የቅዱስ ሲኖዶስ የአራት ቀናት ውሎና ውሳኔዎች

በእንዳለ ደምስስና

በዲ/ን ዩሴፍ ይኲኖ አምላክ

• በሕገ ቤተ ክርስቲያን

• በቤቶችና ሕንጻ አስተዳደር

• በአዲስ አበባ ሀገረ ስብከት ጉዳይ

• በጠቅላይ ቤተ ክህነት አስተዳደራዊ ጉዳዮች

• በግብጽ ቤተ ክርስቲያን ፓትርያርክ ምርጫ ስለሚወከሉ አባቶች

• የቤተ ክርስቲያንን የውጭ ግኑኝነት

1. ቤተ ክርስቲያን የምትመራበት ቃለ ዓዋዲ ወቅቱን ባገናዘበ ሁኔታ ለአስተዳደርና ለአሠራር አመቺ ይሆን ዘንድ ማሻሻያ እንዲደረግበት፡፡

2. በቤተ ክርስቲያኒቱ ሥር የሚገኙ ሕንፃዎች በአግባቡ እንዲያዙ፣ ልዩ ልዩ ጉዳት የደረሰባቸው እድሳት እንዲደረግላቸው፣ ባሉት ባዶ ቦታዎች ላይ ተጨማሪ ቤቶች እንዲሠሩና በመንግሥት ተወርሰው ያልተመለሱትን የቤተ ክርስቲያኒቱን ሕንፃዎች የማስመለሱ ጥረት እንዲቀጥል፡፡

3. በአዲስ አበባ ሀገረ ስብከት የሚታየውን ነባራዊ ሁኔታ ለአስተዳደርና ለአሠራር ምቹ ባለመሆኑ ምክንያት አዲስ አበባ ሰሜን፣ ደቡብ፣ ምእራብ፣ ምስራቅ ተብሎ ለአራት አህጉረ ስብከቶች እንድትከፈል ውሳኔ ተላልፏል፡፡

4. የጠቅላይ ቤተ ክህነት አስተዳደር ምቹና ቀልጣፋ እንዲሆን በባለሙያ ጥናት ተካሂዶ ለግንቦቱ የቅዱስ ሲኖዶስ ምልአተ ጉባኤ እንዲቀርብ፡፡

5. የግብጽ ኦርቶዶክስ ተዋሕዶ ቤተ ክርስቲያን 117ኛው ፓትርያርክ በብፁዕ ወቅዱስ አቡነ ሲኖዳ ሳልሳዊ ሞት ምክንያት ቤተ ክርስቲያኒቱ 118ኛውን ፓትርያርክ ለመምረጥ በተዘጋጀችበት በአሁኑ ጊዜ  የኢትዮጵያ ኦርቶዶክስ ተዋሕዶ ቤተ ክርስቲያንን የሚወክሉ ጳጳሳት እንዲገኙ በተላለፈው ጥሪ መሠረት አምስት ብፁዓን ሊቃነ ጳጳሳት የኢትዮጵያ ቤተ ክርስቲያንን ወክለው እንዲገኙ ተወስኗል፡፡

6. በቤተ ክርስቲያናችን የውጭ ግንኙነት ዙሪያ ሰፊ ሥራ ለመሥራትና ስብከተ ወንጌልን አጠናክራ ለመቀጠል ይቻላት ዘንድ በእንግሊዝኛ ቋንቋ ለመላው ዓለም ለማዳረስ እንዲቻል ወርኀዊ መጽሔት እንዲዘጋጅ ተወስኗል በማለት የሕዝብ ግንኙነት ሓላፊው አቶ እስክንድር ገብረ ክርስቶስ ገልጸዋል፡፡