሎቹ በተለየ መልኩ የተተኪ አመራር ሥልጠና አድርጓል፡፡ በዚህም መሠረት ለዋናው ማዕከል የአገልግሎት ክፍሎችና ለአ.አ ማዕከል አገልግሎት ክፍሎች የሚሆኑ የተተኪ አመራር አባላትን ተዘጋጅተዋል፡፡ በተወሰነ መልኩ የዘንድሮ ሥራ አስፈጻሚም ጠቅላላ ጉባኤው እነዚህን አባላትንና ሌሎችንም ያካትታል ብዬ አስባለሁ፡፡ ስለዚህ በአገልግሎት የተፈተኑና ልምድ ያላቸውን ወንድሞችና እኅቶች የተተኪ አመራር ሥልጠና የወሰዱት ወደ ሥራ አስፈጻሚ ይገባሉ ብየም እገምታለሁ፡፡ ለተተኪ አመራርነት ስናሰለጥን ቀድሞውኑ ያሉበትን ሁኔታ የንዑስ ክፍል ኃላፊዎች፣ የክፍል ኃላፊዎች የመሠከሩላቸው ወንድሞችና እኅቶች ናቸው፡፡ በአጠቃላይ አንተም እንዳነሳኸው ለዋናው ማዕከልም ሆነ ለአዲስ አበባ ማዕከል አገልግሎት ክፍሎች በልምድና በሥልጠና የተዘጋጁ አባላት ወደ ኃላፊነት ይሔዳሉ።

በመጨረሻ የሚያስተላልፉት ነገር ካለ?

የዘንድሮው ጠቅላላ ጉባኤ ሐምሌ 23 እና 24 2003 ዓ.ም ይካሔዳል፡፡ ሁለቱንም ቀን አባላት ራሳቸውን ዝግጁ አድርገው እንዲቆዩ፤ እኛም እንደ ሥራ አስፈጻሚም ሆነ እንደማዕከሉ ጓጉተን የምንጠብቀው ዕለት ነው፡፡ አንድነታችንን ፍቅራችንን የምናጸናበት ነው፡፡ እንደሚታወቀው ጠቅላላ ጉባኤ ሁሉም ሰው የሚገናኝበት ስለሆነ በደስታና በፍቅር የምንጠብቀው ነው፡፡ ለዚህ አገልግሎት መስተንግዶዎች ይኖራሉ በተዘጋጁ መስተንግዶዎች ለመስተናገድ፣ ጥያቄም ሐሳብም ያላቸው ደግሞ የሚመለከተውን አካል እየጠየቁ በዚያ መልኩ እንዲስተናገዱ እያሳሰብኩ ከሁሉም በላይ የጠቅላላ ጉባኤው ቀናት እስከሚደርስና በዚያው ጊዜም አባላት በጸሎታቸው እንዲያስቡን እንጠይቃለን፡፡

እግዚአብሔር ይስጥልን

አሜን አብሮ ይሰጠን፡፡