{"id":3843,"date":"2014-06-28T13:26:43","date_gmt":"2014-06-28T13:26:43","guid":{"rendered":"http:\/\/eotcmk.org\/ao\/seensa\/"},"modified":"2018-10-26T09:21:27","modified_gmt":"2018-10-26T09:21:27","slug":"seensa","status":"publish","type":"post","link":"https:\/\/eotcmk.org\/ao\/seensa\/","title":{"rendered":"Seensa deebii gaaffilee"},"content":{"rendered":"

Seensa deebii gaaffilee<\/span><\/p>\n

1.\u00a0\u00a0 <\/span><\/span>Gaaffiin Maali?<\/span><\/h1>\n

Gaaffiin dhimma hin beekne tokko beekuuf ykn isa beeknu irratti hubannoo dabalataa argachuuf qaama waa\u2019ee dhimma gaafatamu sana irratti beekumsa\/hubanno cimaa qaban haala itti quunnamnu, deebiis haala itti argannu dha. Kana jechuun garuu kan gaafatu hundi wallaalaa (kan hin beekne), kan deebii deebisu hundis beekaadha jechuu miti; gama biraan ammo namni hundi kallattii maraan wal-qixa jechuus hin dandeenyu. Kanaafuu, waltajjiin gaaffiifi deebii kuni uummanni hedduun kan itti gaafatu, hayyoonni muraasni kan itti deebii kennan osoo hin taane akka muuxannoo wal-jijjiiruuti hubatamuu qaba. <\/span><\/p>\n

Barnoota Amantaa keessatti gaheen \u2018gaaffii fi deebii\u2019 faayidaa adda durummaa hin qabu. Sababiinisaas \u00a0namni Amantaa isaa sirriitti barate kan gaaffii isatti ta\u2019u waan hin jirreef. Kanaafuu, calqaba, namni hundi waa\u2019ee Amantaa isaa beekuuf (barachuufi dubbisuun) carraaquu qaba. Adeemsa sana keessa kan ifa hin taane, ibsa bal\u2019aa barbaadu yoo jiraatemmoo waltajjiin akkanaa bu\u2019aa guddaa qabu. Namni baratee\/dubbisee gaafatu maal akka gaafatu\/hanqina isaafi deebii akkamii akka eeggatu ni beeka; \u2018namni rakkoo isaa sirriitti beeke furmaata walakkaa argateera\u2019 jedhama mittiiree? \u00a0\u00a0<\/span><\/p>\n

\u00a0<\/p>\n

Dubbistootni keenya gaaffii akka gaafattan, deebii kennuu keessattis akka hirmaattan afeeruu keenyaan dura hubannoolee waa\u2019ee \u201cGaaffii fi Deebii\u201d muraasa akka armaan gadiitti caqasuu feena: <\/span><\/p>\n

2.\u00a0\u00a0 <\/span><\/span>Gaaffiin Maaliif Gaafatama?<\/span><\/h1>\n

2.1.\u00a0\u00a0\u00a0\u00a0\u00a0\u00a0 <\/span><\/span>Beekuuf\/Hubachuuf, Fayyinaaf<\/span><\/h2>\n

Akkuma dursinee ibsuu yaalletti kaayyoon gaaffii gaafachuu inni calqabaa \u201cbeekuuf\u201d ykn \u201chubachuuf\u201d dha. Duukaa Buutonni Gooftaa kadhanna guddicha \u201cYa Abbaa Keenyaa\u201d jedhu barachuu kan danda\u2019an gaafataniitu: \u201cakka itti kadhatan nu barsiisi\u201d jechuudhaan (Luq.11:1). Barsiisaan isaaniis isaan barsiise; isaanis baratanii itti fayyadaman; nuufillee dabarsanii yaroo hunda ittiin Waaqa keenya kadhanna. <\/span><\/p>\n

Hayyichi Yihuudotaa Niqoodimos halkan halkan gara Gooftaa<\/span> dhufuudhaan barachaa yoggu turetti gaaffilee hedduu gaafateera: iccitiin dhagahaa ture suni sammuu isaan ol waan tureef. Gaaffilee \u201cNamni erga dulloomee booda akkamitti<\/span> lammaffaa dhalachuu danda\u2019a?<\/span> Gara garaa haadha isaa keessatti deebi\u2019amoo?\u201d<\/span><\/em> kkf jedhee gaafateera (Yoh.3:4). Gaaffilee isaa hundaafis ibsa gahaa argatee cuuphameera (gara daandii fayyinaatti deebi\u2019eera). Namoonni lallaba Q\/Pheexiroos gaafa guyyaa ayyaana Pheeraqilixos dhaggeefatanis dhuma irratti, \u201cegaa maal gochuu qabna?\u201d<\/span><\/em> jedhanii gaafatanii deebii furmaataa\/cuuphaa argataniiru (Erg.2:37). Gaaffiin hubatanii fayyuuf gaafatama kan jenuufis kanaaf. <\/span><\/p>\n

2.2.\u00a0\u00a0\u00a0\u00a0\u00a0\u00a0 <\/span><\/span>Kanneen Biroo Barsiisuuf<\/span><\/h2>\n

Namni gaafatu hundi wallaaleetu, ofii baruuf gaafata jechuun dogoggora; tokko tokko ofii otuu beekuu warri kaan dhimma sana caalaatti akka hubataniif gaafachuu danda\u2019a. Hangafti Raajotaa Museen irree Waaqummaa\/humna Waaqayyoo sirriitti beeka ture; Inni hunda gochuu akka danda\u2019us shakkii hin qabu ture. Namoonni inni gaggeessu (Sabni Isra\u2019eel) garuu hubannoo sana akka argataniif Waaqayyoon gaafachaa ture; Waaqayyos harka isaa irratti raajiilee adda addaa mul\u2019isuudhaan deebii kennef (saba Isaa barsiise). Gooftaanis<\/span> \u201cnamoonni waa\u2019ee [koo] maal jedhu laata?\u201d<\/span><\/em> jedhee kan gaafatate (Maat.16:13) wallaalee miti; waa\u2019ee eenyumma Isaa isa sirrii akka hubatan barsiisuuf waan barbaadeef malee. <\/span><\/p>\n

2.3.\u00a0\u00a0\u00a0\u00a0\u00a0\u00a0 <\/span><\/span>Dogoggorsuuf, Qoruuf, Yakkuuf<\/span><\/h2>\n

Kaayyoo xuraa\u2019aa qabatanii kan gaaffii gaafatanis hin dhiban: karaa dogoggoraa saaqqachuuf. Seexanni bofa fakkaatee gara Hewaan deemuudhaan: \u201cdhuguma Waaqni firiilee mukeen as keessa jiran hunda kana<\/span><\/em> akka hin nyaanne isin dhorkeeraa?\u201d<\/span><\/em> jedhee kan gaafate (Ba\u2019uu 3:1) beekuuf, barees itti fayyadamuuf hin turre; kaayyoo isaa badiinsaaf qaawwa saaqachuuf malee. Xumura gaaffii kanaa dhuma marii isaanii booda daandii du\u2019aa itti lixuu ishee irraa hubachuu dandeenya. <\/span><\/p>\n

Mormittonni Gooftaa <\/span>keenya<\/span> Iyyasuus Kiristoosis<\/span>, \u201cQeesaariif gibira kaffaluun<\/span> sirriimo sirrii miti?\u201d<\/span> jedhanii kan gaafatan (Maat.22:17-18) akka kaffalamuu qabu wallaalanii miti; qoruuf male: deebii Inni deebisu irratti hundaa\u2019uudhaan, yoo Inni \u201csirrii dha\u201d<\/span><\/em> jedhe \u201cMootummaa Waaqayyoo dhiisee kan biyya lafaa<\/span> barsiisa\u201d<\/span> jechuuf; \u201csirrii miti\u201d<\/span> yoo jedhe ammo \u201cmooticha Roomaa Qeesaariin<\/span> mormeera\u201d<\/span> jedhanii yakkuuf. Waaqayyo laphee namaa keessa beeku garuu kaayyoo isaanii baree \u201cmaaliif na qortuu?\u201d<\/span> jedhee ori\u2019uudhaan deebii sammuun isaanii hin yaadiin kenneef. <\/span><\/p>\n

3.\u00a0\u00a0 <\/span><\/span>Akkamitti Gaafachuu Qabna?<\/span><\/h1>\n

3.1.\u00a0\u00a0\u00a0\u00a0\u00a0\u00a0 <\/span><\/span>Dhimmoota Amantaa Qofa irratti Xiyyeeffachuu<\/span><\/h2>\n

Namni uumamumaan gaaffilee adda addaatiin guutamaadha; kunis hir\u2019ina isaa (akka Waaqa isaa waan hunda beekuu akka hin dandeenye) kan agarsiisu dha. Nuyis dhimmoota jireenya dhuunfaa\/maatii, siyaasa fi dinagdee akkasumas saayinsii kan ilaalatan qabaachuu dandeenya. Waltajjii kana keessatti kan keessummeessuu dandeenyu garuu gaaffilee Amantaa ilaalatan qofa ta\u2019a. Tarii gaaffileen tokko tokko garuu waa\u2019ee Amantaa ta\u2019anii qabxiilee kanneen (keessumaayyuu seenaa fi aadaa,jireenya keenya guyyaa guyyaa keessatti dhiphina sammuu an nutti uuman dhimmoonni naamusaa,cubbuu hojjennee kan keessa keenya\u00a0 nagaa dhorkee nu rakkisu) waliin wal-qabatanii ka\u2019an jiraachuu ni malu. Dhimmoota akka kanaas gaaffii keenya keessatti daballee gaafachuu ni dandeenya. <\/span><\/p>\n

3.2.\u00a0\u00a0\u00a0\u00a0\u00a0\u00a0 <\/span><\/span>Ifaa fi Gabaabaan<\/span><\/h2>\n

Gaaffiin ifa ta\u2019ee gaafatame dafee deebii argata; ta\u2019uu baannaan garuu gaaffichumtuu gaaffii biraa uuma. Kanaafuu jechoota hedduu fi hima dheeraa tarreessuudhaan naanna\u2019aa ooluu dhiisanii ijoo dubbii isaa irratti xiyyeeffachuun, gabaabsanii gaafachuun ogummaa dha. <\/span><\/p>\n

3.3.\u00a0\u00a0\u00a0\u00a0\u00a0\u00a0 <\/span><\/span>Bilisa, Sodaa Malee fi Sammuu Qulqulluun<\/span><\/h2>\n

Gooftaan<\/span> keenya Iyyasuus Kiristoos<\/span> Duukaa Buutota Isaa hunda waa\u2019ee du\u2019a fi du\u2019aa ka\u2019umsa Isaa deebisee deddeebisee isaan barsiisee ture. Isaan garuu iccitii cimaa kana hubachuu hin dandeenyeef, dhiphatanii turan. Kitaabni Qulqulluu: \u201cisaan garuu dubbii isaa hin hubanne; Isa gaafachuus sodaatan<\/span>\u201d<\/span> jedha (Mar.9:32). Namni isa dhagahefi dubbise hubachuu dadhabuun isaa waanuma jirudha; yoo rakkoo isaa kana hiikuuf gaafachuu dadhabe (sodaate) garuu rakkina cimaa keessa seena. Akkamitti barachuu danda\u2019aree?<\/span><\/p>\n

Namni sammuu isaa keessatti gaaffii qabu gaafachuu qaba male \u201cmaal naan jedhu laata?\u201d jedhee mamuu hin qabu: gaaffiin yaraa hin qabu, deebii quubsaa dhaba ta\u2019a malee! Sammuun keenya waa hubachuuf qophaa\u2019ee, bilisaan dhiyaannaan Waaqayyo keenya dhugaatiin nu guutuuf amanamaa dha. \u00a0<\/span><\/p>\n

3.4.\u00a0\u00a0\u00a0\u00a0\u00a0\u00a0 <\/span><\/span>Madda irratti Hundaa\u2019uudhaan (Danda\u2019amnaan)<\/span><\/h2>\n

Namni tokko ka\u2019umsa gaaffii isaaf oduu daddarboo (\u2018akkas jedhama, odeeffama, hamatama\u2026kkf\u2019 jedhee) yoo jalqabe, kanneen akkasiif deebii kennuun nama rakkisa; innuu dhagahe malee madda isaa hin barre waan ta\u2019eef. Waltajjiin kuni oduufi hamiif otuu hin ta\u2019iin odeeffannoof (madda qabatamaa kan qabuuf) deebii kenuu irratti xiyyeeffata. <\/span><\/p>\n

3.5.\u00a0\u00a0\u00a0\u00a0\u00a0\u00a0 <\/span><\/span>Filannoo \u201cDaangeffamaa\u201d Dhiisuudhaan<\/span><\/h2>\n

Gaaffii namni gaafatu tokko haala deebiin isaa itti deebi\u2019uu qabu ofii daangessuuf aangoo hin qabu; kana gochuu dandeenyaan durumayyuu deebiin gaaffichaa sammuu isaa keessa jira jechuudha. Kanaafuu \u201cisa kana mo isa kana dha?\u201d jedhamee hin gaafatamu; deebiin isaa filannoolee dhiyaatan lamaanuu ala ta\u2019uu waan danda\u2019uuf. Fkn: Bartoonni Gooftaa keenyaa nama agartuu dhabe tokko arganii, \u201cya Gooftaa<\/span>, namichi kuni kan akkanatti dhalate<\/span> isatu moo? maatii isaatu cubbuu hojjennaani?\u201d<\/span> jedhanii gaafatan (Yoh.9:1). Gooftaanis \u201cinnis ta\u2019e maatiin isaa cubuu hojjetaniif miti; hojiin [ulfinni<\/span>]<\/em> Waaqayyoo<\/span>irratti haa mul\u2019atuuf malee\u201d<\/span><\/em> jedhee deebii filannoo isaanii irraa adda ta\u2019e deebiseera. <\/span><\/p>\n

3.6.\u00a0\u00a0\u00a0\u00a0\u00a0\u00a0 <\/span><\/span>Ejjennoo Ofii Beeksisuu irraa Of-qusachuudhaan<\/span><\/h2>\n

Beekumsa haaraa argachuuf carraaqquu dhiisanii tokko tokko ejjennoo isaanii nama biroo irratti fe\u2019uuf gaaffii fakkeessanii dhiyeessu. Ayihuud waa\u2019ee <\/span>Waaqummaa Gooftaa<\/span> keessa isaaniitti waan shakkaa turaniif, <\/span>\u201ckuni ilma<\/span>Yooseef mitii?\u201d<\/span> jedhanii gaafataniiru (Luq.4:22). Kuni gaaffii miti; isaan akka ilma Yooseef ta\u2019e ejjenoo waan qabaniif namni biraa \u201clakki Ilma Waaqayyooti\u201d isaaniin jedhu osoo dhufellee dhaga\u2019uuf qophaa\u2019oo miti. <\/span><\/h2>\n

4.\u00a0\u00a0 <\/span><\/span>Gaaffii Keenyaaf Eenyu irraa Deebii Arganna?<\/span><\/h1>\n

4.1.\u00a0\u00a0\u00a0\u00a0\u00a0\u00a0 <\/span><\/span>Abbootii Keenya \/Beektota Amantaa\/ Irraa<\/span><\/h2>\n

Abbootiin umurii isaanii dheeraa keessatti waan hedduu baratu; muuxannoo dubbisuu qofa osoo hin ta\u2019iin isa dubbisan itti jiraachuus barataniiru. Kanaafuu gaaffileen nuyi gaafannu hedduun isaa dhimma isaan keessa darbani, mo\u2019ataniis ta\u2019e kufanii kan irraa baratani dha. Umuriin qofa miti; kitaabolee dubbisuudhaanis Abootiin\/beektonni amantaa nu caalaa beeku. Kitaabni Qulqulluus: \u201cAbbaakee gaafadhu, si beeksisa; hayyoota gaafadhu sitti<\/span> himu\u201d<\/span> kan jedhe kanaaf (Kees.32:7). \u00a0<\/span><\/p>\n

4.2.\u00a0\u00a0\u00a0\u00a0\u00a0\u00a0 <\/span><\/span>Kitaabolee Qulqullaa\u2019oo<\/span><\/h2>\n

Namni dubbisu gaaffii isaa hedduuf deebii argata. \u201cMuseefi Raajonni isaaniif<\/span> jiru; isaaniin haa dhaga\u2019an\u201d<\/span> kan jedhame (luq.16:29) namoonni kuni Kakuu Haaraa keessa qaamaan waan jiraniif miti; kitaabota barreessanii darbantu nuuf jiraayi. Kan barreeffame hunduu nuuf barnoota akka ta\u2019uuf\/kennuuf barreeffame; kitaabonni affuurri Qulqulluu irra jirus gara fayyinaatti nama qajeelchu (2Xim.3:15-17). Namni kitaabota hin dubbisne, dubbisees kan hin qalbeeffanne garuu ni dogoggora; \u201cjecha kitaabotaa waan hin beekneef<\/span> dogoggortu\u201d<\/span> akkuma jedhame (Maat.22:29). <\/span><\/p>\n

4.3.\u00a0\u00a0\u00a0\u00a0\u00a0\u00a0 <\/span><\/span>Waaqayyo Irraa, \/Uumama irraa, Muuxannoo Afuuraa, Kadhannaa \/<\/span><\/h2>\n

Gaaffiin gaafatame hundi Abbootii irraas ta\u2019e kitaabota (nuyi beeknu) irraa deebii argachuu dhiisuu ni mala; \u201cWaaqayyo karaa tokkos, karaa biraas waan<\/span> dubbatuuf\u201d<\/span> (Iyoob.33:14), uumama Waaqayyoo fi muuxannoo Afuuraa hordofuun hanga tokko gaaffilee keenya deebisa. Hunduma kanneen irraa deebii dhabnullee Manni Amantaa waan deebii hin qabneef osoo hin taane: namni waan hunda beekuu waan hin dandeenyeef, iccitiin kitaabotaa har\u2019uma diigamee waan hin xumuramneef, Waaqnis guyyaa itti deebii nuuf kennu waan qabuuf ta\u2019uu ni danda\u2019a. <\/span><\/p>\n

Giiftiin keenyi Dubroon Maariyam \u201cdubrummaan akka deessu\u201d<\/span> karaa Ergamaa Gabri\u2019el yoggu dhageessu, \u201ckuni akkamiin ta\u2019a?\u201d<\/span> jettee gaafatteetti (Luq.1:34-35). Qulqulluu Gabri\u2019eelis gaaffii kanaaf deebii quubsaa hin kennine; iccitiin Waaqayyoo sammuu uumamaa ol waan ta\u2019eef, \u201cWaaqayyoof maaltu<\/span> dadhabama?\u201d<\/span> jedhee malee ibsa biraa keessa hin lixne. Iccitiilee kitaabotaas yo Gooftaan nuuf ibse male hubachuu hin dandeenyu: \u201cakka kitaabota hubataniif<\/span> samuu isaanii baneef\u201d<\/span> jedhameera (Luq.24:45). Iccitii dhokataa guutummaatti hiikuu kan danda\u2019u Waaqa Abbaa icciitichaa qofa dha: \u201csamii irraas ta\u2019e lafa keessaa kitaabicha diriirsuu ykn diigee ilaaluuf eenyullee hin dandeenye [Gooftaa qofa malee]\u201d akkuma jedhame (Mul.5:3-5). Kanaafuu, hunda har\u2019uma baranna, beeknee fixna jechuun dhara; wal-duraa-duuba nuuf ifaa bula malee. Qulqulluu Hiriyaqoos (Qiddaasee Maariyamii irratti): \u201c\u2026sammuun koo gara<\/span> samiitti ol-bahee haala jireenya Ilma kee baruu barbaada;\u2026garuu dadhabee<\/span><\/em> bakka isaa duraatti deebi\u2019a<\/span><\/em>\u201d jedheera. Jechi \u201c\u2026hanga dandeessan nyaadhaati kan hafe ibiddaan gubaa\u201d jedhus (Ba\u2019uu 12:10) dhugaa kana ibsa: \u201c\u2026iccitii Amantaa [Waaqayyoo] hanga sammuun keessan danda\u2019e xiinxalaatii kaan Afuura Qulqulluuf dhiisaa\u201d jedhamee hiikama (Andimtaa). <\/span><\/p>\n

Afuura Qulqulluuf kan dabarsinu ammo kadhannaadhaan ta\u2019uu qaba; gaaffii eenyuyyuu nuuf deebisuu dadhabe Waaqni nuuf deebisa, akkatti nuuf deebisus ni beeka. Hanga Waaqni dhufutti garuu obsuun murteessaa dha; Inni akka keenya hin ariifatu, garuu dhufa malee hin hafu!<\/span><\/p>\n

5.\u00a0\u00a0 <\/span><\/span>Haala fi Yaroo itti Gaaffiin Keenya Deebi\u2019u: Xumura <\/span><\/h1>\n

\u00a0<\/p>\n

Walumaa galatti haala dursinee ibsine kanaan dubbistoonni keenya gaaffii keessan nuuf ergaa, nuufis kadhadhaa; nuyi ammo Abbootii gaafannee, kitaabota dubbisnee deebii isaanii qabannee dhiyaanna. Gaaffilee deeebi\u2019uu qaban calaluuf, kan calalaman akka dhufaatii isaaniifi atattamummaa isaaniitti tartiiba qabsiisuuf, deebii garaa ciibsus kenuuf garuu yaroo waan nu barbaaduuf obsa keessan kadhanna. Kunoo bakki itti gaaffilee keessan iccitiidhaan nuuf ergitan qophaa\u2019eera; ammaa jalqabaati koottaa, \u201cAnaa Dhufu!\u201d jennee isin simanna. Nu of-kalchaa!!!<\/span><\/p>\n","protected":false},"excerpt":{"rendered":"

Seensa deebii gaaffilee<\/span><\/p>\n

1.\u00a0\u00a0 <\/span><\/span>Gaaffiin Maali?<\/span><\/h1>\n

Gaaffiin dhimma hin beekne tokko beekuuf ykn isa beeknu irratti hubannoo dabalataa argachuuf qaama waa\u2019ee dhimma gaafatamu sana irratti beekumsa\/hubanno cimaa qaban haala itti quunnamnu, deebiis haala itti argannu dha. Kana jechuun garuu kan gaafatu hundi wallaalaa (kan hin beekne), kan deebii deebisu hundis beekaadha jechuu miti; gama biraan ammo namni hundi kallattii maraan wal-qixa jechuus hin dandeenyu. Kanaafuu, waltajjiin gaaffiifi deebii kuni uummanni hedduun kan itti gaafatu, hayyoonni muraasni kan itti deebii kennan osoo hin taane akka muuxannoo wal-jijjiiruuti hubatamuu qaba. <\/span><\/p>\n

Barnoota Amantaa keessatti gaheen \u2018gaaffii fi deebii\u2019 faayidaa adda durummaa hin qabu. Sababiinisaas \u00a0namni Amantaa isaa sirriitti barate kan gaaffii isatti ta\u2019u waan hin jirreef. Kanaafuu, calqaba, namni hundi waa\u2019ee Amantaa isaa beekuuf (barachuufi dubbisuun) carraaquu qaba. Adeemsa sana keessa kan ifa hin taane, ibsa bal\u2019aa barbaadu yoo jiraatemmoo waltajjiin akkanaa bu\u2019aa guddaa qabu. Namni baratee\/dubbisee gaafatu maal akka gaafatu\/hanqina isaafi deebii akkamii akka eeggatu ni beeka; \u2018namni rakkoo isaa sirriitti beeke furmaata walakkaa argateera\u2019 jedhama mittiiree? \u00a0\u00a0<\/span><\/p>\n","protected":false},"author":2,"featured_media":0,"comment_status":"closed","ping_status":"open","sticky":false,"template":"","format":"standard","meta":{"footnotes":""},"categories":[77],"tags":[],"_links":{"self":[{"href":"https:\/\/eotcmk.org\/ao\/wp-json\/wp\/v2\/posts\/3843"}],"collection":[{"href":"https:\/\/eotcmk.org\/ao\/wp-json\/wp\/v2\/posts"}],"about":[{"href":"https:\/\/eotcmk.org\/ao\/wp-json\/wp\/v2\/types\/post"}],"author":[{"embeddable":true,"href":"https:\/\/eotcmk.org\/ao\/wp-json\/wp\/v2\/users\/2"}],"replies":[{"embeddable":true,"href":"https:\/\/eotcmk.org\/ao\/wp-json\/wp\/v2\/comments?post=3843"}],"version-history":[{"count":1,"href":"https:\/\/eotcmk.org\/ao\/wp-json\/wp\/v2\/posts\/3843\/revisions"}],"predecessor-version":[{"id":4201,"href":"https:\/\/eotcmk.org\/ao\/wp-json\/wp\/v2\/posts\/3843\/revisions\/4201"}],"wp:attachment":[{"href":"https:\/\/eotcmk.org\/ao\/wp-json\/wp\/v2\/media?parent=3843"}],"wp:term":[{"taxonomy":"category","embeddable":true,"href":"https:\/\/eotcmk.org\/ao\/wp-json\/wp\/v2\/categories?post=3843"},{"taxonomy":"post_tag","embeddable":true,"href":"https:\/\/eotcmk.org\/ao\/wp-json\/wp\/v2\/tags?post=3843"}],"curies":[{"name":"wp","href":"https:\/\/api.w.org\/{rel}","templated":true}]}}