መልአከ ገነት ኃይለ ማርያም ፋንታሁን አረፉ።

 

መልአከ ገነት ኃይለ ማርያም ከአባታቸው መምህር ፋንታሁን ጥሩነህ እና ከእናታቸው ወ/ሮ ውዴ አካሌ በምዕራብ ጎጃም ዞን በሜጫ ወረዳ በደብር መድኃኒት ማርያም ልዩ ስሟ ደረመኔ በተባለ ቦታ የተወለዱ ሲሆን እድሜያቸው ለትምህርት እንደደረሰ አባታቸው ተተኪ አገልጋዮችን ለማፍራት ባላቸው ልዩ ፍላጎት የተነሣ መንፈሣዊ ትምህርት ቤት በመግባት የቤተ ክርስቲያንን ትምህርት በትጋት በመማር እንዲሁ ደግሞ ወንበር ዘርግተው በማስተማር፣ ተተኪ ካህናትንና መምህራንን በማፍራት፣ ለከፍተኛ ማዕረግ የበቁ ጳጳሳትን በማፍራት፣ ከ300 በላይ መነኮሳትን አመንኩሰዋል። ከመነኮሱት ውስጥም ለፓትርያርክነት ማዕረግ የበቁ ያሉበት ሲሆን ፈለገ ገነት ቅዱስ ጊዮርጊስ ገዳምን ለ43 ዓመታት በማስተዳደር፣ በቤተ ክርስቲያኒቷ የተለያዩ የልማት ሥራዎች ላይ በመሣተፍ፣ ችግረኞችን በመርዳት፣ የተጣሉትን በማስታረቅ፣ ያዘኑትን በአባታዊ ምክር የሚያረጋጉ አባት እንደነበሩ አጭር የሕይወት ታሪካቸው ያስረዳል።