እኛ የምናመልከው አምላክ ኪሚነደው ከእሳቱ እቶን ያድነን ዘንድ ይችላል፡፡ ት.ዳን.3፥17

በዲ/ን ኀይለ ኢየሱስ ቢያ

ንጉሡ ናቡከደነጾር በዱራ ሜዳ ላቆምኩት የወርቅ ምስል ካልሰገዳችሁ ከእጄ የሚያድናችሁ አምላክ ማን ነው? ብሎ በኀይልና በዛቻ በጠየቃቸው ጊዜ ሠለስቱ ደቂቅ በልበ ሙሉነት፥ በፍጹም እምነት፥ መልስ የሰጡበት ኀይለ ቃል ነው፡፡ ከኀይለ ቃሉ ቅዱስ ዳዊት አመንኩ በዘነበብኩ /በተናገርሁት አመንሁ፤ እንዳለ መዝ.115፥1 ፍጹም እምነታቸውንና ታማኝነታቸውን፣ ጽናታቸውን እንረዳለን፡፡ ዛሬ የምናከብረው የሊቀ መላእክት የቅዱስ ገብርኤል በዓል ሠለስቱ ደቂቅን ከባቢሎን እሳት ያዳነበት ነው፡፡ ታሪኩ የተፈጸመው በብሉይ ኪዳን ዘመን ከ605-562 ቅድመ ልደተ ክርስቶስ በነገሠው በናቡከደነጾር ዘመን ነው፡፡ በብሉይ ኪዳን ዘመን ከጣዖት አምላኪና አስመላኪ ኀያላን ነገሥታት መካከል አንዱ ናቡከደነጾር ነበር፡፡ ምስሉ የቆመው በ587 ቅ/ል/ክ እንደሆነ መተርጎማን ያስረዳሉ፡፡ ዳን.3፥1 ናቡከደነጾር እስራኤላውያንን በማረከበት ዘመን ዳንኤልንና ሦስቱን ሕፃናት በልዩ ሁኔታ አክብሯቸው ነበር፡፡

• ዳንኤልን ብርጣሶር አለው አሰበ በል አምኃ ቤል ሲል ነው

• አናንያንም ሲድራቅ አለው ወልደ ሰቃየ አትክልት /አትክልተኛ/ ማለት ነው

• ሚሳኤልንም ሚሳቅ አለው ፀሐቂ ተጋሂ ፍንው ለግብር መልእክት  /ትጉህ ፈጣን መልእክተኛ/ ማለት ነው፡፡

• አዛርያንም አብደናጎም አለው ገብረ ዳጎን /የጣዖት አገልጋይ/ ማለት ነው፡፡ የቀድሞ ስማቸው ትርጉም ግን

• ዳንኤል ማለት ፍትሕ እግዚአብሔር ዳኛ እግዚአብሔር

• አናንያ ማለት ደመና

• ሚሳኤል ማለት ሰምዓኒ እግዚአብሔር /እግዚአብሔር ስማኝ/

• አዛርያ ማለት ረድኤት ማለት ነበር፡፡ ት.ዳን.1፥7

1. በመጀመሪያ ዐዋጅ በማወጅ ነው ይህ ዐወጅ ከተራው እስከ ባለሥልጣናቱ ያሉትን የሚመለከት ነበር፡፡ በተለይም ባለሥልጣናቱ ቀድመው በመስገድ አርአያ እንዲሆኑ ተጋብዘዋል፡፡
2. ሁለተኛው የሕዝቡን ልብ በሙዚቃ እንዲደሰቱ በደስታው ተውጠው ሳያስቡት እንዲሰግዱ ማድረግ
3. የመጨረሻው በማስፈራራት /ወደ እሳት ትጣላላችሁ እያለ/ እንዲሰግዱ ማድረግ ነው፡፡ ነገር ግን የቱንም ያህል ቢያባብልና ቢጥር ሠለስቱን ደቂቅ ለማሰገድ ያደረገው ሙከራ  አልተሳካለትም፡፡

1. ለምስክርነት፡- የአምልኮ ጣዖትን ከንቱነትና የእግዚአብሔርን ክብር ለመመስከር
2. ለአርአያነት፡- በምርኮ ያሉት እስራኤላውያን በሃይማኖታቸው እንዲጸኑ አርአያ ለመሆን ነው፡፡

1. ወጣቶችና ምርኮኞች ናቸው
2. በንጉሡ ሥልጣን ሥር ናቸው፡፡
3. አንዴ ብቻ ስገዱ ተባሉ እንጂ እግዚአብሔርን ተው አልተባሉም ስለዚህም፡- “ለዛሬ  ተመሳስለን እንለፍ” ማለት ይችላሉ፡፡
4. “የንጉሡ ውለታ ይዞን ነው” ማለት ይችላሉ
5. “በባዕድ ሀገር ስለሆንን ነው፡፡”
6. እንኳስ እኛ በባዕድ ምድር በሰው እጅ ያለነው ቀደመቶቻችን በራሳቸው ፈቃድ ጣዖት አምልከዋል፡፡
7. “ከሰው ጋር ሲኖሩ ሞኝ ሆኖ አህያ ሲጭኑ ሦስት ሆኖ ነው” በማለት ምክንያት መፍጠር ይችሉ ነበር፡፡ ነገር ግን ምንም ምክንያት አልሰጡም፡፡

1. ሠለስቱ ደቂቅ ፈጣሪያቸውን በመዝሙር ሲያመሰግኑ ሰምቷል፡፡
2. እሳቱ በወጣቶች ላይ ምንም ጉዳት እንዳላደረሰባቸው አስተውሏል
3. ሰው ያልሆነ ፍጡር አብሯቸው መኖሩን አውቋል ከዚህ የተነሣ አማኞችንም ፈጣሪያቸውንም አመስግኗል፡፡ “መልአኩን የላከ…. የታመኑትን ባሪያዎቹን ያዳነ የሲድራቅና የሚሳቅ የአብድናጎም አምላክ ይመስገን” ብሏል፡፡ ዳን.3፥28

1. የእግዚአብሔር ጥበቃ፡- እግዚአብሔር በመግቦቱ ዓለምን ይጠብቃል ይመራል፡፡ መዝ.22፥1፣ ማቴ.5፥45፣ ማቴ.6፥25፣ 1ኛ ጴጥ.5፥7
2. የቅዱሳን መላእክት ጥበቃ፡- ቅዱሳን መላእክት በተልእኮ ይጠብቃሉ ይራዳሉ ያማልዳሉ፡፡ መዝ.33፥7 “የእግዚአብሔር መልአክ በሚፈሩት ሰዎች ዙሪያ ይሰፍራል ያድናቸውማል፡፡” ይላል
3. የካህናት ጥበቃ በማስተማርና በምክር በጸሎት ይጠበቃሉ ዮሐ.21፥15፣ 1ኛ ጴጥ.5፥2፣ ዕብ.13፥17 “ለመምህሮቻችሁ ታዘዙ… ስለ ነፍሳችሁ ይተጋሉና”
4. የሕግ ጥበቃ ሕግ ሲያከብሩት ሰውን ይጠበቃል ይመራል፡፡ መዝ.118፥105 “ሕግህ ለእግሬ ብሥራት ለመንገዴም ብርሃን ነው”

• የቅዱሳን መላእክት ተፈጥሮ እግዚአብሔር አምላክ በዕለተ እሑድ እምኀበ አልቦ ኀበ ቦ/ካለመኖር ወደመኖር አምጥቶ የፈጠራቸው ንጹሐን ቅዱሳን ረቂቃን ፍጥረታት ናቸው፡፡ ኩፋ.2፥5-9፣ መዝ.103፥4፣ ቈላ.1፥16-17

• ቅዱሳን መላእክት በነገድ መቶ ናቸው ማቴ.18፥11-14 ሳጥናኤል በመሳቱ 99 ነገደ መላእክት ሲሆኑ 100ኛ ነገድ አዳም ሆኗል፡፡

• ቅዱሳን መላአክት ቁጥራቸው አይታወቅም ት.ኤር.33፥22

• ቅዱሳን መልእክት ሕያዋን ናቸው ሞት የለባቸውም ማቴ.22፥30

• ቅዱሳን መላእክት የሰው ልጆች የዘላለም ሕይወትን እንዲወርሱ ያግዛሉ ይራዳሉ፡፡ ዕብ.1፥14

• ቅዱሳን መላእክት ከእግዚአብሔር ወደ ፍጥረታት ለምሕረትም ለመዓትመ ይላካሉ፡፡

• ቅዱሳን መላእክት ከሰው ወደ እግዚአብሔር ልመናን ምልጃን ያቀርባሉ /የምዕመናንን ጸሎት ያሳርጋሉ/ ራዕ.5፥8፣ ራዕ.8፥2-5፣ ማቴ.18፥10፣ ዮሐ.1፥52

• ቅዱሳን መላእክት ከክፉ ነገር ሁሉ ይመልሳሉ /ወደ በጎ ይመራሉ/ ዘኁ.22፥32 የእግዚአብሔር መልአክ “መንገድህ በፊቴ ቀና አልነበረምና አቋቁምህ ዘንድ መጥቼአለሁ አለው፤ ለክፋት ተነሥቶ የነበረውን ለበጎ አደረገው፡፡

• ቅዱሳን መላእክት የሰው ልጆችን ያጽናናሉ ያበረታታሉ፡፡ 1ኛ ነገ.19፥5፣ ዳን.10፥13-21፣ ሉቃ.22፥43 “የሚያበረታታው የእግዚአብሔር መልአክም ከሰማይ ታየው” ማቴ.4፥11 “እነሆም መላእክት ሊያገለግሉት መጡ” እኛንም በችግራችን ጊዜ ሊያገለግሉን ይመጣሉ፡፡

• ቅዱሳን መላእክት ከሰይጣን ተንኮልና ስሕተት ይጠበቃሉ ይታደጋሉ ዘፀ.23፥20-23፣ መዝ.90/91፥11-12

• ቅዱሳን መላእክት እግዚአብሔርን ለሚገዳደሩና ለሚጠረጠሩ ይቀስፋሉ  መዝ.34፥5-6

1. የሚለመነው የሚማለደው እግዚአብሔር ይቅር ባይ መኖሩን ዘፀ.32፥11-15
2. የሚለምን/ የሚማልድ አስታራቂ መልአክ/ጻድቅ መኖሩን ት.ዘካ.1፥12
3. የሚለመንለት ሰው/ ተነሣሂ ይቅርታ ጠያቂ/ መሆን አለበት ሉቃ.18፥13፣ ዘፍ.20፥7

• የሚለመንለት ሰው አማኝ ተነሣሂ መሆን አለበት ት.ሕዝ.14፥14፣ መዝ.33፥7

• ለማስታረቅ በእግዚአብሔር ፊት ሞገስ፣ ብቃት መመረጥ መወደድ ያስፈልጋል የሐዋ.19፥11-20፣ ዘኁ12፥1

• ለማስታረቅ በሰው ፊትም ቢሆን መወደድ መከበር ተሰሚነት ያስፈልጋል፡፡

• በአጠቃላይ ሠለስቱ ደቂቅ በእምነታቸው ጽናት የእግዚአብሔርን ቸርነት የሊቀ መላእክት ቅዱስ ገብርኤልን ጠባቂነት በግልጽ አሳየተው አስረድተዋል፡፡ ከዚህም የተነሣ ነው ንጉሡ “መልአኩን የላከ.. የታመኑትን ባሪያዎቹን ያዳነ የሲድራቅና የሚሳቅ፣ የአብደናጎም አምላክ ይመስገን” ያለው፡፡