የአዲስ አበባ ማእከል 18ኛ መደበኛ ጠቅላላ ጉባኤ ተካሄደ፡፡
ጥቅምት 22 ቀን 2005 ዓ.ም.
በእንዳለ ደምስስ
የአዲስ አበባ ማእከል 18ኛ ጠቅላላ ጉባኤ ከጥቅምት 17-18 ቀን 2005 ዓ.ም. በጠቅላይ ቤተ ክህነት ስብከተ ወንጌል አዳራሽ ለሁለት ቀናት ተካሄደ፡፡
መርሐ ግብሩ በመንበረ ልዑል ቅዱስ ማርቆስ ቤተ ክርስቲያን ልዑካን ጸሎተ ወንጌል በማድረስ በብፁዕ አቡነ ዮሴፍ የባሌ ሀገረ ስብከት ሊቀ ጳጳስ ቡራኬና ጸሎት ተጀምሯል፡፡
በአዲስ አበባ ማእከል ሰብሳቢ በዲያቆን አንዱ ዓለም ኀይሉ የመክፈቻ ንግግር ጉባኤው የቀጠለ ሲሆን በመንበረ ፓትርያርክ ቅድስት ማርያም ገዳም የፈለገ ሕይወት ሰንበት ትምህርት ቤት አባላት ያሬዳዊ ዝማሬ በማቅረብ የወንጌል ትምህርት በቀሲስ ፋሲል ታደሰ ተሰጥቷል፡፡
በተያዘለት የጊዜ መርሐ ግብር መሠረት የ2004 ዓ.ም. ዓመታዊ እቅድ ክንውን አፈጻጸምና የ2003 ዓ.ም. ኦዲትና ኢንስፔክሽን ሪፖርት ቀርቧል፡፡
በ2004 ዓ.ም. ዓመታዊ እቅድ ክንውን በተመለከተ ማእከሉ የማኅበረ ቅዱሳንን የማስፈጸም አቅም ከማጎልበት አንጻር፣ ግቢ ጉባኤያትን ለቤተ ክርስቲያን አገልግሎት ማብቃት፣ ስብከተ ወንጌልን ማስፋፋት፣ አጽራረ ቤተ ክርስቲያን በቤተ ክርስቲያን ላይ የሚያደርሱትን ጥቃት መግታት፣ የቅዱሳት መካናት፣ የአብነት ትምህርት ቤቶችንና ሰንበት ትምህርት ቤቶችን አቅም ከማጠናከር አንጻር የቤተ ክርስቲያንን እና የምእመናንን ማኅበራዊና ኢኮኖሚያዊ ተሳትፎ ማሳደግ፣ ጠንካራ የመረጃ ሥርዓት እና ሚዲያ መዘርጋት በሚሉ ርዕሰ ጉዳዮች ላይ የታቀዱትን በማስፈጸም ረገድ የተከናወኑትን በዝርዝር ቀርበዋል፡፡ በተጨማሪም ደጋፊ ተግባራት ተብለው በእቅድ የተያዘለትን የጽ/ቤት፣ የአባላት አገልግሎት ማስተባበሪያ ክፍል፣ ግቢ ጉባኤ አገልግሎት ማስተባበሪያ ክፍል፣ ትምህርትና ሐዋርያዊ አገልግሎት ክፍል፣ የልማት ተቋማት አስተዳደር፣ ማኅበራዊ አገልግሎትና ልማት ክፍል ሂሣብና ንብረት ክፍል፣ የእቅድ ዝግጅትና ክትትል ክፍሎችን የወረዳ ማእከላት አጠቃላይ አፈጸጸም የተከናወኑትን በመቶኛ በማስላት ቀርበዋል፡፡
በአገልግሎት ላይ በዓመቱ ውስጥ ያጋጠሙ ችግሮች በሪፓርቱ የተዳሰሱ ሲሆን በተለይም ከሀገረ ስብከት ጋር ከተወሰኑ የአገልግሎት ግንኙነት በዘለለ ጠንካራ ግንኙነት ለመፍጠር ምላሽ ማጣት፣ ልምድ ያላቸው የግቢ ጉባኤያትን በሚገባ ሊመሩ ሊቆጣጠሩ የሚችሉ የግቢ ጉባኤያትን ሙሉ በሙሉ የሚያስተባብሩ አስተባባሪዎች ያለማግኘት ወርኀዊ አስተዋጽኦ በማሰባሰብ ሂደት ውስጥ የክፍሎች ተሳትፎ ማነስ ይጠቀሳሉ፡፡
ትኩረት ከሚሹ ጉዳዮች መካከልም ከሰንበት ትምህርት ቤቶች አንድነት ጋር ግንኙነት ማጠናከር፣ የሠራተኛ ጉባኤትን አያያዝና ቀጣይ ሂደት፣ ከቁጥር ይልቅ ጥራት ላይ ትኩረት ማድረግ እንደሚገባ ተገልጿል፡፡
በቀረበው ሪፖርት ላይ መነሻ በማድረግ ከተሳታፊዎች ለቀረቡ ጥያቄዎች በሚመለከታቸው የክፍሉ ሓላፊዎች ምላሽ ተሰጥቷቸዋል፡፡
ከሰዓት በኋላ በተደረገው መርሐ ግብር ላይ በማኅበረ ቅዱሳን የወረዳ ማእከላት የአገልግሎት እና የወደፊት አቅጣጫ ዳሰሳዊ ጥናት ለጠቅላላ ጉባኤው ቀርቧል፡፡ በጥናቱ ላይ ከተካተቱት ዋና ዋና ጉዳዮች መካከል የአባላት ተሳትፎ የወረዳ ማእከላት እንቅስቃሴ፣ የአጥቢያ ቤተ ክርስቲያናት ከማኅበረ ቅዱሳን ወረዳ ማእከላት ጋር ያለው ክፍተት የወረዳ ማእከላት ከአዲስ አበባ ማእከል ጋር ያላቸው ግንኙነት በጥናቱ የተዳሰሱ ሲሆን ሊወሰዱ የሚገባቸው መፍትሔዎች ከአባላት፣ ከወረዳ ማእከላት፣ ከሰንበት ትምህርት ቤቶች ከስብከተ ወንጌል ከሰንበት ትምህርት ቤቶች ኅብረት የሚጠበቁትን በዝርዝር አቅርበዋል፡፡ በመጨረሻም በቀረበው ጥናት ላይ ውይይት ተደርጓል፡፡
በማግስቱ እሑድ ጥቅምት 18 ቀን 2004 ዓ.ም. በተካሄደው የጠቅላላ ጉባኤ ውሎ ሥልታዊ አገልግሎት ለቤተ ክርስቲያን ሁለንተናዊ እድገት ከማእከላት አቅም አንጻር በሚል ርዕስ ጥናት የቀረበ ሲሆን በጥናቱ ላይ ውይይት ተካሂዶበታል፡፡ የወንጌል ትምህርት፣ የ2005 ዓ.ም. የሥራና የበጀት እቅድ፣ በእቅዱ ላይ የተካሄደ ውይይትና በማእከሉ መዘምራን ያሬዳዊ ዝማሬ ቀርበዋል፡፡ በመጨረሻም የዋናው ማእከል መልእክት በማድመጥ መርሐ ግብሩ በጸሎት ተጠናቋል፡፡
ሊቀ ጉባዔ ኀይለ ማርያም ንጋቱ ከአባታቸው ከአቶ ንጋቱ ወልደ ሐዋርያትና ከእናታቸው ከወ/ሮ ደመዎዝ ወንድም አየሁ ጥር 12 ቀን 1969 ዓ.ም በሰሜን ሸዋ በሞረትና ጅሩ ወረዳ ልዩ ስሟ ሽነት ቁስቋም በምትባል መንደር ተወለዱ፡፡ ገና በሕፃን ዕድሜያቸው ወደ ታላቁ ገዳም ወደ ደብረ ጽጌ ማርያም በመሄድ ለአጎታቸው ለአባ ፀጋ ወልደ ሐዋርያ በአደራነት ተስጥተው የቅድስት ቤተ ክርስቲያናቸውን ትምህርት ሀ ብለው ንባብ ከአባ ሀብተ ማርያም በሚገባ ካጠናቀቁ በኋላ እዛው ገዳሙ ውስጥ ከሚገኙት ከመምህር አፈወርቅ የቃል ትምህርትና ጾም ምዕራፍ በሚገባ ተማሩ እንዲሁም ከታላቁ ሊቅ ከየኔታ ጽጌ ጾመ ድጓና ድጓ ተምርው በመምህርነት ተመርቀዋል፡፡ ቀጥሎም አቋቋምና ዝማሬ መዋሲእት ከየኔታ መስፍን አበበ በሚገባ ተምርው ተመርቀዋል፡፡ ይህን ሁሉ ትምህርት ተምሬያለሁ በቃኝ ሳይሉ ተጨማሪ ቃለ እግዚአብሔር ፍለጋ በ1984 ዓ.ም ወደ አዲስ አበባ በመምጣት በታዕካ ነገሥት በዓታ ለማርያም ገዳም የካህናት ማሠልጠኛ በመግባት የእውቀት አድማሳቸውን በማስፋት የተክሌ አቋቋምን በመማር በመምህርነት ተመርቀዋል፡፡
ማኅበረ ቅዱሳን በጉራጌ ሀገረ ስብከት በምድረ ከብድ አቡነ ገብረ መንፈስ ቅዱስ አንድነት ገዳም ሲያከናውናቸው የነበሩት የመጠጥ ውኃና የአብነት ትምህርት ቤት ግንባታ ፕሮጀክቶች ተጠናቀው ጥቅምት 4 ቀን 2005 ዓ.ም. በብፁዕ አቡነ ቀሌምንጦስ የከምባታ፣ ሀድያ፣ ጉራጌና ስልጢ አህጉረ ስብከትና የሰንበት ትምህርት ቤቶች ማደራጃ መምሪያ ሊቀ ጳጳስ ተመረቁ፡፡
በብፁዕነታቸው ተመርቋል፡፡ በተጨማሪም የአብነት ትምህርት ቤቱ በብፁዕነታቸው ተባርኮ የተመረቀ ሲሆን እያንዳንዱን ክፍል በመዘዋወር ጎብኝተዋል፡፡ በግንባታው የተካተቱት 12 የተማሪዎች ማደሪያ ክፍሎችና ሌሎች 4 ለመምህራን የተዘጋጁት ክፍሎች ሲሆኑ በእያንዳንዱ የተማሪዎች ማደሪያ ክፍል ባለ 2 ተደራራቢ አልጋዎች ይገኛሉ፡፡ 4 ለመምህራን የተዘጋጁት ክፍሎች በቅርቡ ሙሉ የመኝታ ቁሳቁስ እንደሚሟላላቸው ተገልጿል፡፡
የምድረ ከብድ አቡነ ገብረ መንፈስ ቅዱስ አንድነት ገዳም አበምኔት አባ አብርሃም ወልደ ኢየሱስም ማኅበረ ቅዱሳን ስላከናወነው ተግባር ሲገልጹ “ማኅበረ ቅዱሳን እያከናወነ ያለው አገልግሎት ለዓመታት ስንቸገርበት የነበረውን የውኃ ችግር የፈታ ነው፡፡ ለ6 ወራት ከብቶች በ3 ቀናት ልዩነት ነው ውኃ የሚያገኙት፡፡ እኛም የገዳሙ ማኅበረ መነኮሳት በሳምንት በነፍስ ወከፍ 10 ሊትር ውኃ ብቻ ነው የምናገኘው፡፡ ከዚህ በፊት ውኃ ለማምጣት እስከ 40 ደቂቃ ይወስድብን ነበር፡፡ ሄደንም ወረፋ ጠብቀን ነው የምናገኘው፡፡ አንዳንዴም ተሰልፈንም ላይሳካልን ይችላል፡፡ ዛሬ ማኅበረ ቅዱሳን ከ100 ሺህ ሊትር ውኃ የሚይዝ ማጠራቀሚያ ሠርቶልን ችግራችን ተወግዷል፡፡” በማለት በውኃ ችግር ምክንያት ያጋጠማቸውን ሁሉ መፍትሔ ማግኘቱን ተናግረዋል፡፡ በተጨማሪም የአብነት ትምህርት ቤቱን በማስመልከት 48 ተማሪዎች ተቀብሎ ማስተማር እንደሚያስችልና የግንባታ ወጪውን ገዳሙ በመሸፈን ማኅበረ ቅዱሳን 150 ቆርቆሮ፤ 24 አልጋ፤ 24 ፍራሽ፤ 48 ብርድ ልብስ፤ 48 አንሶላ፤ 48 ትራስ ወጪውን በመቻል ለምረቃ እንደበቃ ገልጸዋል፡፡
አቡነ ገብረ መንፈስ ቅዱስ አንድነት ገዳም ማኅበሩ ስላከናወነው ሥራ ባቀረቡት ሪፖርት “የውኃ ታንከር ሥራው በግንቦት ወር 2004 ዓ.ም. እንዲጠናቀቅ በማድረግ ውኃ መያዝ እንዲችል ተደርጓል፤፤ ግንባታው የተሠራው ከመሬት በላይ ሲሆን 100 ሺህ ሊትር ውኃ የመያዝ አቅም አለው፡፡ በገዳሙ አካባቢ ምንም የገጸ ምድርም ሆነ የከርሰ ምድር ውኃ ማግኘት አስቸጋሪ በመሆኑ ያለው ብቸኛ አማራጭ ከዝናብ የሚገኘውን ውኃ ከጣሪያ ላይ በመሰብሰብ /Roof Catchment/ ዘዴ በመጠቀም ነው፡፡ ይህ ፕሮጀክት በመሠራቱ ምክንያት ቢያንስ ለ50 መነኮሳት ለእያንዳንዳቸው በቀን እስከ 7 ሊትር ውኃ ዓመቱን ሙሉ እንዲያገኙ ያስችላል፡፡” በማለት ያብራሩ ሲሆን በውኃ እጦት ምክንያት ይሰደዱ የነበሩት መነኮሳትና መናንያን ቁጥር እንደሚቀንስና ወደ ገዳሙ የሚመጡ መናንያን ቁጥርም ሊጨምር እንደሚችል ተናግረዋል፡፡ ለውኃ ፕሮጀክቱም 493፣459.25 ብር እንደሚያስፈልገው በእቅድ ተይዞ የነበረ ቢሆንም በ409፣572 ብር ወጪ ሊጠናቀቅ መቻሉንና ወጪውንም ከተለያዩ በጎ አድራጊ ምእመናን ፤ የድሬዳዋ የቀድሞ ተመራቂዎች የቅድስት ድንግል ማርያም ጽዋ ማኅበርና ከባንኮች የሠራተኛ ጉባኤ እንደተገኘ ጨምረው ገልጸዋል፡፡
በማኅበረ ቅዱሳን የጥናትና ምርምር ማእከል የተዘጋጀው 2ኛው የኢትዮጵያ ኦርቶዶክስ ተዋሕዶ ቤተ ክርስቲያን የጥናት መጽሔት/Journal/ ጥቅምት 3 ቀን 2004 ዓ.ም. ከቀኑ 8፡00 ሰዓት ጀምሮ በኢንተር ኮንቲኔንታል ሆቴል ተመረቀ፡፡ በጥናት መጽሔቱ የምረቃ መርሐ ግብር ላይ ብፁዕ አቡነ ሉቃስ የሰቲት ዑመራ ሀገረ ስብከት ሊቀ ጳጳስ፤ በማኅበረ ቅዱሳን የጥናትና ምርምር ማእከል አማካሪ ቦርድ ሰብሳቢ፤ ብፁዕ አቡነ ኤልያስ የሰሜን ኦሞ ሀገረ ስብከት ሊቀ ጳጳስ፤ የጥናት መጽሔቱን በማዘጋጀት የተሳተፉ ምሁራን፤ ጥሪ የተደረገላቸው ሊቃውንተ ቤተ ክርስቲያንና ምሁራን የተገኙ ሲሆን በብፁዕ አቡነ ሉቃስ ቡራኬ በጸሎት ተከፍቷል፡፡
አማካይነት ተባርኮ የተመረቀ ሲሆን በሰጡት ቃለ ምእዳን “የማር፣ የአትክልት፣ የገብስ ጭማቂ መጠጣት የተለመደ ነው፡፡ ትልቁ ጭማቂ ግን ከሰው አእምሮ የፈለቀውን መጠጣት ነው፡፡ ያውም ከሊቃውንቱ የመነጨውን፡፡ ታሪካችን እንዲጠበቅ ያደርጋልና፡፡ ይህ የጥናት መጽሔት ብዙ ምርምር የተደረገበትና ለቤተ ክርስቲያን፣ ለአገር እድገት፣ በአጠቃላይ የቤተ ክርስቲያናችን ትውፊት፣ ባሕል፣ ወግና እምነት ተጠብቆ እንዲሸጋገር የሚያደርግ፤ ለትውልዱ ለማስተላለፍ የሚጠቅም ነው” ብለዋል፡፡
በመርሐ ግብሩ ላይ የማኅበረ ቅዱሳን የመዝሙር ክፍል አባላት ያሬዳዊ ዝማሬ ያቀረቡ ሲሆን የጥናትና ምርምር ማእከሉ ዋና ዳይሬክተር ዮሐንስ አድገ በጥናቱ ላይ የተሳተፉትን፤ የማማከር ሥራ ያከናወኑትን፤ መጽሔቱን በመገምገም ሙያዊ ድጋፋቸውን በመስጠት ለተባበሩት ምሁራን ምስጋናቸውን አቅርበዋል፡፡