የ33ኛው ሰበካ መንፈሳዊ ጉባኤ ባለ 21 ነጥብ የአቋም መግለጫ በማውጣት ተጠናቀቀ
ጥቅምት 8 ቀን 2007 ዓ.ም.
መ/ር ሳሙኤል ተስፋዬ
የ33ኛው ሰበካ መንፈሳዊ ጉባኤ ማጠቃለያ መርሐ ግብር የተጀመረው ከረፋዱ 2፡46 ነበር፡፡ ብፁዕ ወቅዱስ ፖትርያርክ አቡነ ማትያስ ጉባኤውን በጸሎት ከከፈቱ በኋላ ብፁዕ ዶ/ር አቡነ ገብርኤል “ወነአምን በአሐቲ ቅድስት ቤተ ክርስቲያን” በሚል ርዕስ ከምንጊዜውም በላይ የቤተ ክርስቲያንን አንድነት፣ መጠበቅ እንደሚገባ ሰፋ ያለ ትምህርት ሰጥተዋል፡፡
በመቀጠልም ብፁዕ አቡነ ማቴዎስ የጠቅላይ ቤተ ክህነት ዋና ሥራ አስኪያጅ ለሦስት ቀናት በቀረቡት ሪፖርቶች ላይ ውይይት እንዲደረግ ጋብዘዋል፡፡ ሆኖም ግን ቅዱስ ፓትርያርኩ በጉባኤው መክፈቻ ዕለት ማኅበረ ቅዱሳንን አስመልክተው በሰጡት መግለጫ ላይ ብቻ ሰፊና ጠንካራ ውይይቶች ተደርጓል፡፡
የጉባኤው ማጠቃለያ በመጋቤ ብሉይ አእመረ አሸብር ቃለ ጉባኤ ተነቦ ባለ 21 ነጥብ የአቋም መግለጫ ተነቧል፡፡ ከቃለ ጉባኤው ንባብ ለመረዳትም እንደተቻለው ማኅበረ ቅዱሳን በበጀት ዓመቱ በበርካታ ሀገረ ስብከቶች በከፍተኛ ደረጃ የቤተ ክርስቲያን አገልግሎት መደገፉ ተወስቷል፡፡
በመጨረሻም በበጀት ዓመቱ በልማት፣ ዓመታዊ ገቢ፣ በስብከተ ወንጌል፣ በመልካም አስተዳደር የተሻለ አፈጻጸም የነበራቸውን ሀገረ ስብከቶች ደረጃ በማውጣት ሽልማት ተበርክቶለቸዋል፡፡ሽልማቶቹም የሕዳሴው ግድብ ቦንድ ግዢ፣ መጻሕፍት፣ የቃለ ዓዋዲ መጽሐፍ ተሸልመዋል፡፡
ቅዱስ ፓትርያርኩ ለ33ኛው የሰበካ መንፈሳዊ ጉባኤ ተሳታፊዎች ቃለ ምእዳንና መመሪያ በመስጠት ጉባኤው ተጠናቋል፡፡
ሪፖርት አቅራቢ ሥራ አስኪያጆችና የሰሜን አሜሪካ ሀገረ ስብከት ሊቀ ጳጳስ ብፁዕ አቡነ ፋኑኤል በ2006 ዓ.ም የሥራ ዘመን ክንውን ሪፖርታቸውን የጉባኤው ታዳሚዎች ሲያቀርቡ የሪፖርቱ ይዘት ጉባኤውን በሐሴት እንዲሞላ፣ አንገት እንዲደፋና የዕንባ ዘለላ እንዲወርድ ያደረገ ነበር፡፡
ዓመታዊ ገቢ ማሳደግን በተመለከተ በርካታ ሀገረ ስብከቶች ካለፈው ዓመት ገቢ ጋር ሲነጻጸር ከፍተኛ ዕድገት ማሳየት መዘገቡ ይበል የሚያሰኝ ሲሆን ለነዚህ አገልግሎቶች ስኬታነት የማኅበረ ቅዱሳን ድጋፍ ከፍተኛ እንደነበርና በሥልጠና፣ በስብከተ ወንጌል፣ በሕንፃ ዲዛይን በገዳማትና አብነት ትምህርት ቤት ድጋፍ ወዘተ የተደረገው ድጋፍ ከፍተኛ የነበረ ሲሆን በተለይ በተደረገ ሥልጠና አንዳንድ ሀገረ ስብከቶች የሀገረ ስብከቶች ዓመታዊ ገቢያቸው የሥራ ተነሳሽነታቸው መጨመሩም በሪፖርቱ ተወስቷል፡፡
ጥቅምት 6 ቀን 2007 ዓ.ም እና ጥቅምት 7 ቀን 2007 ዓ.ም ትምህርተ ወንጌል በብፁዕ አቡነ ኤልሳዕ የሰሜን ጎንደር ሀገረ ስብከት ሊቀ ጳጳስ እንዲሁም ብፁዕ አቡነ ቀውስጦስ የሰሜን ሸዋ ሰላሌ ሀገረ ስብከት ሊቀ ጳጳስ በሰጡት ትምህርተ ወንጌል የጉባኤው ታዳሚ ስለ እናት ቤተ ክርስቲያን ይበልጥ እንዲያስብ፣ እንዲሠራ፣ እንዲተጋ ያሳሰበ ሲሆን ቅዱስ ሲኖዶስም በተለይ የአጽራረ ቤተ ክርስቲያንን ስውር ተልዕኮ ተረድቶ ቤተ ክርስቲያኒቷን እንዲጠብቅ የሚያሳስብ መልእክት አስተላልፈዋል፡፡
ሦስተኛ ቀኑን የያዘው ይህ ጉባኤ በሀገረ ስብከቶች አማካኝነት የቀረበውን ሪፖርቶች ያደመጠ ሲሆን በአብዛኛው የሀገረ ስብከቶች ሪፖርት ማኅበረ ቅዱሳን ለቤተ ክርስቲያን የሚያደርገውን ሁለገብ ድጋፍ ከፍተኛ መሆኑን በሪፖርቶቹ የቀረቡ ሲሆን የጉባኤው ታዳሚም አድናቆቱን በጭብጨባ ገልጿል፡፡
ደቡብ ወሎ ሀገረ ስብከት፡-
ምሥራቅ ወለጋ ሀገረ ስብከት፡-
ከዝማሬው በኋላ የኢትዮጵያ ኦርቶዶክስ ተዋሕዶ ቤተ ክርስቲያን የሰበካ መንፈሳዊ ጉባኤ የመምሪያ ሓላፊ ሊቀ ማእምራን ፋንታሁን ሙጬ ከሀገር ቤትና ከሀገር ውጭ ለመጡት የ33ኛው መንፈሳዊ ጉባኤ ተሳታፊዎች የእንኳን ደህና መጣችሁ መልእክት ከአስተላለፉ በኋላ በብፁዕ ጠቅላይ ሥራ አስኪያጁ አቡነ ማቴዎስ ጋባዥነት ብፁዕ ወቅዱስ ፓትርያርክ አቡነ ማትያስ የጉባኤውን መከፈት አስመልክተው መግለጫ ሰጥተዋል፡፡
መንፈሳዊ ጉባኤ ተሳታፊዎች የ2006 ዓ.ም. የሥራ አፈጻጸም ሪፓርት አቅርበዋል፡፡
እሑድ ጠዋት ጥቅምት 9 ቀን 2007 ዓ.ም. በመንበረ ፀባዖት ቅድስት ሥላሴ ካቴድራል በአጸደ ነፍስ ለሚገኙ ቅዱሳን ፓትርያርኮችና ሊቃነ ጳጳሳት የመታሰቢያ ጸሎተ ፍትሐትና ቅዳሴ ይከናወናል፡፡
በመንፈሳዊ ጉባኤው ላይ ብፁዕ ወቅዱስ አቡነ ማትያስ ፓትርያርክ ርዕሰ ሊቃነ ጳጳሳት ዘኢትዮጵያ ሊቀ ጳጳስ ዘአክሱም ወእጨጌ ዘመንበረ ተክለ ሃይማኖት፤በሀገር ውስጥና በውጭ ሀገር ተመድበው ቤተ ክርስቲያንን እያገለገሉ የሚገኙ፤ ብፁዓን አበው ሊቃነ ጳጳሳት፣ የመምሪያ ሓላፊዎች፣ የየሀገረ ስብከት ሥራ አስኪያጆች፣ ጥሪ የተደረገላቸው እንግዶች ይገኛሉ ተብሎ ይጠበቃል፡፡