Gambela_1.JPG

የጋምቤላ ርዕሰ መስተዳድር ኡሞድ ኡቦንግና የክልሉ ከፍተኛ ባለሥልጣናት ተጠመቁ

በ1 ነጥብ 8 ሚሊዮን ብር የተገነባው ቤተክርስቲያን ተመረቀ፡፡                  

በተከስተ አዳፍራቸው

የጋምቤላ ሕዝቦች ብሔራዊ ክልላዊ መንግሥት ርዕሰ መስተዳድርን ጨምሮ የክልሉ ፖሊስ ኮሚሽን ኮምሽነርና የካቢኔ ጉዳዮች ጽ/ቤት ሓላፊ የኢትዮጵያ ኦርቶዶክስ ተዋሕዶ ቤተክርስቲያንን እምነት ተቀብለው ተጠመቁ፡፡ በጋምቤላ ሀገረ ስብከት በአንድ ነጥብ ስምንት ሚሊዮን ብር ወጪ የተገነባው የደብረ መድኃኒት ቅድስት ኪዳነምሕረት ቤተክርስቲያን ተጠናቆ ቅዳሴ ቤቱም ተከብሯል፡፡Gambela_1.JPG

ብፁዕ ወቅዱስ አቡነ ጳዉሎስ ¬ፓትርያርክ ርዕሰ ሊቃነ ጳጳሳት ዘኢትዮጵያ፣ ሊቀ ጳጳስ ዘአክሱም ወእጨጌ ዘመንበረ ተክለሃይማኖት፣ የዓለም አብያተ ክርስቲያናት ፕሬዚዳንት፣ የዓለም ሃይማኖቶች ምክር ቤት የክብር ፕሬዝዳንት የክልሉን ከፍተኛ ባለሥልጣናት ካጠመቁ በኋላ እንደ ተናገሩት፣ ልጆቻችን የኢትዮጵያን ኦርቶዶስ ተዋሕዶ ቤተክርስቲያን ሥርዓተ እምነት ተምረው በመጠመቃቸው ቤተክርስቲያን እጅግ የላቀ ደስታ ይሰማታል፡፡
Gambela.JPG
«ቤተክርስቲያን ከበረቱ ውጪ ያሉ ብዙ በጎች አሏት» ያሉት ቅዱስነታቸው፤ እንደነ ጋምቤላ ክልል ርዕሰ መስተዳድርና ከፍተኛ ባለሥልጣናት ያሉ ብዙ ታላላቅ ሰዎች የኢትዮጵያ ኦርቶዶክስ ተዋሕዶ ቤተክርስቲያንን እምነትና ሥርዐት ተቀብለው ሀገራቸውን በተረጋጋ ሰላምና ልማት መምራታቸውን በመጥቀስ አስረድተዋል፡፡

የክልሉ ርዕሰ መስተዳድር አቶ ኡሞድ ኡቦንግ በበኩላቸው፤ የኢትዮጵያ ኦርቶዶክስ ተዋሕዶ ቤተክርስ ቲያንን እምነት መሠረታዊ ትምህርቶችን ከሀገረ ስብከቱ ሥራ አስኪያጅና ከሊቃውንቱ ዘንድ በሚገባ በመከታተል ከነመላ ቤተሰባቸው መጠመቃቸውን ገልጸዋል፡፡

በዚህም ከፍተኛ ደስታና መረጋጋት እንደተሰማቸው የተናገሩት ርዕሰ መስተዳድሩ፤ ቤተክርስቲያኒቱ ከምታስ ተምራቸው መሠረታዊ የእምነቱ ሥርዓቶች በተጓዳኝ በልማቱና በሰላሙ መስክ ኅብረተሰቡን ለማገልገል የምታደርገው እንቅስቃሴ ወደ ክርስትናው እንደሳባቸው አስረድተዋል፡፡

በኢትዮጵያ ኦርቶዶክስ ተዋሕዶ ቤተክርስቲያን እምነት በመጽናትና በሥነ ምግባር በመታነጽ የሰላም አምባሳደር ለመሆን እንደሚጥሩ የጠቆሙት አቶ ኡሞድ፤ በቤተክርስቲያኒቱ የልማት ሥራ ላይ በመሳተፍ ሃይማኖታዊ ግዴታቸውንም እንደሚወጡ ተናግረዋል፡፡

በዕለቱ ከክልሉ ርዕሰ መስተዳድርና ቤተሰቦቻቸው ጋር በመጠመቅ የእግዚአብሔርን ልጅነት ካገኙት ወን ድሞች መካከል የክልሉ ፖሊስ ኮሚሽን ኮሚሽነር ኡቲያንግ ኡቻንና የክልሉ ርዕሰ መስተዳድር የካቢኔ ጉዳዮች ጽ/ቤት ሓላፊ አቶ አሙሉ ኡቻን ይገኙበታል፡፡

በዚሁ ሥነ ሥርዓት ላይ የተገኙት አንዳንድ ምእመናን በሰጡት አስተያ የት፤ የክልሉ ርዕሰ መስተዳድርና ከፍተኛ ባለሥልጣናት የእግዚአብሔርን ልጅነት በማግኘታቸው መደሰታቸውን ተናግረዋል፡፡
Church.JPG

 
 
 
 
 
 
 
 
 
 
 
 
«የኢትዮጵያ ኦርቶዶክስ ተዋሕዶ ቤተክርስቲያንን ሥርዓትና እምነት ተቀብለው ለመኖር ብዙ የሚፈልጉ ወገኖች አሉ» ያሉት አስተያየት ሰጪዎቹ፤ እነዚህን ወገኖች ለማምጣት ምእመናንም ሆኑ የቤተክርስቲ ያኒቱ አገልጋዮች ሁሉም በየደረጃው ብዙ መሥራት እንደሚጠበቅባቸው ገልጸዋል፡፡

ከጥምቀተ ክርስትና ሥነ ሥርዓቱ በኋላም በአንድ ነጥብ ስምንት ሚሊዮን ብር የተገነባው የደብረ መድኃኒት ቅድስት ኪዳነምሕረት ቤተክርስቲያን ቅዳሴ ቤት በቅዱስ ¬ፓትርያርኩ ከብሯል፡፡ ቅዱስነታቸው በዚሁ ጊዜ እንደ ተናገረሩት፤ የጋምቤላ ምእመናን በአንድ ዓመት ጊዜ ውስጥ ይሔንን የመሰለ ቤተክርስቲያን አጠናቀው ለአገልግሎት ማብቃታቸው ለእምነታቸው ያላቸውን ጽናት እንደሚያሳይ ገልጸዋል፡፡ ምእመናኑ ይህንን የእምነት ጽናት በማሳደግ ቤተክርስቲያናቸውን መጠበቅ እንደሚገባቸው ቅዱስነታቸው አሳስበው፤ በልማቱም ዘርፍ እያደረጉት ያለውን አስተዋጽኦ አጠናክረው እንዲቀጥሉ አባታዊ መልእክታቸውን አስተላልፈዋል፡፡

በሥነ ሥርዓቱ ላይ ከጋምቤላ ከተማና ገጠራማ አካባቢዎች የመጡ በርካታ ምእመናንና ጥሪ የተደረገላ ቸው እንግዶች መገኘታቸውም ታውቋል፡፡

ስምዐ ጽድቅ ጋዜጣ 17ኛ ዓመት ቁጥር 4/ቅጽ 17 ቁጥር 189 ከኅዳር 1-15 2002 ዓ.ም

ጉባኤው ባለ 26 ነጥብ የአቋም መግለጫና የውሳኔ ሐሳብ አሳለፈ

ለቤተክርስቲያን ልማት የላቀ አስተዋጽኦ ያበረከቱ ተሸለሙ

የኢትዮጵያ ኦርቶዶክስ ተዋሕዶ ቤተክርስቲያን መንበረ ፓትርያርክ 28ኛው አጠቃላይ ሰበካ መንፈሳዊ ጉባኤ ባለ 26 ነጥብ የጋራ የአቋም መግለጫና የውሳኔ ሐሳብ በማቅረብ ተጠናቀቀ፡፡

ከጥቅምት 6-11 ቀን 2002 ዓ.ም ሲካሔድ የሰነበተው ይህ ስብሰባ በብፁዕ ወቅዱስ አቡነ ጳዉሎስ ፓትርያርክ ርዕሰ ሊቃነ ጳጳሳት ዘኢትዮጵያ ሊቀጳጳስ ዘአክሱም ወእጨጌ ዘመንበረ ተክለሃይማኖት የዓለም አብያተ ክርስቲያናት ፕሬዚዳንት የዓለም ሃይማኖቶች የክብር ፕሬዚዳንት በሀገር ውስጥና በወጪ ሀገር የሚገኙ ሊቃነ ጳጳሳት፣ የየአህጉረ ስብከቱ የሥራ ሓላፊዎች፣ የምእመናንና የሰንበት ትምህርት ቤት ወጣቶች በተገኙበት ነው፡፡

ጉባኤውን በጸሎት የከፈቱት ቅዱስነታቸው፤ የቤተክርስቲያን ዓላማ ሰላም በመሆኑ በሥልጡንና ሰላማዊ በሆነ መንገድ ጉባኤውን ማካሔድ እንደሚገባ አሳስበዋል፡፡ «ሰላማዊ በሆነ መንገድ የሚካሔድ ውይይት የጎደለን ይሞላል የተጣመመን ያቃናል» ያሉት ቅዱስነታቸው «ቤተክርስቲያናችንን በልማቱ ለማሳደግ ጠንክሮ መሥራት ያስፈልጋል» በማለት ጉባኤውን አስጀምረዋል፡፡

ብፁዕ አቡነ ይስሐቅ የጠቅላይ ቤተክህነት ዋና ሥራ አስኪያጅና የባሌ ሀገረ ስብከት ሊቀ ጳጳስ በ2001 ዓ.ም በጠቅላይ ቤተክህነቱና በየአህጉረ ስብከቶች የተከናወኑትን ዐበይት ጉዳዮች የተመለከተውን ዘገባ በንባብ አሰምተዋል፡፡

ዘገባውን ወንጌላዊው ቅዱስ ሉቃስ በሐዋርያት ሥራ በጻፈው መልእክት /ም.5-42/ የጀመሩት ሥራ አስኪያጁ፤ ለቤተክርስቲያን የደም ሥር፣ ለምእመናን የጀርባ አጥንት የሆነው ስብከተ ወንጌልን በስፋትና በአግባቡ እንዲሰበክ፤ ምእመናን በእምነታቸው እንዲጸኑ፣ በሥነ ምግባር እንዲጎለብቱ፣ ከባዕድ ሃይማኖት ራሳቸውንና ቤተሰቦቻቸውን እንዲጠብቁ፣ ሰበካ ጉባኤያት እንዲስፋፉና እንዲጠናከሩ፣ የልማትና የምግባረ ሠናይ ሥራዎች እንዲሠሩ፣ ድህነትና ድንቁርና ከሕዝባችን ጫንቃ እንዲወርዱ ለማድረግ ሁሉም ጥረት ማድረግ ወቅቱ የሚጠይቀው ዐቢይ ተግባር መሆኑን ገልጸዋል፡፡

ዓመታዊ የሰበካ መንፈሳዊ ጉባኤ በዚህ ሁኔታ ሲካሔድ ሃያ ስምንተኛ ዓመቱን መያዙን የተናገሩት ብፁዕ አቡነ ይስሐቅ «ጉባኤው ከወጣኒነት ወደ ፍጹምነት መሸጋገር እንደሚኖርበት የሁላችንም እምነት ነው፡፡» ብለዋል፡፡ ስለሆነም መለኪያው ከማእከል እስከ አጥቢያ አብያተ ክርስቲያናት የሚቀርበው ዘገባና ውጤት ተኮር ሥራ ተሠርቶ ሲገኝ ብቻ መሆኑን አመልክተው፤ ይህ ካልሆነ ግን በየዓመቱ የሚደረገው ስብሰባ ልማዳዊ እንዳይሆን በብርቱ ማጤን እንደሚገባ አስገንዝበዋል፡፡

በመቀጠልም ሥራ አስኪያጁ ለግምገማና ለውይይት እንዲያመች ከብፁዕ ወቅዱስ ፓትርያርክ ልዩ ጽ/ቤት፣ ከመንበረ ፓትርያርከ ጠቅላይ ጽ/ቤት፣ ከየአህጉረ ስብከቱ ጽ/ቤቶች በ2001 ዓ.ም የተከናወነውን የሥራ ክንውን ዘገባ አቅርበዋል፡፡

የብፁዕ ወቅዱስ ፓትርያርክ ልዩ ጽ/ቤትን በተመለከተው ዘገባ ቅዱስ ፓትርያርኩ በሀገር ውስጥና በውጪ ሐዋርያዊ አገልግሎትና ልዩ ልዩ የሥራ ክንውኖችን ማድርጋቸውን አመልክቷል፡፡ ከነዚህ  ውስጥ ሐምሌ 22 ቀን 2000 ዓ.ም የቀድሞ የአሜሪካ ፕሬዚዳንት ቢል ክሊንተን የቅዱስ ላሊበላን ታሪካዊ መካናት እንዲጎበኙ መደረጉና በኋላም ከቅዱስ አባታችን ጋር ተወያይተው ለቤተክርስቲያናችን አድናቆት መቸራቸው ገልጸዋል፡፡ ነሔሴ 29 ቀን 2000 ዓ.ም ቅዱስ አባታችን የሀገሪቱ ፕሬዚዳንትና ልዩ ልዩ የሀገር ውስጥና የውጪ ሀገር እንግዶች በተገኙበት ከጣሊያን መጥቶ አክሱም በቀድሞ ቦታው በተተከለው የአክሱም ሐውልት ሥነ ሥርዓት ላይ በክብር መገኘታቸው ተጠቅሷል፡፡

በመስከረም 13 ቀን 2001 ዓ.ም በኦሮሚያ ክልላዊ መንግሥት በናዝሬት ቅድስት ማርያም ቤተክርስቲያን የተሠራውን ሕንፃ መመረቃቸው፣ መስከረም 24 ቀን 2001 ዓ.ም በምዕራብ ሸዋ አምቦ በጃን መንግሥት የተሠራውን ትምህርት ቤት ምረቃ ወቅት መገኘታቸውና መስከረም 16 ቀን 2001 ዓ.ም የሚከበረውን የመስቀል ደመራ በዓል በበለጠ ተጠናክሮ እንዲውል ጉዳዩ ለሚመለከተው አመራር መስጠታቸው በዘገባው ተመልክቷል፡፡

በቅዱስነታቸው ሰብሳቢነት የተመራው የቅዱስ ሲኖዶስ ምልአተ ጉባኤ ስብሰባ የተለያዩ አጀንዳዎች ላይ ተወያይቶ ውሳኔ እንዲያስተላልፍ ሁኔታዎች መመቻቸታቸው፣ በቅዱስነታቸው መመሪያ ሰጪነት ሸንኮራ ዮሐንስን ጨምሮ በአዲስ አበባ ሀገረ ስብከት የሚገኙና አዳዲስ አብያተ ክርስቲያናትና ቅዳሴ ቤት ተገኝተው እንዲከበር መደረጉ ተጠቅሷል፡፡

ልዑል አክሊለ ብርሃን መኮንን ኃይለ ሥላሴ የተባሉ በጎ አድራጊ ለቅድስት ሥላሴ ካቴድራል ሁለተኛ ደረጃ ትምህርት ቤት ግንባታ የሚውል አንድ ሚሊዮን፣ ለአክሱም ጽዮን ቅድስት ማርያም ቤተመጻሕፍት ወቤተመዘክር የሚውል አምስት መቶ ሺሕ ብር እርዳታ ሲለግሱ ቅዱስነታቸው በመገኘት ርዳታው ለተሰጣቸው ማስረከባቸው በልዩ ጽ/ቤቱ የተሠሩ ዐበይት ጉዳዮች መሆናቸው በሪፖርቱ ተመልክቷል፡፡

በውጪ ሀገርም በቅዱስነታቸው የተመረጡ ልዑካን ከኅዳር 5-16 ቀን 2001 ዓ.ም ድረስ ቦነስአይረስ በተካሔደው ዓለም አቀፍ ጉባኤ ላይ መሳተፍ፣ ከስብሰባው መልስም በሶርያ በመገኘት ከፕሬዝዳንቱ ዶ/ር በሽር አል አሳድ ጋር ስለ ዓለም ሰላም ጉዳይ መወያየታቸው፣ ከሶርያም ወደ ሊባኖስ በመጓዝ በቤሩት በሚገኙ ምእመናን የተገነባውን ቤተ ሳይዳ ቅዱስ ገብርኤል ቤተክርስቲያን በመገኘት ሕንፃውን ባርከው ቅዳሴ ቤት መክበሩ፤ እንዲሁም ወደ ግብጽ በማምራት ከብፁዕ ወቅዱስ አቡነ ሺኖዳ ሳልሳዊ እስክንድርያ ሊቀ ጳጳስ ጋር በሁለቱ አኃት አብያተ ክርስቲያናት ግንኙነት መወያየታቸው በውጪው ዓለም ካከናወኑት ዐበይት ጉዳዮች መካከል ይጠቀሳሉ፡፡

ስብከተ ወንጌልና ሐዋርያዊ ተልዕኮ በተመለከተ ዋና ሥራ አስኪያጁ ባቀረቡት ዘገባ፤ በዋናው መሥሪያ ቤት ያሉትን ሰባክያነ ወንጌልንና በሰዋሰው ብርሃን ቅዱስ ጳውሎስ፣ በቅድስት ሥላሴ መንፈሳዊ ኮሌጅ በአዲስ አበባ የሚገኙትን ጨምሮ በማስተባበር በ26 አህጉረ ስብከት የስብከተ ወንጌል ሥምሪት መደረጉን አስታውቀዋል፡፡

ስበከተ ወንጌልን ይበልጥ ለማስፋፋት እንዲረዳ በደቡብ ኦሞ፣ በሽሬ፣ በደቡብ፣ በሰሜንና በምዕራብ ወሎ፣ በሶማሌ፣ በወላይታና በዳውሮ፣ በጉራጌ፣ በምሥራቅ ሐረርጌ፣ በአዲግራት፣ አክሱም፣ በአፋርና በምሥራቅ ጎጃም አህጉረ ስብከት 1ሺሕ228 ያህል ሰባክያነ ወንጌል መመደባቸውንም ሥራ አስኪያጁ አብራርተዋል፡፡

ገቢና ወጪን አስመልክቶ ከቁልቢ ንዋየ ቅድሳት ማደራጃ ከስብከተ ወንጌል ጉባኤ አንድ በመቶ አስተዋጽኦና ከመጽሔት ሽያጭ 238¸616.77 ገቢ ሲሆን ጠቅላላ ወጪው ደግሞ 238¸325.52 መሆኑን ብፁዕ አቡነ ይስሐቅ አመልክተዋል፡፡

በሊቃውንት ጉባኤ በኩል በ2001 ዓ.ም ከቅዱስ ሲኖዶስ ጀምሮ ከአምስት የቤተክርስቲያናችን ክፍሎች፣ ከተወካዮች ምክር ቤት እና ከልዩ ልዩ ድርጅቶች፣ ከአራት የአጥቢያ አብያተ ክርስቲያናትና አምስት ግለሰቦች የተዘጋጁ በድምሩ 192 የሆኑ በጥልቅ ታይተው እንዲታረሙ የተላኩትን ታላላቅ መጻሕፍት፣ መለስተኛ ጽሑፎችንና ጥያቄዎች ተመ ልክቶ ከአስተያየት ጋር ወደ በላይ አካል መመለሱን እንዲሁም ተጠቃሎ እንዲታተም የተጀመረውን የግእዝ መጽሐፍ ቅዱስ እያመሳከረ በመጀመሪያ የማጣራት ሥራ ላይ እንደ ሚገኝም ሥራ አስኪያጁ አስረድተዋል፡፡

ትምህርትና ማሠልጠኛን በተመለከተ ለ22 አህጉረ ስብከት አብነት ትምህርት ቤቶች አንድ ሚሊዮን 69 ሺሕ ብር፣ ለ14 አህጉረ ስብከት ንባብና ቅዳሴ ቤት 260 ሺሕ ብር፣ ለ21 አህጉረ ስብከት ካህናት ማሰልጠኛ 750 ሺሕ ብር በድምሩ 2 ሚሊዮን 79 ሺሕ ብር መላኩን ገልጸዋል፡፡

በጀትና ሒሳብን አስመልክተው ባቀረቡት ዘገባ ከቤተክርስቲያኒቱ የገቢ ርዕሶች 48 ሚሊዮን 631 ሺሕ 40 ብር ለማስገባት ታቅዶ 45 ሚሊዮን 711 ሺሕ 685 ብር ብቻ እንደተገኘና ከዚህም ውስጥ 39 ሚሊዮን 566 ሺሕ 487 ብር ወጪ ሆኖ በሥራ ላይ እንደዋለ አስረድ ተዋል፡፡

ጠቅላይ ቤተክህነቱ በስድስት መምሪያዎች እና በ10 የጠቅላይ ቤተክህነቱ ድርጅቶች፣ አራት አህጉረ ስብከቶችና የቁልቢ ደብረ ኃይል ቅዱስ ገብርኤል ገዳም ሒሳብ ተመርምሮ 387 ሚሊዮን 431 ሺሕ 782 ብር ገቢ፣ 344 ሚሊዮን 674 ሺሕ 313 ወጪ ሲሆን አራት ሺሕ 496 ብር ጉድለት መገኘቱን ብፁዕ አቡነ ይስሐቅ በዘገባቸው አመልክተዋል፡፡

በሰንበት ትምህርት ቤቶች ማደራጃ በኩል በ 2001 ዓ.ም ያሬዳዊ ዜማ የካሴትና የመጽሔት ሥርጭትን በተመለከተ ወጥ የሆነ ያሬዳዊ መዝሙር እንዲዘመር ጥረትና እንቅስቃሴ መደረጉን፣ ሐምሌ 5 ቀን 2000 ዓ.ም የተከበረውን የብፁዕ ወቅዱስ ፓትርያርክ 16ኛ ዓመት በዓለ ሲመት ወጣቶችን የማስተባበር ሥራ መሠራቱን፣ ከነሐሴ 1-16 ቀን 2000 ዓ.ም ድረስ በጾመ ፍልሰታ ለማርያም ሱባኤ የሰንበት ትምህርት ቤት አባላት በየአብያተ ክርስቲያናቱ በመገኘት ተገቢውን መንፈሳዊ አገልግሎት እንዲሰጡ በመምሪያው በኩል ትእዛዝ መተላለፉን ዘገባው አመልክቷል፡፡

በተጨማሪም ማደራጃ መምሪያው መስከረም 1 ቀን 2001 ዓ.ም የዘመን መለወጫ በዓልን አስመልክቶ የብፁዕ ወቅዱስ ፓትርያርኩ የእንኳን አደረሰዎ በዓል ላይ የሰንበት ትምህርት ቤት አባላት አገልግሎት እንዲሰጡ መመሪያ ማስተላለፉንና፣ የመስቀል ደመራ በዓል በደማቅ መንፈሳዊ ሥነ ሥርዐት እንዲከበር የሰንበት ትምህርት ቤት አባላትን በማሠልጠን የሚጠበቀውን መንፈሳዊ አገልግሎት እንዲያበረክቱ ማድረጉን ሥራ አስኪያጁ ጠቁመዋል፡፡

በማኅበረ ቅዱሳን በኩል ደግሞ በዋናው ማዕከል አማካኝነት ብቻ ለ22 ሕዝባዊ ጉባኤያት፣ በዐሥር የተለያዩ የወረዳ ከተሞች ሐዋርያዊ ጉዞ መደረጉን፣ ስብከተ ወንጌል ካልደረሰባቸው ጠረፋማ አህጉረ ስብከት ለተውጣጡ 40 ወጣቶችና በዝዋይና በጅማ ካህናት ማሠልጠኛ 135 ልዑካን ሥልጠና መስጠቱን፣ ትምህርተ ሃይማኖት እና መንፈሳዊ መልእክት የያዙ 325 ሺሕ የስምዐ ጽድቅ ጋዜጣ 225 ሺሕ ሐመር መጽሔትና ሰባት ሺሕ ልዩ እትም ሐመረ ተዋሕዶ በ2001 ዓ.ም ማኅበሩ ማሰራጨቱን ሥራ አስኪያጁ በዘገባቸው ገልጸዋል፡፡

በተጨማሪም ማኅበሩ ልዩ ልዩ የቤተክርስቲያን ትምህርት የያዙ ዘጠኝ መጻሕፍትን በአማርኛና ኦሮምኛ ቋንቋዎች አሳትሞ ከ 57 ሺሕ ቅጂዎች በላይ ማሠራጨቱን፣ በድምፅና በምስል ልዩ ልዩ ወቅታዊነት ያላቸውን ጽሑፎች በአማርኛና በእንግሊዚኛ ቋንቋዎች በዌብሳይቱ /መካነ ድሩ/ ማስተላለፉን፣ በሀገር ውስጥ በከፍተኛ ትምህርት ተቋማት ተከታታይ ትምህርትና ሥልጠና መስጠቱ፣ ለአብነት ትምህርት ቤቶች 300 ደቀመዛሙርት የመሠረታዊ ትምህርትና የስብከት ዘዴ፣ በአፍሪካ፤ በግብጽ፣ በኬንያና በአውሮፓ 11 ከተሞች መምህራንን ልኮ ሐዋርያዊ አገልግሎት መስጠቱን የሥራ አስኪያጁ ዘገባ አመልክቷል፡፡

እንዲሁም ለአብነት ትምህርት ቤቶች ደቀመዛሙርት፣ ለንዋየ ቅድሳትና ለአህጉረ ስብከት ድጋፍ፣ ለቅኔ ትምህርት ማስተዋወቅ፣ በተለያዩ አህጉረ ስብከት ርክክብ ለተደረገባቸው ፕሮጀክቶች ማስፈጸሚያና ገና እየተሠሩ ላሉ ፕሮጀክቶች፣ ለአብያተ ክርስቲያናት በነፃ ለተሠሩ የአሠራር ንድፎች /ዲዛይኖች/ በጠቅላላ ከብር 2 ሚሊዮን 760 ሺሕ 186 በላይ ወጪ መደረጉን አስታውቀዋል፡፡

በቅርሳ ቅርስ ምዝገባና ጥበቃ በኩልም በበጀት ዓመቱ ብዙ ጥረት መደረጉን በዘገባቸው ያመለከቱት ሥራ አስኪያጁ በቅርሳቅርስ ቀላጤዎች ተሰርቀው የነበሩ መጻሕፍትንና ንዋየ ቅድሳትን ለማስመለስ በተደረገ ጥረት 22 ጥንታውያን መጻሕፍትን፣ 10 የተለያዩ ንዋያተ ቅዱሳትንና ሁለት ጽላቶችን ለማስመለስ መቻሉን አስረድተዋል፡፡

ግምታቸው 223 ሺሕ 780 ብር የሆኑ ባለሥዕል የብራና ተአምረ ኢየሱስ፣ አንድ የብራና ተአምረ ማርያምና አንድ ድርሳነ ሚካኤል መጽሐፍ በፖሊስ ጣቢያ በኤግዚቢት ተይዘው በምርመራ ላይ ስለሆኑ ቅርሶቹ ወደቦታቸው እንዲመለሱም ክትትል እየተደረገ መሆኑን ዘገባው አመልክቷል፡፡

ዋና ሥራ አስኪያጁ የዋናውንና የየአህጉረ ስብከቶቹን የሥራ እንቅስቃሴ በዝርዝር ያቀረቡ ሲሆን በመ ምሪያዎች፣ በድርጅቶችና በ45 አህጉረ ስብከት አሉ ያሏቸውንም ችግሮች ገልጸዋል፡፡

ካጋጠሙ ችግሮች መካከል በጠቅላይ ቤተክህነቱ ያለው የገንዘብ ወጪ ጫና፣ ከየአህጉረ ስብከቱ ለሚዘዋወሩ ሠራተኞች ደሞዝ ከጠቅላይ ቤተክህነት መከፈሉ፣ ከከፍተኛ ትምህርት ተቋማት ለሚመረቁ ደቀ መዛሙርት የሚመደበው አዲስ በጀትና የተቋማቱ የውስጥ ገቢ አለመፍጠር፣ ከበጀት ውጪ የሚቀርበው የገንዘብ ጥያቄና ከበቂ በላይ ሠራተኞች እያሉ ተጨማሪ ሠራተኞች ያለ ሥራ መመደብና መቅጠር ዋና ዋናዎቹ ናቸው፡፡ በተጨማሪም ወደ ውጪ ሀገርና ሀገር ውስጥም ለአገልግሎት የሚመደቡና የሚላኩትም ወጪያቸው ከዚያው እንዲሸፈን አለመደ ረጉ ይገኙበታል፡፡

የመንበረ ፓትርያርክ አጠቃላይ ሰበካ መንፈሳዊ ጉባኤን የ 27 ዓመት ጉዞን የሚያሳይ ዐውደ ርእይ የቀረበ ሲሆን ዐውደ ርእዩም በቅዱስ ፓትርያርኩና በብፁዓን ሊቃነ ጳጳሳት ተባርኮ ተከፍቷል፡፡ ዓውደ ርእዩ ከጥቅምት 6-15 ቀን 2002 ዓ.ም ለዘጠኝ ቀናት ለሕዝብ ክፍት ሆኖ እንደሚቆይ ታውቋል፡፡ ዓውደ ርእዩን የተመለከቱት ተሳታፊዎች በሰጡት አስተያየት የቤተክርስቲያኒቱን ታላቅ ጉባኤ የሚያመለክት በመሆኑ ተጨማሪ የመጎብኛ ጊዜያት እንዲሰጡ ጠይቀዋል፡፡

በስብሰባው ማጠናቀቂያ ላይ ከቤተክርስቲያን ሐዋርያዊ አገልግሎት ጎን ለጎን አገልግሎቷን ለማቀላጠፍ በልማቱ ዘርፍ የላቀ አስተዋጽኦ ያበረከቱ ሀገረ ስብከቶችና አብያተ ክርስቲያናት ሽልማት ተበርክቶላቸዋል፡፡ ለተመረጡት አብያተ ክርስቲያናት ሽልማት የሰጡት ብፁዕ ወቅዱስ አቡነ ጳውሎስ እንደተናገሩት፤ ቤተ ክርስቲያን በልማቱ ዘርፍ በማሳተፍ ለሀገር ዕድገት የበኩሏን አስተዋጽኦ እያደረገች ነው፡፡

ይህንንም አስተዋጽኦ የበለጠ አጠናክራ እንደምትቀጥል ቅዱስነታቸው ተናግረዋል፡፡ በሠሩት የልማት ሥራ ለሽልማት የበቁት አብያተ ክርስቲያናት የተመረጡት ከመላው ሀገሪቱ ሲሆን አህጉረ ስብከቶቹና የሰበካ ጉባኤ አባላቱ ልማቱን የበለጠ አጠናክረው እንዲቀጥሉ ጄኔሬተር፣ የውኃ ¬ምፕና ኮሚፒዩተር መሸለማቸው ታውቋል፡፡

ለሽልማት ከበቁት ውስጥ የባሌ፣ የሰሜን ሸዋ፣ የምሥራቅ ሸዋና የአዲስ አበባ ሀገረ ስብከት የሚገኙ አብያተ ክርስቲያናት ይገኙበታል፡፡

ጉባኤው ሲጠናቀቅም የጉባኤውን ሒደት በቅደም ተከተል እንዲካሔድ የተሰየመው የቃለ ጉባኤ አርቃቂ ኮሚቴ ባለ 26 ነጥብ ያለው የጋራ የአቋም መግለጫና የውሳኔ ሐሳብ አቅርቧል፡፡

ኮሚቴው ባቀረበው የአቋም መግለጫና የውሳኔ ሐሳብ እንዳመለከተው ቅዱስነታቸው በጉባኤው መክፈቻ ላይ የሰጡት የሥራ መመሪያና በተለይ በሀገራችን ሊከናወን ስለሚገባው ልማታዊ ሥራ፣ ለዚህ ተግባራዊነትም ሊኖር ስለሚገባው ሰላም አስመልክቶ ያስተላለፉት መልእክት ጉባኤው በአድናቆትና ከልብ እንደተቀበለውና ለተግባራዊነቱም እንደሚሠራ ገልጸዋል፡፡

ቅዱስነታቸው በተገኙበት ከየካቲት 9-10 ቀን 2001 ዓ.ም በመንበረ ፓትርያርክ የስብከተ ወንጌል አስተባባሪነት የተካሔደው ዓውደ ጥናት ጠቃሚ ትምህርት የተገኘበት፣ ነፃና ግልጽ በሆነ መንገድ ውይይት የተደረገበትና ተሳታፊዎቹን የበለጠ ለሥራ ያተጋ በመሆኑ ሊበረታታ የሚገባው ጉዳይ መሆኑን የአቋም መግለጫው አመልክቶ መምሪያው በ2002 ዓ.ም ያቀረበው ዕቅድ ተግባራዊ እንዲሆን ጉባኤው መጠየቁን አመልክቷል፡፡

ከጣና ቂርቆስ ገዳም ወደ ፈረንሳይ ተወስዶ በሪስ ሙዚየም ለብዙ ዓመታት የቆየው ቅዱስ መስቀል በቅዱስ ፓትርያርኩ ጥረት ግንቦት 28 ቀን 2001 ዓ.ም መመለሱን ጉባኤው አድንቆና ምስጋና አቅርቦ በቀጣይም በባዕድ ሀገር የሚገኙ ቅርሶችን ወደ ሀገር ቤት ለማስመለስ የሚደረገው ጥረት እንዲጠናከር ጠይቋል፡፡

በአንዳንድ አህጉረ ስብከት ያለው የአብነት ትምህርት ቤት መዳከም ምክንያቱ የአብነት ትምህርት ቤቶች በብዛት የሚገኙት በሰሜኑ የሀገራችን ክፍል መሆኑን የጠቆመው የአቋም መግለጫው ለነዚህም በቂ በጀት አለመመደቡ ይልቁንም በአብዛኛው አህጉረ ስብከት ትምህርት ቤቶች አለመኖራቸው ባሉበትም ቢሆን የሚ ሰጠው ትምህርት ወቅታዊና ዘመናው በሆነ መልኩ ሊካሔድ አለመቻሉን ጉባኤው ግንዛቤ መውሰዱን አመል ክቷል፡፡

ለዚህም በምክንያት የሚጠቀሰው ትምህርትና ማሠልጠኛ መምሪያ በበቂ የሰውና የገንዘብ ኃይል ያልተደራጀ መሆኑ ግንዛቤ መያዙን ኮሚቴው አመልክቶ፤ በዚህ መሠረታዊ በሆነ የቤተክርስቲያን ጉዳይ ላይ ቅዱስ ሲኖዶስ ትኩረት ሊሰጠው እንደሚገባ ጉባኤው ማሳሰቡን አስረድቷል፡፡

የነገይቱን ቤተክርስቲያን የሚረከቡና ዛሬም የቤተክርስቲያን ውበት የሆኑት የሰንበት ትምህርት ቤቶች ወጣቶችን በመንከባከብ፣ በማስተማርና ከጠላት ወረራ እንደጠበቁ ለማድረግ፣ ከአባቶች የተማሩትን ንጹሕ ትምህርት ለፍሬ እንዲያበቁ በየአጥቢያ ቤተክርስቲያኑ የሚገኙትን ሰንበት ትምህርት ቤቶች ሁሉ ለማስተማር ያሉትን እያጠናከርን ባልተቋቋመባቸው አብያተ ክርስቲያናትም ለማቋቋም ጥረቱ እንደሚቀጥል የአቋም መግለጫው አመልክቷል፡፡

በበጀት ዓመቱም በተከናወኑ የልማት ሥራዎች በማኅበረ ቅዱሳን በኩል በየአህጉረ ስብከቱ በሚገኙ ወረዳዎችና አጥቢያ አብያተ ክርስቲያናት ለልማት ሥራ የሚውል የገንዘብ ድጋፍ መደረጉን በጥንታዊ ትምህርት ቤቶችና በሐዋርያዊ አገልግሎት ተዛማጅ ሥራዎች እንደተከናወኑ ከዘገባው መገንዘቡን በአቋም መግለጫና የውሳኔ ሐሳብ ተጠቁሟል፡፡

በመሆኑም ማኅበረ ቅዱሳን ለቤተ ክርስቲያን ባደረገው እገዛ ጉባኤው እያመሰገነ ወደፊትም ማእከላዊ አሠራርን በጠበቀ መልኩ ማኅበሩ እገዛውን እንዲቀጥል ጉባኤው ማሳሰቡን መግለጫው አስረድቷል፡፡

ኮሚቴው ባቀረበው ባለ 26 ነጥብ የአቋም መግለጫ ሕጋዊ ባልሆኑና ባልተፈቀደላቸው ሰባክያን በየመንደሩም ሆነ በየአብያተ ክርስቲያናቱ የሚካሔዱ ስብከቶች ማዕከላዊ አሠራርን ያልተከተሉ መሆናቸውን፣ በውጪው ዓለም ባለው መለያየት ጉባኤው እንደሚያዝንና በተለይ በሰሜን ምዕራብና ካሊፎርኒያ ሀገረ ስብከት የቀረበው ዘገባ አባቶችን ለማቀራረብ እየተደረገ ያለውን ጥረት እንደሚያደንቁና ጉባኤውም ሰላም እንዲገኝ ሙሉ ድጋፍ እንዳለው በአቋም መግለጫው ተገልጿል፡፡

ማኅበሩ የደብረ ጽጌ ገዳም የአብነት ትምህርት ቤትን በ1 ነጥብ 2 ሚሊዮን ብር ለማደስና ለማስፋፋት ስምምነት ተፈራረመ

በሰሜን ሸዋ ሰላሌ ፍቺ ሀገረ ስብከት የሚገኘው ደብር ቅዱስ ደብረ ጽጌ ማርያም አንድነት ገዳም የአብነት ትምህርት ቤትን ለማጠናከር በማኅበረ ቅዱሳንና በሀገር ስብከቱ ሊቀ ጳጳስ የአንድ ነጥብ ሁለት ሚሊዮን ብር የፕሮጀክት ስምምነት ተፈራረመ፡፡
ጥቅምት 1 ቀን 2002 ዓ.ም ወደ ስፈራው በተደረገው ሐዋርያዊ ጉዞ ወቅት በማኅበረ ቅዱሳን የፍቺ ማዕከልና የሀገረ ስብከቱ ሊቀ ጳጳስ ብፁዕ አቡነ ቆስጦስ የተከናወነው ይኸው የፕሮጀክት ስምምነት አንድ ነጥብ ሁለት ሚሊዮን ብር የሚፈጅ ሲሆን፤ ፕሮጀክቱ ከ3-4 ዓመታት ባለው ጊዜ ውስጥ ይጠናቀቃል፡፡

በፊርማ ሥነ ሥርዓቱ ወቅት በማኅበረ ቅዱሳን የማኅበራዊ አገልግሎት ልማት ዋና ክፍል የቅስቀሳና ገቢ አሰባሰብ ሓላፊ ወ/ሮ ዓለም ፀሐይ መሠረት እንደገለጹት፤ ይኸው የስምምነት ሰነድ የተዘጋጀው ማኅበሩ በነዚህ ዓመታት በአቅም እጥረትና በእርጅና ምክንያት ሳይታደስ በመፈራረስ ላይ የሚገኘውን የአብነት ትምህርት ቤት ለማጠናከር፣ ሦስት አዲስ ቤት ለመገንባት እና ሰባት የጥገና ማስፋፋት ለማካሄድ ነው፡፡

የፕሮጀክቱ አጠቃላይ ወጪ የማኅበሩን የሞያ አገልግሎት እንደማያካትት የገለጹት ወ/ሮ ዓለምፀሐይ፤ እግዚአብሔር ፈቅዶ ፕሮጀክቱን በወቅቱ ለማጠናቀቅ ጥረት እንደሚደረግ አስታወቀዋል፡፡

የሀገረ ስብከቱ ሊቀ ጳጳስ ብፁዕ አቡነ ቆስጦስ በዚህ ወቅት እንደ ተናገሩት የቤተክርስቲያኒቱ የነገ ተስፋ የሚፈሩበት ይህ የአብነት ት/ቤት ፈርሶ ቢቀር ከፍተኛ ሐዘን ይሰማቸው እንደነበር ጠቅሰው፤ ማኅበሩ ይህን በማሰብ ያከናወነው ተግባር የሚያሰመሰግነው መሆኑን ተናግርዋል፡፡

ለፕሮጀክቱ ተግባራዊነት በዋናነት በሓላፊነት እንደሚንቀሳቀሱና ለግንባታውም ባላቸው አቅም በገንዘብ እንደሚራዱ የጠቀሱት ብፁዕነታቸው፤ ምእመናን በሥራው እገዛ እንዲያደርጉ ጠይቀዋል፡፡ ማኅበረ ቅዱሳን ወደ ማኅበረ ምእመናን እያደገ እንደሚገኝም ገልጸዋል ከፕሮጀክቱ ስምምነቱ በተጨማሪም ማኅበሩ ከምእመናን ያሰባሰበውን 13 ሺሕ 200 ብር ግምት ያላቸው 108 መንፈሳ ውያን መጻሕፍት፣ መጽሔትና ጋዜጦች ለገዳሙ  የአብነት ት/ቤት በስ ጦታ አበርክተዋል፡፡

ከዛሬ 50 ዓመታት በፊት የተቋቋሙ ይኸው የአብነት ት/ቤት የተመሠረተው በብፁዕ አቡነ ባስልዮስ መሆኑ በፕሮጀክት ስምምነቱ ወቅት ተጠቁሟል፡፡

በእንግድነት የተገኙት የታዕካ ነገሥት ባዕታ ለማርያም ገዳም እና የመንበረ መንግሥት ቅዱስ ገብርኤል የበላይ ጠባቂ ብፁዕ አቡነ ስምኦን እና የመንበረ ፓትርያርክ ቅድስተ ቅዱሳን ማርያም ገዳም የበላይ ጠባቂ ብፁዕ አቡነ ኤርምያስ በበኩላቸው ባስተላለፉት መልእክት፣ ነገ የቅድስት ቤተክርስቲያንን አገልጋይ መፍለቂያ የሚሆኑት የአብነት ት/ቤቶ ችን ለማጠናከር እየተደረገ ያለው ጥረት የሚበረታታ መሆኑን ጠቅሰው፤ ለፕሮጀክቱ ማስፈጸሚያ እነርሱም በየግላቸው የበኩላቸውን አስተዋጽኦ እንደሚያደረጉ ቃል ገብተዋል፡፡

የማኅበረ ቅዱሳን ዋና ጸሐፊ አቶ ዳንኤል ተስፋዬ በበኩላቸው ማኅበሩ ገዳማትና አድባራትን በመደገፍ እንዲሁም የአብነት ት/ቤቶችን ከማጠናከር በተጨማሪ በርካታ ማኅበራዊና መንፈሳዊ አገልግሎቶችን እየሰጠ እንደሚገኝ ተናግረዋል፡፡

በአሁኑ ወቅት በርካታ የአብነት ት/ቤቶች እየተዳከሙ እንደሚገኙ የገለጹት ዋና ጸሐፊው ይህን ችግር ለመቅረፍ ማኅበሩ በጎ አድራጊ ግለሰቦችንና ማኅበራትን እንዲሁም ምእመናንን በማስተባበር ፕሮጀክት ቀርጾ እየተንቀሳቀሰ መሆኑን አብራርተዋል፡፡

በዚህ መንፈሳዊ ጉብኝት እና የፕሮጀክት ስምምነት ወቅት ከ300 በላይ የበጎ አድራጊ ግለሰቦች እና የመንፈሳዊ ማኅበራት ተወካዮች የተገኙ ሲሆን የአብነት ት/ቤቶችን ለማጠናከር በሚደረገው ጥረት ውስጥ ከማኅበረ ቅዱሳን ጎን እንደሚቆሙ ቃል ገብተዋል፡፡

የሰበካ መንፈሳዊ ጉባኤ መጠናከር የቤተ ክርስቲያንን ሐዋርያዊ አገልግሎት ለማስፋፋት መሠረት ነው

የኢትዮጵያ ኦርቶዶክስ ተዋሕዶ ቤተ ክርስተያንን ሐዋርያዊ አገልግሎት ለማስፋፋት፣ አገልጋዮቿን መዝግባ ይዛ ሥምሪት እና ምደባ ለመስጠት፣ ችሎታቸውንና ኑሮአቸውን ለማሻሻል፣ ምእመናንን ለማብዛትና በመንፈሳዊ እውቀት ጎልምሰው፣ በምግባርና በሃይማኖት ጸንተው እንዲኖሩ ለማድረግ፣ የቤተ ክርስቲያንን አስተዳደር ለማሻሻልና በሚያስፈልጋት ማንኛውም ጉዳይ ራሷን ለማስቻል ከአጥቢያ ቤተ ክርስቲያን ጀምሮ እስከ መንበረ ፓትርያርክ ድረስ በየደረጃው የሚቋቋም የሰበካ መንፈሳዊ ጉባኤ መዋቅርና አሠራር በቃለ ዓዋዲው መሠረት ዘርግታ ትገኛለች፡፡
የሰበካ መንፈሳዊ ጉባኤዎች በሕዝብ በሚመረጡ ካህናት፣ ምእመናን እና የሰንበት ትምህርት ቤት ወጣቶች ተሳትፎ የቤተ ክርስቲያንን ሐዋርያዊ አገልግሎት ለማስፋፋትና አስፈላጊ የሆነውን አቅም ለማጐልበት የሚመክርባቸው፣ የሥራ ክንዋኔዎችና ችግሮች እየቀረቡ የሚገመገሙባቸውና ልምዶች የሚወስዱባቸው፣ ቀጣይ አቅጣጫዎችም እግዚአብሔር ቢፈቅድ በሚል የሚታይባቸው በመሆናቸው፤ የሰበካ መንፈሳዊ ጉባኤ መዋቅር ለቤተ ክርስቲያን ሐዋርያዊ አገልግሎት መስፋፋት ወሳኝነት ያለው ነው፡፡

ሰበካ መንፈሳዊ ጉባኤ በኢትዮጵያ ኦርቶዶክስ ተዋሕዶ ቤተ ክርስቲያን ብቻ ሳይሆን በዓለም ላይ በሚገኙ በአኀት አብያተ ክርስቲያናትም በእንግሊዘኛው አጠራር /ሪሽ ካውንስል/ በሚል ስያሜ እየተሠራበት የሚገኝ ዘመናዊ የቤተ ክርስቲያን አስተዳደራዊ መዋቅር ነው፡፡

የሰበካ መንፈሳዊ ጉባኤ /ሪሽ ካውንስል/ መዋቅርና አሠራር ሀገር አቀፍና ዓለም አቀፍ ማኅበራዊና ኢኮኖሚያዊ ለውጦች በምእመናን ላይ የሚያስከትሉትን ተጽዕኖና መልካም አጋጣሚ ባገናዘበ ሁኔታ የቤተ ክርስቲያን ሐዋርያዊ አገልግሎት ማስፋፋትና ለዚህም የሚያስፈልገውን ዐቅም መፍጠርና ማጠናከር፣ የምእመናን ችግር መፍቻ እንዲሆኑ ለማድረግ አብያተ ክርስቲያናት፡- አካባቢያዊ እና የምእመናንን አኗኗር ሁኔታዎች እንዲሁም ቤተ ክርስቲያን ማድረግ የሚገባትን ዘመኑን የዋጀ የሰበካ መንፈሳዊ ጉባኤ /ሪሽ ካውንስል/ መዋቅርና አሠራር ለመዘርጋት ተጨባጭና ነባራዊ ሁኔታዎችን የተከተሉ የሕግና የመዋቅር ማሻሻያዎችን ያደርጋሉ፡፡ የአሠራር ስልቶችን በየጊዜው ያዳብራሉ፡፡

ከዚህ አኳያም በ1991 ዓ.ም ለሦስተኛ ጊዜ ተሻሽሎ በሚገኘው የኢትዮጵያ ኦርቶዶክስ ተዋሕዶ ቤተ ክርስቲያን የሰበካ መንፈሳዊ ደንብ /ቃለ ዓዋዲ/ አንቀጽ 61  /2/ /ሀ/ ላይ የሰበካ ጉባኤ የሚኖረውን የምእመናን ድርሻ በተመለከተ፡- «የሰበካ ምእመናን በገንዘብ አስተዋጽኦ፣ በአስተዳደር፣ በትምህርት፣ በልማትና በማኅበራዊ ኑሮ አገልግሎት በጠቅላላው በሀብት፣ በዕውቀትና በጉልበት በመረዳት በሰበካው ልዩ ልዩ የክፍል ሥራዎች ውስጥ በመሳተፍ ቅድስት ቤተ ክርስቲያንን ማገልገል ክርስቲያናዊ ግዴታቸው ነው፡፡» በማለት በተደነገገው መሠረት ምእመናን ለቤተ ክርስቲያናቸው የሚጠበቅባቸውን አገልግሎት ሲሰጡ ለሰበካ መንፈሳዊ ጉባኤ ዓላማ መሳካት ትልቅ ድርሻ ያለው ነው፡፡

በቤተ ክርስቲያናችን ሰበካ መንፈሳዊ ጉባኤ ደንብ /ቃለ ዓዋዲ/ መሠረት በአጥቢያ ቤተ ክርስቲያን የሚከተሉት ክፍሎች ይኖራሉ፡-

ሀ/ የስብከተ ወንጌል ክፍል
ለ/ የመንፈሳዊ ትምህርት ክፍል
ሐ/ የካህናት አገልግሎት ክፍል
መ/ የሰንበት ት/ቤት ክፍል
ሠ/ የእቅድና ልማት ክፍል
ረ/ የምግባረ ሠናይ /በጐ አድራገት/ ክፍል
ሰ/ የሕግና ሥነ ሥርዓት ክፍል
ሸ/ የንብረት፣ የዕቃ ግምጃ ቤትና የታሪካዊ ቅርስ ክፍል
ቀ/ የሒሳብ ክፍል
በ/ የገንዘብ ቤት
ተ/ የቁጥጥር ክፍል
ቸ/ የሕንፃ ሥራ፣ እድሳትና ጥገና ክፍል
ኀ/ የስታቲስቲክስ ክፍል

በሚል የተዋቀሩ የሥራ ክፍሎች ያሉት ሆኖ ምእመናን በችሎታቸው በቤተ ክርስቲያን አስተዳደር መሳተፍ እንዲችሉ የሚያደርግ ሲሆን ዳር ቁመን የምንመለከተው ወይም እገሌ ይሠራዋል፤ በሚል ልንሸሸው የማይገባ፣ ተሳታፊ በመሆን በረከት የምናገኝበት እና የቤተ ክርስቲያን ችግር የሚቀረፍበት መዋቅር ነው፡፡

በመሆኑም በሰበካ መንፈሳዊ ጉባኤ ደንብ መሠረት የሚጠበቅብንን  የድርሻችንን ካልተወጣንና ለቤተ ክርስቲያን የሚጠቅመውን በወቅቱ ካላደረግን ደንቡና መዋቅሩ ብቻውን ትርጉም ሊኖረው ስለማይችል በተሰጠን ጸጋ ልናገለግል ይገባል፡፡ እግዚአብሔርም ከእኛ ብዙ ይጠብቃል፡፡ የተቀበልነው መክሊት ነውና በተሰጠን መጠን ይፈለግብናል /ማቴ. 25-14-30/፡፡

በጉባኤ ደረጃ ያለውን ኃላፊነት ስንመለከት የአጥቢያ ሰበካ መንፈሳዊ ጉባኤ፤ የአጥቢያው ካህናት፣ ምእመናን እና የሰንበት ት/ቤት ተማሪዎች የሚሳተፉበት በዓመት ሁለት ጊዜ የሚካሄድ ጠቅላላ ጉባኤ ያለው ሲሆን፤ የወረዳ፣ የሀገረ ስብከት እና የመንበረ ¬ፓትርያርክ ሰበካ ጉባኤዎችም በየደረጃቸው በዓመት አንድ ጊዜ በመሰብሰብ አፈጻጸማቸውን በማቅረብ ውይይት የሚያደርጉባቸው የሰበካ መንፈሳዊ ጠቅላላ ጉባኤዎች የሏቸው ስለሆነ፤ እኒህ በተለያየ ደረጃ የሚደረጉት ጠቅላላ ጉባኤዎች የበለጠ ውጤታማ እንዲሆኑ ለማድረግ ቅድመ ዝግጅት እና ከጉባኤዎቹ በኋላም ቢሆን ክትትል ማድረግን የሚሹ ናቸው፡፡

በዚህም መሠረት የሰበካ መንፈሳዊ ጉባኤዎችን በማጠናከር የቤተ ክርስቲያንን ሐዋርያዊ አገልግሎት ለማስፋፋት ከቀደምት ተሞክሮዎች አንፃር

ምእመናን፣ የቤተ ክርስቲያንን ሐዋርያዊ አገልግሎት ለማገዝ በሰበካ መንፈሳዊ ጉባኤ ድርሻ ስላላቸው፡- በሰበካ መንፈሳዊ ጉባኤ በመምረጥና በመመረጥ ቢሳተፉና የሰበካ መንፈሳዊ ጉባኤያቸውን በገንዘባቸው፤ በሙያቸው እና በጉልበታቸው ቢያገለግሉና ሌሎች ምዕመናንን የቤተ ክርስተያንን ችግር ለመቅረፍ የሰበካ ጉባኤ ተሳትፎ ወሳኝ እንደሆነ አጽንኦት ቢሰጡ፤

በቃለ ዓዋዲው የተገለጸው እንደተጠበቀ ሆኖ በየደረጃው ለሚገኙ የሰበካ መንፈሳዊ ጉባኤዎች ችግር ፈቺ  የሆነ፣ ዘመኑን የሚዋጅ ስትራተጂክ እቅድ እንዲወጣላቸው እና ከጉባኤዎቹ ስብሰባ በፊትና በኋላ አፈጻጸሙ ጽኑ ክትትል የሚደረግበት ሁኔታ ቢጠናከር፤

የሰበካ መንፈሳዊ ጉባኤያት የእስካሁን አፈጻጸም ምን እንደሚመስል እና በቀጣይ መሻሻል የሚገባቸው አሠራሮች ምን እንደሆኑ የሚያወያዩ ጥናት በየደረጃው እንዲቀርብ ቢደረግ፤

የሰበካ መንፈሳዊ አጠቃላይ ጉባኤያት የበለጠ ውጤታማ እንዲሆኑ ለማድረግ ጉባኤዎቹ ሪፖርቶች ማዳመጥ ብቻ ሳይሆን ችግር ፈቺ በሆኑ ጉዳዮች ላይ የጠነከረ ውይይት ሊያደርጉ ስለሚችሉበት ሁኔታ በሁሉም ደረጃዎች ወጥነት እንዲኖረው ቢደረግ፤

በሰበካ መንፈሳዊ ጠቅላላ ጉባያት የሚወሰኑ ጉዳዮች ጊዜ በማይወሰድ ሁኔታ ታች በየደረጃው ለሚገኙ የሰበካ መንፈሳዊ ጉባኤያት ለአፈጻጸም እና ለግንዛቤ እንዲደርሱ አሠራሩ የተጠናከረ እንዲሆን ቢደረግ፤ እና በአንዳንድ ሰበካ መንፈሳዊ ጉባኤዎች የሚፈጠሩ አለመግባባቶችን አጣርቶ የመፍትሔ እና የውሳኔ ሐሳብ የሚያቀርብ ትጉህ እና ለችግሮች ገለልተኛ የሆነ ምእመናን የሚሳተፉበት አሠራር መዋቅራዊ እንዲሆን ቢደረግ፤

የሰበካ መንፈሳዊ ጉባኤን ዓላማና ተግባር ለማሳካት አስተዋጽኦ ስለሚኖረው፤ ያልፈጸምነውን አጉልተን በማየት፣ ቅድመ ዝግጅት እና ተሳትፎ በማድረግ የሚጠበቅብንን ልንወጣ ይገባል፡

የኆኅተ ሰማይ ቅድስት ማርያም ቤተ ክርስቲያንን ለማጠናከር የልማት ሥራ ጥሪ ቀረበ

በድሬዳዋ ኈኅተ ሰማይ ቅድስት ማርያም ሰበካ ጉባኤ ሥር የተቋቋመው የአካባቢ የልማት ኮሚቴ እያከናወነ ያለውን የልማት ሥራ ለማገዝ ሕብረተሰቡ የድጋፍ እጁን እንዲዘረጋ የደብሩ አሰተዳዳሪ ጥሪ አቀረቡ፡፡ ልማት ኮሜቴው ከሦስት ነጥብ አራት ሚሊዮን ብር በላይ ውጪ የሚጠይቅ ትምህርት ቤት ግንባታ ጀምሯል፡፡  
የደብሩ አሰተዳዳሪ መጋቢ ካህናት አባ ገብረየሱስ አሻግሬ ሰሞኑን እንደገለጹት፤ ቤተክርስቲያኒቱ ለአካባቢው ምእመናን ከምትሰጠው መንፈሳዊ አገልግሉት በተጓዳኝ በዘላቂ ልማት ራሷን እንድትችል ለተጀመረው ጥረት የልማት ኮሚቴው እንቅስቃሴ ሊበረታታ ይገባዋል፡፡

በልማት ኮሚቴው አማካኝነት ቤተክርስቲያኒቱ ባላት ሰፊ ግቢ ውስጥ ከ1999 ዓ.ም አንስቶ አንድ መዋዕለ ሕፃናትና 1ኛ ደረጃ ት/ቤት አገልግሎት እየሰጠበት መሆኑን የገለጹት አስተዳዳሪው፤ ይህንኑ ት/ቤት አስፋፍቶ እስከ 2ኛ ደረጃ ለማሳደግ ባለ 3ፎቅ ህንፃ መጀመሩን ተናግረዋል፡፡

ከዚህ በተጨማሪ ልማት ኮሚቴው ከከተማው አስተዳደር አስፈቅዶ በቤተ ክርስቲያኒቱ አቅራበያ ከሐረር ቢራ አክሲዮን ማኅበር ባገኘው ሙሉ ድጋፍ የሕዝብ መናፈሻ እየሠራ እንደሚገኝ አስተዳዳሪው ገልፀው፤ ልማት ኮሚቴው እያከናወነ ያለው ተግባር ለቤተክርስቲያኒቱም ሆነ ለአካባቢው ማኅበረሰብ ጠቃሚ በመሆኑ ሕብረተሰቡ የድጋፍ እጁን እንዲዘረጋ ጠይቀዋል፡፡

የልማት ኮሚቴውና የትምህርት ቤቱ አመራር ቦርድ ጸሐፊ አቶ አደፍርስ ተሾመ በበኩላቸው የኮሚቴው ዋና አላማ ቤተክርስቲያኒቱ በራሷ ቋሚ ገቢ እየታገዘች መንፈ ሳዊ አገልግሎቷን በተሳካ ሁኔታ እንድታከናውን እንዲሁም የአካባቢው ማኅበረሰብ ልጆች የጥሩ ሥነ ምግባርና እውቀት ባለቤት የሚሆኑበትን ትምህርት ቤት ማስፋፋት መሆኑን ተናግረዋል፡፡

ዐውደ ምህረት ላይ በአካባቢው ማኅበረሰብ የተቋቋመው 18 አባላት ያለው የልማት ኮሚቴ ከቤተክርስቲያኒቱ ሰበካ ጉባኤ፣ ከአካባቢው ማኅበረሰብና ከከተማው የመንግሥት ሥራ ሓላፊዎች ጋር በመቀናጀት እቅዱን በተግባር እያዋለ እንደሚገኝ የገለጹት ጸሐፊው፤ ለጥረቱ መሳካት የሕብረተሰቡ ትብብር እጅግ አስፈላጊ መሆኑን ተናግረዋል፡፡

ኮሚቴው ከኅብረተሰቡ፣ ከባለሀብቶች፣ ከደብሩ ሰበካ ጉባኤ፣ ከልማት ኮሚቴው አባላትና ከመንግሥት ሠራተኞች ባገኘው ድጋፍ ከግማሽ ሚሊዩን ብር በላይ ውጪ አንድ የመዋዕለ ነሕፃናት እና 1ኛ ደረጃ ት/ቤት ሠርቶ በማጠናቀቅ በአሁኑ ወቅት ከ350 በላይ ተማሪዎችን በጥሩ አገልግሎት እያስተማረ እንደሚገኝ ጸሐፊው ገልጸው ከእነዚህ ውስጥ ከአሁን ቀደም በከተማው ተከስቶ በነበረው የጎርፍ አደጋ ወላጆቻቸውን ያጡና የችግረኛ ቤተሰብ የሆኑ ሃያ ልጆች በነፃ እየተማሩ መሆኑን አስታውቀዋል፡፡

የኮሚቴው ራእይ ይህንን ት/ቤት እስከ ኮሌጅ ማድረስ መሆኑን የገለጹት ጸሐፊው በአሁኑ ወቅት እስከ 10ኛ ክፍል ማስተማር የሚያስችል ባለ 3 ፎቅ ሕንፃ ግንባታ ተጀምሮ መሠረት ወጥቶለት የመጀመሪያው ፎቅ እየተሠራ ነው ብለዋል፡፡

ግንባታውን ለማጠናቀቅ ከሦስት እስከ አራት ሚሊዮን ብር በላይ እንደሚያስፈልግ ጠቁመው፤ አሁን ባለው ሁኔታ ኮሜቴው ይህንን ሕንፃ ለመቀጠል ከፍተኛ የገንዘብ እጥረት እንዳለበት ጸሐፊው ገልጸዋል፡፡ በመ ሆኑም  የአካባቢው ማኅበረሰብ፤ በሀገር ውሰጥ እና በውጭ ያሉ በጎ አድራጊዎች ድጋፍ እንዲያደርጉ ጠይቀዋል፡፡

የእርዳታ እጃቸውን መዘርጋት ለሚፈልጉ በቅድስት ማርያም መዋዕለ ሕፃናትና የመጀመሪያ ደረጃ ት/ቤት ስም በተከፈተው የኢትዮጵያ ንግድ ባንክ ድሬደዋ ዐቢይ ቅርንጫፍ የባንክ ሒሳብ ቁጥር 4076 ቢልኩ እንደሚደርስም ጠቁመዋል፡፡

 

ዘጠነኛው የአውሮ­ ማዕከል ጉባኤ ተጠናቀቀ

በኢትዮጵያ ኦርቶዶክስ ተዋሕዶ ቤተክርስቲያን ሰንበት ትምህርት ቤቶች ማደራጃ መምሪያ ማኅበረ ቅዱሳን የአውሮ­ ማዕከል ዘጠነኛ ጠቅላላ ጉባኤ ከሐምሌ 3 ቀን እስከ 5 ቀን 2001 ዓ.ም በኦስትሪያ ሽቬካት ከተማ ተካሔደ፡፡ በጉባኤው ላይ ከተለያዩ ቀጠና ማዕከላትና ግንኙነት ጣቢያዎች የተውጣጡ ከ45 በላይ አባላት የተሳተፉ ሲሆን የማዕከሉ የ2001 ዓ.ም የአገልግሎት እንቅስቃሴና የኦዲት ሪፖርት ቀርቦ ውይይት በማድረግ ማጽደቁን የአውሮ­ ማዕከል የላከልን መረጃ ያመለክታል፡፡

በተለይ የማኅበረ ቅዱሳን ዋናው ማዕከል ጽ/ቤት ግንባታና የማዕከሉ ድርሻ፣ የአውሮ­ አኅጉረ ስብከት አጠቃላይ እንቅስቃሴና የማዕከሉ ድርሻ፣ ወቅታዊ የቤተክርስቲያን ሁኔ ታና በሌሎችም ተያያዥ ጉዳዮች ላይ ሰፊና ጥልቅ ውይይቶችን አድርጎ ውሳኔዎችን እንዳሳለፈ ከዘገባው ለመረዳት ተችሏል፡፡

እንደዚሁም የማኅበሩን የአራት ዓመት ዕቅድ መሠረት በማድረግ ዕቅዱ ለማዕከሉ ቀርቦ ከገመገመ በኋላ ያጸደቀ ሲሆን በተመሳሳይ መልኩ የሚቀጥለውን ዓመት ዕቅድ ዐይቶ ማሻሻያ በማድረግ እንዳጸደቀም ይኸው መረጃ ጠቁማል፡፡

ዘጠነኛው የአውሮፖ ማዕከል ጉባኤ ሲካሔድ ለተሳታፊዎቹና ጥሪ ለተደረገላቸው ምእመናን የስብከተ ወንጌል አገልግሎት መሰጠቱንም ተወስቷል፡፡

ይህ በእንዲህ እንዳለ ጉባኤው የተካሔደበት ከተማ ከንቲባው ለጉባኤው ለተሳታፊዎች ደማቅ አቀባበል እንዳደረጉ ዘገባው አመልክቶ ስለ ኦስትሪያ አጠቃላይ ኢኮኖማያዊ፣ ማኅበራዊና ፖለቲካዊ ጉዳይ በሚመ ለከትገለጻ አድርገዋል ተብሏል፡፡

ከተማቸው የጥንታዊ ቤተክርስቲያን ወጣቶችን ዓመታዊ የአውሮፓ­ ማዕከል ጉባኤ በማዘጋጀቷ ታላቅ ደስታ እንደተሰማቸው ከንቲባው ገልጸዋል ሲል የማዕከሉ መረጃ ያመለክታል፡፡

እንደዚሁም የኢትዮጵያ ቤተክርስቲያን በማኅበረ ቅዱሳን አማካኝነት ስለምትሠራቸው መጠነ ሰፊ መንፈሳዊና ማኅበራዊ አገልግሎት ከጉባኤው ተሳታፊዎች ለከንቲባው ገለጻ መደረጉን ተወስቷል፡፡

በጉባኤው ማጠቃለያ ላይ ለዝግጅቱ መሰካት አስተወጽኦ ላደረጉት የቪየና ኪዳነ ምሕረት ካህናትና የሰበካ ጉባኤ ከፍ ያለ ምስጋና መቅረቡም ተገልጿል፡፡

በተለይ ለጉባኤው መሰብሰቢያ አዳራሽ በመፍቀድና ለተሳታፊዎችም ማረፊያ በመስጠት ለተባበሩት የሽ ቬካት ቅዱስ ያዕቆብ የካቶሊክ ቤተ ክርስቲያን ሓላፊ ለቄስ ጌራልድ ጉም ፕና ለሥራ ባልደረቦቻቸው ከምስጋና ጋር የመታሰቢያ ስጦታ ተበርክቶላ ቸዋል፡፡

በመጨረሻም ቀጣዩ የማዕከሉ 10ኛ ዓመት ጠቅላላ ጉባኤ በጀርመን ሀገር እንዲዘጋጅ ተወስኖ በዚህም ከወትሮው በተለየ መልኩ የማዕከሉን የ10 ዓመት የአገልግሎት እንቅስቃሴ የሚያመለክት ዝግጅት እንዲዘጋጅ ከስምምነት ላይ ተደርሶ ጉባኤው መጠናቀቁን ከዘገባው ለማወቅ ተችሏል፡፡

ወስብሐት ለእግዚአብሔር

 

ለቅኔ ትምህርት ትኩረት መስጠት እንደሚገባ ተገለጸ

ዓውደ ርእዩ ኅብረተሰቡ ስለአብነት ትምህርት ቤቶች ግንዛቤ እንዲኖረው ረድቷል

 «ቅኔ የአብነት ትምህርቱ ፍልስፍና መሠርተ» በሚል ርዕስ በኢትዮጵያ ኦርቶዶክስ ተዋሕዶ ቤተክርስቲያን ሰንበት ትምህርት ቤቶች ማደራጃ መምሪያ ማኅበረ ቅዱሳን በማኅበራዊ አገልገሎት ልማት ዋና ክፍል የተዘጋጀው የግማሸ ቀን ዐውደ ጥናት በስ ድስት ኪሎ ስብሰባ አዳራሽ ተካሄደ፡፡  ዐውደ ጥናቱን በመክፈቻ ንግግር የከፈቱት የማኅበሩ ሰብሳቢ ቀሲስ ዶ/ር ሙሉጌታ ስዩም እንደገለጹት፤ ዐውደ ጥናቱ በቅኔ ትምህርት አገልግሎቱና ፍልስፍናው ላይ የሚያተኩር ነው፡፡
የቅኔ ትምህርት የቤተክርስቲያን ትምህርተ ሃይማኖት፣ የሀገራችን ታሪክ እና የቀደምት አባቶችና የዛሬዎች ሊቃውንት ፍልስፍና ጥበብ እንዲሁም ማኅበራዊ ሒስ የተላለፈበት የዕውቀት ዘርፍ መሆኑን ገልጸዋል፡፡

ቅኔ በሀገሪቱ ሕዝቦች የአኗኗር ሥርዓትና ባሕል ውስጥ የራሱ አሻራ ያስቀመጠ ትምህርት ነው ያሉት ሰብሳቢው፤ በአሁኑ ወቅት በርካታ የውጭ ሙሁራን በትምህርቱ ላይ ምርምር እያደረጉ እንደሚገኙ ጠቁመው፤ በአንጻሩ በሀገሪቱ የተሰጠው ትኩረት አናሳ መሆኑንም አስረድተዋል፡፡
ትምህርቱን ለማሳደግ የሁሉም ርብርብ የሚያስፈልገው እንደሆነና ዐውደ ጥናቱም የጠለቀ ጥናትና ምርምር ማድረግ ለሚፈልጉ ምሁራንን መነሻ የሚያመላክትና የሚያነሳሳ መሆኑንም አስታውቀዋል፡፡

«ቅኔ የግእዝ ቋንቋ ሥነ ጽሑፍ» በሚል ርእስ ጥናታዊ ጽሑፍ ያቀረቡት በአዲስ አበባ ዩኒቨርስቲ የቋንቋዎች ጥናትና ምርምር ማዕከል መምህር እና ተመራማሪ ዶ/ር ሥርግው ገላው በበኩላቸው፤ የቤተ ክርስቲያንና የሀገሪቱ ሊቃውንት የአብነት ትምህርት ቤቶች በመሆናቸው የአብነት ትምህርት ቤቶችን በመጠበቅና በመንከባከብ የቅኔን ትምህርት ማሳደግ እንደሚቻል ገልጸዋል፡፡
የቅኔን ትምህርት በማሳደግ የነገይቱን ቤተክርስቲያንና ሀገርን ወደተፈለገው እድገትና ለውጥ ለማድረስ የሚችሉትን የአብነት ትምህርት ቤት ሊቃውንት በተገቢው መንገድ ማዘጋጀት እንደሚገባም ጠቁመዋል፡፡

የቅኔ ትምህርት እንዲስፋፋ ለማድረግ የቅኔ ትምህርት ቤቶችን ወደ ኮሌጅና ዩኒቨርስቲ ደረጃ በማሳደግና ሥርዓተ ትምህርት ሊቀረጽላቸው እንደሚገባም ዶ/ር ሥርግው አስተያየ ታቸውን ሰጥተዋል፡፡
በዐውደ ጥናት ላይ «ቅኔ በቤተክርስቲያን አገልግሎት» ና «ቅኔ ለመጽሐፍት ትርጓሜ» በሚል ርዕስ ሌሎች ሁለት ጥናታዊ ጽሑፎች የማኅበረ ቅዱሳን ጥናት እና ምርምር ማዕከል ከፍተኛ ተመራማሪ በመምህር ደሴ ቀለብና በስዋሰው ብርሃን መንፈሳዊ ኮሌጅ የሐዲስ ኪዳን መምህር በመጋቤ ሐዲስ እሸቱ ዓለማየሁ የቀረበ ሲሆን፤ ባቀረቡት ጥናታዊ ጽሑፎች ላይ ከተሳታፊዎች ሰፊ ውይይት ተደርጓል፡፡

የቅኔን ትምህርት ለማሳደግና ወደ ተሻለ ደረጃ ለማድረስ ቤተክርስቲያን ሰፊ ድርሻ እንዳላትና ትኩረት ልትሰጠው እንደሚገባ የዐውደ ጥናቱ ተሳታፊዎች አጽንኦት ሰጥተው ተናግረዋል፡፡
የዕለቱ የክብር እንግዳ የባህልና ቱሪዝም ሚኒስቴር ክቡር አምባሳደር ሙሀሙድ ድሪር እንደገለፁት፡፡ በዘርፉ የተሰማሩ ወገኖች ለአብነት ትምህርት ቤቶች የሰጡት ትኩረት እጅጉን እንደሚደነቅ ጠቁመው፡፡

ያብነት ትምህርት ቤቶችን በመደገፍ የቅኔን ትምህርት ለማሳደግ የሚመለከታቸው አካላት ጥረታቸው ከዳር ይደርስ ዘንድ የባህልና የቱሪዝም ሚኒስቴር ያላሰለሰ ድጋፍ እንደሚያደርግም ቃል ገብተዋል፡፡
በሲምፖዝየሙ በተለያዩ ሊቃውንተ ቤተ ክርስቲያን ቅኔ የተዘረፈ ሲሆን «ቅኔ ያብነቱ ፍልስፍና» የተሰኘ ዶክመንተሪ ፊልም ተመርቆ ለእይታ በቅቷል፡፡

ይህ በእንዲህ እንዳለ በማኅበረ ቅዱሳን የማኅበራዊ አገልግሎትና ልማት ዋና ክፍል «በጌጠኛ ቤትህ ልማት ይሁን» በሚል መሪ ቃል ለ10 ቀናት የተዘጋጀው ዐውደ ርእይ ተጠናቀቀ፡፡
ከሐምሌ 18 እስከ 26 ቀን 2001 ዓ.ም ድረስ የተዘጋጀው ዐውደ ርእይ በዓይነቱም በይዘቱም የተለየ እንደነበረ የገለጹት የማኅበራዊ አገልግሎትና ልማት ዋና ክፍል የቅስቀሳና ገቢ አሰባሳቢ ክፍል ሓላፊ ወ/ሮ ዓለምፀሐይ መሠረት፤ ዐውደ ርእይው በፎቶ ግራፍና በተለያዩ ገላጭ መረጃዎች የተደራጀ በመሆኑ ለመእመኑ ስለ አብነት ትምህርት ቤቶች ወቅታዊ ሁኔታ ግንዛቤን እነደፈጠረ ተናግረዋል፡፡
በዐውደ ርእዩ ላይ ዋና ክፍሉ በ2002 እና 2003 ዓ.ም ገዳማትና አድባራት ላይ የሚያከናውናቸው 12 ፕሮጀክቶች ለዐውደ ርእዩ ተመልካቾች ማስተዋወቁንም ጠቁመዋል፡፡
ወስብሐት ለእግዚአብሔር
 

Kalitie.GIF

ለጥምቀት ወጥታ የቆየችው ታቦት ወደ አዲሱ ሕንጻ ቤተክርስቲያን ገባች

የቃሊቲ ቁስቋም ማርያም ታቦተ ሕግ ባለፈው ጥምቀት ወጥታ ተመልሳ መግባት ፈቃዷ ባለመሆኑ የተፈጠረውን የምእመ ናንና የካህናት ጭንቅ፣ ሐዘን፣ ድንጋጤ በብዙ የሚክስ የደስታ ዕለት፡፡ ሐምሌ 25 ቀን 2001 ዓ.ም፡፡

Kalitie.GIF

 
በዚህ ዕለት ማለዳ ጀምሮ ወደ ደጇ ይጎርፍ የነበረው ምእመን አካባቢውን ጠጠር መጣያ አሳጥቶታል ቢባል ማጋነን አይሆንም፡፡ ጸሎት፣ ምሕላ. . . ሲደረግ ተውሎ ከቀኑ 9፡30 ለሰባት ወራት ከርማ ከነበረችበት ድንኳን በብፁዓን አባቶች፣ በካህናትና በበርካታ ምእመናን ታጅባ የወጣችው ታቦተ ሕግ የምእመናኑን የደስታ ስሜት እጥፍ ድርብ አድርጋው ነበር፡፡

በእልልታው በዝማሬውና በምስጋና ታጅባ ከድንኳኑ አቅራቢያ ወደ ተሠራላት አዲስ ሕንፃ ቤተክርስቲያን ስታመራ እርኩስ መንፈስ ያደረባቸው ብዙዎች ከተለያየ አቅጣጫ ሲጮሁ፣ ሲንፈራገጡ፣ ሰውነታቸውን ሲንጡ እና እልልታውን ለማወክ ሲጥሩ የተስተዋለበት ይህ አጋጣሚ በእርግጥም የእመቤታችን ክብር ምን ያህል እንደሆነ ለመገንዘብ የሚያስችልም ነበር፡፡
በእመቤታችን ትእዛዝ አቶ ክንፈ ሚካኤል ረታ በተባሉ ምዕመን በተሠራው አዲሱ ሕንፃ ቤተክርስቲያን ዑደት አድርጋ ወደ መንበረ ክብሯ የገባችው ታቦተ ቁስቋም ማርያም ታቦተ መድኃኔዓለም እና ታቦተ ጊዮርጊስንም አስከትላ ነበር፡፡

በከፍተኛ ጉጉት ሲጠበቅ የነበረው ይህ ዕለት ልዩ ያደረገው ብራ መሆኑ ብቻ ሳይሆን በዋዜማው ዓርብ ምሽት ሦስት ነጫጭ ርግቦች የእመቤታችን ታቦት በከረመበት ድንኳን ላይ ማረፋቸው እና ከዚያ ቀደም ብሎ የንብ መንጋ ድንኳን ውስጥ መክተማቸው ነው፡፡
ዕለት ተዕለት የሕንፃ ቤተክርስቲያኑን ሥራ በመከታተል እመቤታችን ያዘዘቻቸውን የፈጸሙት አቶ ክንፈ ሚካኤል ረታ በዓውደ ምሕረቱ ላይ ባስተላለፉት መልእክት፤ «ታቦተ ቁስቋም ማርያም በድንኳን እያለች እኛ ቤታችን አንገባም ብላችሁ ከእርሷ ጋር የቆያችሁ የእግዚአብሔር ቤተሰቦች፣ ካህናት፣ የሰበካ ጉባኤ አባላትና ምእመናን እንኳን ደስ አላችሁ!» ብለዋል፡፡

መጋቢት 29 ቀን 2001 ዓ.ም ለዮሐንስ አጥቢያ እመቤታችን ተገልጣላቸው ከዚህ ቀደም አስተውለውት ከማያውቁት ቦታ ሕንፃ ቤተክርስቲያኑን እንዲያንጹ ባዘዘቻቸው መሠረት በሁለት ወር ከ 10 ቀናት ውስጥ ሠርተው ያጠናቀቁት እርሳቸው የማያውቋቸው እግዚአብሔር የሚያውቃቸው እየተራዷቸው መሆኑንም አቶ ክንፈ ሚካኤል ተናግረዋል፡፡
ብፁዕ ወቅዱስ አቡነ ጳዉሎስ ¬ፓትርያርክ ርዕሰ ሊቃነ ጳጳሳት ዘኢትዮጵያ ሊቀ ጳጳስ ዘአክሱም ወእጨጌ ዘመንበረ ተክለሃይማኖት የዓለም አብያተ ክርስቲያናት ምክር ቤት ፕሬዘዳንት የዓለም ሃይማኖቶች ለሰላም የክብር ፕሬዚዳንት በክብረ በዓሉ ላይ ቃለ ምዕዳንና ቡራኬ ከሰጡ በኋላ ባስተላለፉት መልእክት «እናታችን ቅድስት ድንግል ማርያም ልጆቼ ሳይሰባሰቡ፣ እኔ እዚህ መሆኔን ሳያውቁ ሕሊናቸውና መንፈሳቸው ሳይደሰት አልነሳም የማለት ምልክት መስጠቷ እንጂ ድንኳን መክረም እምቢተኝነት አይደለም» ብለዋል፡፡  
«ታቦተ ቁስቋም ማርያም አልነሣም ማለቷ የተቸገሩትን ለማማለድ፣ የታመሙትን ለመፈወስና በአካባቢው የምትሠራው ብዙ ተዓምራት እንዳለ ለማሳየት ድንኳን ከርማለች፤ ዛሬ ግን ወጥታ ልጆቿን ባርካለች፤ እንኳን ደስ ያላችሁ!» ያሉት ቅዱስነታቸው፤ ዕለቱ እናታችን ቅድስት ማርያም በየጊዜው እንደ እግዚአብሔር ፈቃድ እየተገለጸች ከልጆቿ የምትነጋገርበት ሀገራችን ሀገረ እግዚአብሔር መሆኗን የምንገነዘብበት ዕለት መሆኑን ተና ግረዋል፡፡ ይህ ሥፍራ የቃሊቲ ደብረ ቁስቋም ቅድስት ማርያም መሆኑንም አብስረዋል፡፡
በዚህ ታሪካዊ ዕለት ከተገኙት ሊቃነ ጳጳሳት ውስጥ ብፁዕ አቡነ ቀውስጦስ እና ብፁዕ አቡነ ገብርኤል በሰጡት ትምህርት የቅድስት ድንግል ማርያም ድንቅ ሥራ ተነግሮ የማያልቅ ነው፡፡

«እመቤታችን ቅድስት ድንግል ማርያም ከሀገራችንና ከሕዝባችን በተአምሯ፣ በበረከቷ ያልተለየችን የአፍ መፍቻ ቋንቋችን ናት» ያሉት ብፁዕ አቡነ ቀውስጦስ ሕዝባችን «ሰአሊ ለነ ቅድስት» የሚለው አጠራሩ አማላጅነቷን የቱን ያህል እንደሚያምንበት ያሳያል ብለዋል፡፡
ታቦተ ቁስቋም በቦታው ድንቅ ተአምር እንዲሠራበት ስለመረጠች ድንኳን መቆየቷን፣ በሰው እጅ ተሠራ ለማለት የሚያዳግት ሕንፃ ቤተክርቲያን በአጭር ጊዜ ተሠርቶ መጠናቀቁ፣ እመቤታችን በተአምሯ የሠራችው መሆኑን እንደሚያሳይ የገለጹት ብፁዕ ነታቸው፤ ሕንፃ ቤተ ክርስቲያኑን ያሠሩት ምእመን ዕድለኛ እንደሆኑ ተናግረዋል፡፡

የእመቤታችንን ተአምር በመንገር ከደጇ ጠፍተው የማያውቁት አገልጋይ አባ ገብረሥላሴ መለሰ በሰጡት አስተያየት «ጸሎተ ምህላችንን ተቀብላ እመቤታችን ፈቃዷን ስለገለጸችልን ደስታችን ወሰን የለውም. . .» ነው ያሉት፡፡
«ሰኔ 25 ቀን 2001 ዓ.ም ታቦተ ቁስቋም ባረፈችበት ድንኳን ውስጥ አንዱን ንብ ተከትለው ጥቂት ንቦች ገቡ፤ ሐምሌ 16 ቀን ጀምሮ ግን ሦስት ቀፎ የሚገመት የንብ መንጋ ወንበሯን ተረክቦ ዛሬ ድረስ ይገኛል፡፡ ይህን ስናይ እመቤታችን ልጆቿን ልትጠራ፣ በረከቷን ልታወርድ መሆኑን ተረዳን፡፡ አዲሱ ሕንፃ ቤተክርስቲያን እንደ ምትገባልንም እምነታችን ሆነ፡፡ እንዳሰብነውም ተሳካ. . .» ያሉት አባ ገብረሥላሴ «ሐምሌ 24 ምሽት ድንኳን ላይ ያረፉት ሦስት እርግቦችም ሌላው ምልክታችን ነበር» ይላሉ፡፡

ጥር 16 ቀን 2001 ዓ.ም ታቦቷን አንግሠው ዳግም ወደ ቤተመቅደስ እንድትገባ ጥረት ቢያደርጉም ሳይሳካላቸው የቀረው ዛሬ ግን የእመቤታችን ፈቃድ እጅግ ያስደሰታቸው መሪጌታ ቤዛ የሻው «ሐዘናችን በደስታ ተለውጧል፡፡ ይህን ተዓምር ማየቴ ዕድለኛ ነኝ፡፡ ለእመቤታችን ክብር ምስጋና ይግባት» ሲሉ ተናግረዋል፡፡
ይህ ዕለት በእርግጥም የደስታ ዕለት ነው፡፡ ብዙዎች የሚሰጡት አስተያየት ከደስታ እንባ ጋር ነው፡፡ በዕለቱ እየተጨባበጡ፣ እየተቃቀፉ ደስታቸውን የሚገልጹ በዓውደ ምሕረቱ በእመቤታችን የተደረገላቸውን ተአምር የሚመሰክሩ ብዙዎች ነበሩ፡፡

እሑድ ሐምሌ 26 ቀን 2001 ዓ.ም የቃሊቲ ደብረ ቁስቋም ቅድስት ማርያም ሕንፃ ቤተክርስቲያን ቅዳሴ ቤት ሲከበር እጅግ ከፍተኛ ሕዝብ እንደተገኘም ታውቋል፡፡

ከአዘጋጁ- ባለፈው የጥምቀት በዓል ከቅዱስ ሚካኤል ታቦት ጋር ወደ ጥምቀተ ባሕር ሥፍራ ወጥታ ተመልሳ ወደ ቤተመቅደሷ ሳትገባ በራሷ ፈቃድ ድንኳን ስለከረመችው የቁስቋም ማርያም ታቦት ታሪክ በተከታታይ ስንዘግብ እንደነበር ይታወሳል፡፡ ወደፊትም በዚሁ ሥፍራ ስለተከናወኑ ገቢረ ተዓምራት የምንገልጽ መሆኑን ከወዲሁ እንጠቁማለን፡፡
 
ወስብሐት ለእግዚአብሔር
 
 

የቅዱስ ሲኖዶስ አስቸኳይ ስብሰባ ተጠናቀቀ

በግንቦቱ የቅዱስ ሲኖዶስ ስብሰባ የቤተክርስቲያኒቱን አስተዳደራዊና የልማት ሥራዎች እንዲያከናውን የተመረጠውንና በአዲስ አበባ ሀገረ ስብ ከት የተነሳውን ችግር ለመፍታት የተጠራው አስቸኳይ የቅዱስ ሲኖዶስ ስብሰባ ተጠናቀቀ፡፡

ከቅዱስ ሲኖዶስ ምልዓተ ጉባኤ በተሰጠውና ቅዱስ ፓትርያርኩ ባነበቡት መግለጫ እንደተመለከተው፤ በቤተ ክርስቲያኒቱ የሚታየውን የአፈጻጸም ችግር እንዲከታተል በግንቦቱ የርከበ ካህናት ጉባኤ የተሰየመው የሥራ አስ ፈጻሚ ኮሚቴ ከተሰየመበት መደበኛ ተግባሩ ጋር በቤተክርስቲያኒቱ የልማት ዘርፍ ላይ ውጤቶች ለማጠናከር የገቢ ምንጭ የሚያስገኙትን ፕሮጀክቶች ለመፍጠር የሚያስችለውን ረቂቅ አላዘጋጀም ይላል፡፡
ውስጥ ደንቡን አዘጋጅቶ ወደ ሥራ ከመግባቱ በፊት በተፈጠረው ሰው ሠራሽ ችግር ምክንያት የቤተክርስቲያኒቱን ማዕከላዊ አስተዳደር ለትችት የዳረገ ውዘግብ ተፈጠሮ እንደነበር ቅዱስ ፓትርያርኩ ያነበቡት መግለጫ አስታውሶ፤ ቅዱስ ሲኖዶስ የችግሩን መነሻ ከምንጩ በመመርመር ሁሉ ንም በየሥራ ዘርፉ ማስተናገድ የሚያስችል ውሳኔ ማሳለፉንም መግለጫው አመልክቷል፡፡
በቅዱስ ¬ትርያርኩ የተነበበው መግለጫ እንደሚያመለክተው፤ በአም ስተኛው ¬ትርያርክ አሥራ ሰባተኛ ዓመት በዓለ ሲመት አከባበር ማግስት ጀምሮ በተካሄደው ስብሰባ የሚከተሉትን ውሳኔዎች ማሳለፉን አስተውቋል፡፡

አንደኛ ታግዶ የነበረው የቅዱስ ሲኖዶስ ሥራ አስፈጻሚ ኮሚቴ እግዱ ተነስቶ ሊመራበት የሚያስችለውን ውስጠ ደንብ ከሚመድቡለት ባለሙ ያዎች ጋር በመሆን አዘጋጅቶ እን ዲያቀርብ፤ የሚያዘጋጀውን የመተዳ ደርያ ደንብ እስከሚያቀርብ ድረስም ከቤተክርስቲያኒቱ የአመራር አካላት ጋር እየተመካከረ እንዲሠራ መወሰኑን በቅዱስነታቸው የተነበበው መግለጫ ያመለክታል፡፡
የአዲስ አበባ ሀገረ ስብከት አስተ ዳደር ችግር በተመለከተ ምልዓተ ጉባኤው በረጋ መንፈስ በነቃ አእ ምሮ ሊተኮርበት የሚገባ ታላቅ ሀገረ ስብከት መሆኑን በመገንዘብ ለውዝግቡ መነሻ የሆነውን የፋይናንስና የመልካም አስተዳደር እጦት ችግር አጣርቶ ለጥቅምቱ የቅዱስ ሲኖዶስ ምልዓተ ጉባኤ የሚያቀርብ ገለልተኛ ኮሚቴ እንዲቋቋም ጉባኤው መስማመቱንም መግለጫው ጠቁሟል፡፡

ቀደም ሲል በቅዱስ ¬ትርያርኩ እገዳ ተጥሎባቸው የነበሩት የአዲስ አበባ ሀገረ ስብከት ሊቀ ጳጳስና የብፁዕ ወቅዱስ ¬ትርያርኩ ረዳት ጳጳስ አቡነ ሳሙኤል እገዳ እስከ ጥቅምት 2002 ሲኖዶስ ስብሰባ እን ዲቆይና እንዲታይ፤ እስከዚያው ድረ ስም ሀገረ ስብከቱ ቅዱስ ሲኖዶስ በሾመው ሥራ አስኪያጅ እየተመ ራና እየተዳደረ እንዲቆይ መወሰኑን ከመግለጫው ለመረዳት ተችሏል፡፡
በመግለጫው ላይ እንደተመለከተው፤ ቅዱስ ሲኖዶስ የቤተክርስተያኒቱን አጣዳፊ ተግባር ለማከናወን ከተሰየመ በት ሐምሌ 6 ቀን 2001 ዓ.ም ጀምሮ በሀገር ውስጥና በውጭ አህጉር እንዲሁም በተለያዩ ጋዜጦችና መጽሔቶች ሲነገር የሰነበተው፤ ከቅዱስ ሲኖዶስ ውሳኔዎች ጋር ምንም ዓይነት ግንኙነት የሌለው፤ ከእውነት የራቀ ዘይቤ ነው ቢባል ማጋነን አይሆንም ሲልም መግለጫው አስረድቷል፡፡

በቅዱስ ¬ትርያርኩ የተነበበው መግለጫ በመጨረሻ እንዳመለከተው፤ ቅዱስ ሲኖዶስ በየጊዘው ከሚያስተላልፋቸው መልእክቶች መካከል ሰላምና መረጋ ጋት የመጀመሪያውን አጀንዳ ይዘው ይገኛሉ በማለት ጠቁሞ፤ እግዚአብሔርን ማመስገን፣ ቤተክርስቲያንና ወገንን ማገልገል፣ ሀገርን ማልማት የሚቻለው ፍቅር፣ አንድነትና ሰላም ሲኖር ብቻ ነው ይላል፡፡

በመሆኑም ከራሳችን ከእያንዳን ዳችን ከቤተሰባችን ቅዱስ ሲኖዶስ ጀምሮ ሁሉም ኅብረተሰብ በሰላም የተመሠረተ ሕልውና እንዲኖረው በቅዱስ ¬ትርያርኩ የተነበበው መግለጫ ያመለክታል፡፡

በሌላ ዜና የቅዱስ ሲኖዶስ አባላት ብፁዓን አባቶች ማንነታቸው ባልታ ወቁ ግለሰቦች ሐምሌ 8 ቀን 2001 ዓ.ም ምሽት በመንበረ ¬ትርያርክ ጽ/ቤት ግቢ በሚገኘው መኖሪያቸው የመደብደብ ሙከራ እንደደረሰባቸው ብፁዕ አቡነ ፋኑኤል፣ ብፁዕ አቡነ መልከ ጼዴቅ፣ ብፁዕ አቡነ ሳዊሮስ ገልጸዋል፡፡

እንደ ብፁዓን አባቶች ገለጻ ማግሥቱ ለመሰብሰብ እየተዘጋጁ፣ ጸሎት እያደረሱ ሳለ ሌሊት ማንነታ ቸው ያልታወቁ ሰዎች ቤታቸውን በኃይል በመደብደብ በር እንዲከፍቱ ላቸውና የሚያወያዩአቸው ነገር እንዳለ ሲገልጹላቸው ማንነታቸውን ስለማያውቁ እንደማይከፍቱ ምሽትም በመሆኑ ማንነታቸውን የማያውቋቸውን ሰዎች ለማነጋገር ፈቃደኛ እንዳልሆኑ በመግለጽ እንደመለሷቸው አስተያየታቸውን የሰጡን አባቶች አስረድተዋል፡፡

ዓላማቸው ያልተሳካላቸው ማንነታቸው ያልታወቁት ግለሰቦች ቅዱስ ¬ትርያርኩ ባልተገኙበት ወቅት ቅዱስ ሲኖዶሱን በሰብሳቢነት ይመሩ የነበሩትን የብፁዕ አቡነ ቄርሎስን በር ሰብረው በመግባት ጭምር ጉዳት ለማድረስ እንደሞከሩ ብፁዓን አባ ቶች ጠቁመው፤ የአንዳንዶቹን በር በኃይል በመምታትና በማስጠንቀቅ «ጠብቅ እናሳይሐለን» የሚሉ ዛቻዎች በመሰንዘር ያስፈራሩ እንደነበረም ገልጸዋል፡፡

ጉዳት ለማድረስ የመጡት ግለሰ ቦች በመጀመሪያ የብፁዓን አባቶችን በር ሲያንኳኩ «ፖሊሶች ነን ክፈቱ» ይሉ እንደነበርና የብፁዓን አባቶቹ ቤት የደበደቡበት ሰዓት ተመሳሳይ እንደነበር አስተያየት ከሰጡን አባቶች ለመረዳት ችለናል፡፡

ምዕመናን በተከሰተው ነገር ሳይደና ገጡ ሁሉን ማድረግ ወደሚችለው አምላክ ይጸልዩ ያሉት ብፁዓን አባ ቶች፤ መንግሥት ጉዳዩን በጥልቅና በትኩረት በመከታተል ጥበቃ እንዲ ያደርግና የቤተክርስቲያንን ችግር እንዲፈታ ጥሪ አቅርበዋል፡፡

በጠቅላይ ቤተክህነት የጥበቃ ሓላፊውን በአባቶች ላይ የደረሰውን የድበደባ ሙከራ አስመልክተን ያደረግነው ሙከራ አጥጋቢ ምላሽ ባለመገኘቱ አልተሳካም፡፡

በጉዳዩ ላይ ቤታቸው የተደበደበ ባቸውን የቅዱስ ሲኖዶስ አባላትና ቤተሰቦቻውን አነጋግረናል ከዚህ እን ደሚከተለው አቅርበነዋል፡፡ ብፁዕ አቡነ ዮናስ የአፋር ሀገረ ስብከት ሊቀ ጳጳስ ናቸው፡፡ ብፁዕ ነታቸው ሌሊት በቅጽረ ቤተ ክህነት ስለተፈጠረው ጉዳይ ጠይቀናቸው ምላሻቸው የሚከተለው ነበር፡፡

ሐምሌ 8 ቀን የነበረው ስብሰባ በጣም ጥሩ ስብሰባ ነበር፡፡ የመንግሥት ባለ ሥልጣናት በተገኙበት እየተነጋገርን አንድ ሁለቱ ችግር ተቃሎ የአዲስ አበባ ሀገረ ስብከት ሊቀ ጳጳስ የብፁዕ አቡነ ሳሙኤልን ጉዳይ ለማነጋገር እሳቸው ስላልነበሩ ነገ እሳቸው ባሉበት እንነጋገራለን፡፡ ብለን ነው በሰላም የወጣነው፡፡ ከዚያ በኋላ በሰላም ወደ ቤታችን ገባን፡፡

ሌሊት የአባቶች ቤት ተመቷል፤ የአቡነ ቄርሎስ ግን በጣም የበዛ ነበር መዝጊያውም ተሰብሯል፡፡ ይህን ዐይቻለሁ፤ በውስጡም በውጭውም «የ¬ሊስ ያለህ፣ የመንግሥት ያለህ» ድረሱልኝ በእንደዚህ ቁጥር ቤት ያለን እየተደበደብን ነው ብዬ ስጮህ ገለል ብለው ሔዱ፤ እንጂ ወደ መኝታ ቤቱ ሊገቡ ትንሽ ነበር የቀረው ብለው ነግረውኛል፡፡ በማለት የምስክርነት ቃላቸውን ሰጥተዋል፡፡

ዲ/ን ተክለ ወልድ የብፁዕ አቡነ ቄርሎስ ረዳት ነው፡፡ ጉዳዩን አስመልክቶ የሚለው አለ፡፡ «ዋናውን በር ገንጥለው ገብተዋል፡፡ ቀጥለው የመኝታ ክፍሉን በር ለመስበር ሲታገሉ ብፁዕ ነታቸው ውስጥ ሆነው ስልክ መደወላቸውን ሲሰሙ ትተው ሔዱ፡፡ ማዕድ ቤት ገብተው ያሉትን ዕቃዎች ሁሉ ፈትሸዋል፣ መሳቢያዎች ሁሉ ተከፋፍ ተው ተበርብረዋል፡፡ ብፁዕነታቸው አሁን ደህና ናቸው፡፡ አጋጣሚ አንዲት ነርስ እኅታችን ጤንነታቸውን እየተከተለች የሕክምና ርዳታ ታደርግላቸው ትከታተላቸው ስለነበር እሷ የሳሎኑ በር ሲሰበር መኝታ ቤቱን ቆልፋ ለሕይወታቸው መትረፍ ምክንያት እንደሆነችም ይገልጻል፡፡

የጉራጌ ከንባታና ሀዲያ እና ሲልጤ ሀገረ ስብከት ሊቀ ጳጳስ ብፁዕ አቡነ መልከጼዴቅ ምን ይላሉ?

«ነገሩ ያሳዝናል ግን እግዚአብሔር ይመስገን ደህና ነን፡፡ ለሁሉም የኛ አለቃ፣ ንጉሥ፣ ባለሥልጣን፣ እግዚአብሔር ነው፡፡ ስለዚህ ለእግዚአብሔር ከመንገርና ከመስጠት ሌላ የምንለው የለም፡፡ የቤተ ክርስቲያን ሕግ ሕገ ቅዱስ ሲኖዶስ ይከበር ነው ያልነው፡፡ ሌላ ያልነው ነገር የለም፡፡

በአሁኑ ሰዓት በእውነቱ ቤተክርስቲያን የጠበቀችውን ያህል አልተጓዘችም ብለናል፡፡ አባቶችም ሲታገዱ በሲኖዶሱ ሕግ፣ ሲኖዶሱ ያግድ፣ ከሲኖዶሱ ጋር ይሥሩ፣ እንርዳዎት፣ እናገልግልዎት፣ እናግዝዎት ነው ያልነው እኛ ሌላ ነገር ያልነው ነገር የለም፡፡ እኛ በየሀገረ ስብከታችን እያገለገልን እየተሯሯጥን ነው፡፡
ባለሥልጣናት ባለፈው ዓርብ መጥተው የቅዱስ ሲኖዶስን፣ የቤተክርስቲያንን ቃለ አዋዲ አክብራችሁ፣ ተደማመጡ፣ ቤተክርስቲያኒቱ እንኳን ለራሷ ለአፍሪካም መሆን የም ችል ናት አሉን፡፡

ሕዝቡም ተበጥብጧል፣ ተጨንቋል እባካችሁ ሰላም አውርዱ፣ መንግሥት ሓላፊነት አለበት፡፡ አመራርና አካሔድ ልንነግራችሁ ነው የመጣነው፡፡ ከተበጣበጠ መንግሥት ጣልቃ ይገባል፣ ሓላፊነት አለበት፡፡ እናንተ አባቶች ናችሁ፤ የምትመክሩንና የምትረዱን እንጂ እኛ እናንተ ውስጥ ጣልቃ መግባት አንችልም፡፡ የራሳችሁን ችግር በራሳችሁ አክብሩ፤ የሐምሌ 5 ቀን በዓልን በሰላም አክብሩ፤ የራሳችሁ በዓል ነው ብለው ጥሩ መመሪያ ሰጡን ተወያዩ አሉን፡፡ እንደገና ተሰባሰብን ሐምሌ 7 ቀን ሰላም ይኖራል ብለን፡፡ ነገር ግን የባሰ ነበር ጉዳዩ፡፡

አሁን ደግሞ እየታየ ያለው ደስ የማይል ነው፡፡ የቤተ ክርስቲያን አምላክ ይፍረደን፤ እሱ እንደፈቀደ ይሁን፣ ቅዱስ አባታችንን ለመንቀፍ አይደለም፣ እሳቸውን ለማዋረድ አይደለም እናከብራቸዋለን፡፡ እኛ ያልነው ሕግ አክብረው ያስከብሩን፣ በሕግ ይምሩን ነው የምንለው፡፡

እኛ መሠረታችን እግዚአብሔር ነው፡፡ ጠባቂያችን እግዚአብሔር ነው፡፡ ቀጥሎ ደግሞ መንግሥት ነው፡፡ በመንግሥት ተስፋ አንቆርጥም፡፡ የማጣራት ሥራ ሠርቶ መግለጥ አለበት፡፡

ሁሉንም የሚያውቀው ጌታ እግዚአብሔር ነው፡፡ ለሁሉም ጽዋው ይሞላል፤ ዋጋውን ይከፍላልና ብዙ ችግሮች ደርሰዋል፣ እየደረሱም ናቸው፡፡ ግን አባቶች ለሞትም ቢሆን የተዘጋጀን ነን፡፡

የበር መስበር አይደለም፣ ማስፈራራት አይደለም ለቤተ ክርስቲያን ካስፈለገ እንሞታለን፤ የቀደሙትም ሞተውላታል፡፡ አሁንም ቢሆን አባቶች ወደ ኋላ አንልም፡፡ ቤተ ክርስቲያን ሁል ጊዜ በፈተና እየተፈተነች ነው ዘመናትን የተሻገረችው ከፈተና ወጥታ አታውቅም፡፡

አሁንም ቢሆን ሲኖዶሱ የተወያየው፣ እርሳቸው ስብሰባውን እንዲመሩ፣ አስተዳደራዊ ሥራውን ሌሎች እንዲሠሩ ሁልጊዜ የምንነጋገረው፣ ለመንግሥትም እያሳሰብን ያለነው ይሄን ነው፡፡

እሳቸው በአባትነታቸው፣ በሊቀ መንበርነታቸው ጉባኤውን ይምሩ፤ ሲኖዶሱ ግን በሲኖዶሱ ሕግ መሠረት ተወያይቶ ይወስን የሚል ሐሳብ ለብዙ ዓመታት ስናነሣ ቆይተናል፡፡ ስለልማት፣ ስለ ሃይማኖት ተጨቃጭቀን አናውቅም፡፡ አሁን ሰለቸን ብዙዎች አባቶች፣ ደከማቸው፤ በጣም ያሳዝናል፡፡

በዋናነት ኃይለኛ ክርክርና ጭቅጭቁ ሕገ ቤተ ክርስቲያን ይከበር ነው፡፡ መልካም አስተዳደር እንዲሰፍን ነው፣ በጀት በሥነ ሥርዓት እንዲመራ ነው፡፡ ሥራ አስፈጻሚውንም ቅዱስ ሲኖዶስ ሲመድበው ሥራ እንዲሠራ ነው፡፡ ኮሚቴው ቅዱስነትዎ በጥርጣሬ ሊያዩት አይገባም፡፡ ኮሚቴው እርስዎን የሚረዳና የሚያግዝ ነው ያልነው፡፡

በቅዱስ ሲኖዶስ ስብሰባ ላይ በአብዛኛው አባቶች አንድን ዓይነት መንፈስ ነበራቸው፡፡ የሃሳብ ግጭቶች ይኖራሉ፣ እያንዳንዱ የራሱ የሆነ አመለካከት ይኖረዋል ግን በአብዛኛው ሲኖዶሱ ደግሞ አንድ ዐይነት መንፈስ የሚታይበት ነው፡፡

በመጨረሻ የማስተላልፈው ቤተ ክርስቲያን በመርከብ ትመሰላለች፡፡ በባሕር ላይ ያለች መርከብ አውሎ ንፋስ ሊያንገላታት ይችላል፡፡ ስለዚህ ሐዋርያትን እናስታውስ፡፡ አውሎ ንፋስ የተሳፈሩበትን መርከብ ሲያናውጠው ክርስቶስም አብሮ ነበር፡፡ ክርስቶስ ያለባት መርከብ ዐውሎ እንደተነሣባት ነው፤ ሁሉም ሐዋርያት «አድነን» ነው ያሉት፤ ወደ እሱ ነው የጮሁት መጨረሻ ላይ ነፋሱን የገሰጸው እሱ ነው፡፡ አሁንም የቤተ ክር ስቲያን አምላክ ይህንን ማዕበል ፀጥ ያደርገዋል፡፡ ለዚህ ደግሞ ጾም ጸሎት ያስፈልጋልና፡፡ ምእመናን ወደ እግዚ አብሔር እንዲጮሁ ነው የማሳስበው፡፡ በዚህ ምክንያት እንዳይሸማቀቁ እንዳ ይደናገጡ ሃይማኖታቸውን ብቻ ይጠብቁ፡፡ በማለት አባታዊ ጥሪያቸውን በእንባም ጭምር አስተላልፈዋል፡፡

አቡነ ፋኑኤል የሲዳማ፣ የጌድዮ፣ የአማሮ፣ የቡርጂ ዞኖችና ልዩ ወረዳ ዎች አህጉረ ስብከት ሊቀ ጳጳስ ናቸው፡፡ ጥቃት ባይደርስባቸውም ሙከራ ተደርጎባቸው እንደ ነበር ሰማንና የደረሰባቸውን እንዲያብራሩልን ጠየቅናቸው ቃላቸውን እነሆ «እኔ ዘንድ የተፈጠረው ችግር ሐምሌ 9 ቀን ከምሽቱ 4፡30 ላይ ነው፡፡ ማንነታቸውን የማላውቅ ሰዎች ወደ መኖሪያዬ በመኪና መጡ፡፡ በኃይል የቤቴን መዝጊያ ደበደቡ፡፡ ጠባቂዎችን ተጠንቀቁ፤ በር አትክፈቱ አልኩ በዚያ ሰዓት እንግዳ እንደማይመጣ አውቃለሁ፡፡

ውጭም ያሉ ልጆችም በመስኮት አንኳኩተው ምንድን ነው አሉኝ፤ ዝም በሉ አልኳቸው፡፡ በጣም አንኳኩ በጣም ጠንከር አለ፡፡ በዚህ መሐከል ለቤተ ሰብና ለፖሊስ እንዲደወል አደረግሁ፡፡ 10 ደቂቃ ባልበለጠ ጊዜ ውስጥ ተመልሰው በመኪናቸው ሄዱ ወዲያው ቤተሰብም ፖሊስም መጣ፡፡ ነዕለታዊ ሪፖርት ፖሊስ ጣቢያ ሄጄ አስመዘገብኩ፡፡

ድርጊቱ የተፈጸመው እኔ ላይ ብቻ መስሎኝ ነበር፣ ጠቅላይ ቤተ ክህነት ሌሊት ስደውል እዚያም የባሰ እንደነበር ሰማሁ፡፡ እኔ የምኖረው ቃሊቲ ገብርኤል አካባቢ ነው፡፡ ይህ ሁሉ የመጣው በቅዱስ ሲኖዶሱ ሽኩቻ ነው፡፡

መቼም እኛ ሌላ ተቃዋሚ ወይም ጠላት የለንም፡፡ ምን ተፈልጐ ለምን እንደተፈጸመ አይገባኝም፡፡ በወቅቱ ስብሰባው የተካሄደው ለግማሽ ቀን ነው፡፡ ለሥራ አስፈጻሚ ተብሎ የተመረጠው ኮሚቴ እገዳው ተነሥቶለታል፡፡ ሌላው የብፁዕ አቡነ ሳሙኤል ጉዳይ ነው እሱን ነገ እናየዋለን ነበር ያልነው፡፡ ስብሰባ ውም ቁጣ የተሞላበት አልነበረም፡፡ የተረጋጋና በሰከነ መንፈስ የተካሄደ ነበር፡፡ በማለት ጥቃቱ በተፈጸመበት ዋዜማም ቢሆን ለዚህ ድርጊት የሚያ ነሣሣ ምንም ዓይነት ምክንያት እንዳ ልነበር ገልጸዋል፡፡

ሕገ ሲኖዶስን አስመልክተው በርግጥ ቅዱስነታቸው ተቀባይነት የሌለው ሐሳብ አቅርበው ነበር፡፡ መሻሻል አለበት፣ ብዙ ነገር ጐድሎታል ይሉም ነበር ምን እንደሚጨምሩ፣ የትኛው አንቀጽ እንደሆነ የሚሻሻለው ባይገልጹም በድፍኑ ግን ቅሬታ እንዳላቸው ይገልጹ ነበር፡፡

በስብሰባው ወደ 6 አጀንዳ ቀርቧል እስካሁን የታየው ገና አንዷ ብቻ ነው፡፡ አሁን የተፈለገው ጠቅላላ ነገሮቹ እንዳይታዩ ሊሆን ይችላል ብዬ እገምታለሁ፡፡

በመጨረሻ የማስተላልፈው መልእክት ይሄ ፈተና ነው፤ በእኛ ላይ የመጣ ማዕበል ፈተና ነው ሁሉም በሃይማኖቱ ጸንቶ ቤተ ክርስቲያኒቱንም እኛንም ያስበን ሁላችንም በያለንበት እንጸልይ በሃይማኖት እንጽና ነው የምለው፡፡ እኛ ሁል ጊዜ ሕይወታችን ከወንጌል አገልግሎት ጋር የተያያዘ ነው፡፡ አሁንም የምናደርገው ይህንኑ ነው፡፡ ቀጣዩም ሕይወታችን በወንጌል ማገልገል ነው፡፡

የቤተ ክርስቲያንን አስተዳደራዊ ጉዳይ በተመለከተ ለውጥ ያስፈልጋል፡፡ ለውጥም ስለሚያስፈልግ ነው ይሄ ሁሉ የተከሰተው፡፡ ቤተ ክርስቲያናችን በሁለንተናዋ በልማቱም በወንጌል አገልግሎቱም ወደኋላ ቀርተናል ማለት ይቻላል፡፡

የቤተ ክርስቲያናችን ችግር ከኢትዮጵያ ሕዝብ የተሰወረ አይደለም፡፡ አሁን በሲኖዶስ ደረጃ ጐልቶ ወጣ፤ እንጂ ሕዝብ ተነጋግሮበት ያበቃለት ጉዳይ ነው፡፡ ስለዚህ ሁላችንም በሃይማኖት በጸሎት ጸንተን መኖር ይገባ ናል፡፡ በተፈጠረው ሁኔታም ሳንደናገጥ ሳንሸበር ባለንበት ጸንተን የቤተ ክርስቲያኒቱን ሕልውና የሚቀጥልበትን መንገድ ማሰብ ያስፈልገናል በማለት መልእክታቸውን ያጠቃልላሉ፡፡

ብፁዕ አቡነ ማቴዎስ የቅዱስ ሲኖዶስ ጸሐፊና የዋግ ህምራ ሊቀ ጳጳስ ስለጉዳዩ በጥልቅ ሐዘን ይናገራሉ፡፡ይህ ነገር ይበጃል) ምእመኑ በጭን ቀት ላይ ነው ያለው የኛን ድምፅ መስማት ይፈልጋል፡፡ እኔ በሁኔታው ተረብሼ ሳልተኛ ነው ያደርኩት በቃ አሞኛል፡፡ አሁን ይህን የማስብበት የተረጋጋ አእምሮ የለኝም፤ ብለዋል፡፡
የቦረናና ጉጂ ሀገረ ስብከት ሊቀ ጳጳስ ብፁዕ አቡነ ሳዊሮስም ከዛቻና ስድብ ባያልፍም የጥቃቱ ሰለባ ነበሩና የሚናገሩት አላቸው፡፡«እግዚአብሔር በቸርነቱ በደላችንን ሳይመለከት አትርፎናል፡፡ ቤታችን በምሽት ባልታወቁ ግለሰቦች ተደበደበ በግምት ከምሽቱ አራት ሰዓት አካባቢ ይሆናል፡፡ የመጡት ሰዎች በሩን በኃይል ደበደቡ ክፈት አሉኝ፡፡ አልከፍትም አልኳቸው «አይ ልናማክሮት ነው አንዳንድ ነገሮችን ልናዋዮት ነው በሩን ክፈቱ አሉኝ» ሰዓቱ አልፏል እኔ አልከፍትም አልኳቸው «¬ሊሶች ነን» አሉኝ ፖሊሶችም ብትሆኑ በዚህ ሰዓት ሕጉ አይደለም፤ የሰውን በር ማስከፈት ስለዚህ አልከፍትም አልኳቸው፡፡ ክፈት እያሉ በሩን በኃይል መደብደብ ጀመሩ፡፡ እኔም በውሳኔዬ ጸናሁ፤ እነሱም ድብደባውን አጠነከሩ፣ በኋላ የውስጥ በር ዘግቼ ስልክ ወደ ፖሊስና ቤተሰብ ደወልኩ፡፡ ከዛም በኋላ ብዙ ሰዓት ይሆናል በሩን የቀጠቀጡት እኔ እንደውም ሰብረው የገቡ መስለውኝ ነበር፡፡ ሌላ ክፍል ውስጥ ቆልፌ ተቀምጬ ሳለ እግዚአብሔር መለሳቸው፡፡ የሔዱ ሲመስለኝ ቀጥሎ የሌላ አባት ቤት ሲደበደብ ሰማሁኝ፤ የማንን ቤት ነው የደበደቡት እያልኩ ነበር፡፡

ከኔ ቤት ቀጥሎ ያለውን ቢመስለ ኝም የሳቸው ቤት አልተነካም፣ ነገር ግን ብዙ ቤት ነው የተደበደበው በአጠቃላይ የጳጳሳቱ ቤት ነው የተደበደበው ግን እኛ በቸርነቱ ተርፈናል፡፡

ምክንያት ይሆናል የምለው ምናልባት በሲኖዶስ ስብሰባ ላይ በሰጠነው ሐሳብ ይሆናል ብዬ አስባለሁ፡፡ እንግዲህ ከዚህ ሌላ ምን ሊሆን ይችላል ሌላ የተጣላነው ሰው የለንም ያው መነሻው በስብሰባው ላይ ሕገ ሲኖዶስ ይከበር ማለታችን ይመስለኛል፡፡

የቤተ ክህነት ግቢ ጥበቃ አለው፡፡ ድርጊቱ ሲፈጸም ለዘበኞች ደወልኩ እንመጣለን ይላሉ እንጂ አንዳች እርዳታ አላገኘሁም፡፡ ለወደፊቱ መንግሥት ጥበቃ ካላደረገልን እንግዲህ ለሕይወታችን በጣም የሚያሰጋ ጉዳይ ነው፡፡ ብዙ ጥረው መጨረሻ ሳይሳካ በመቅረቱ ነው እየተሳደቡ የሔዱት፡፡ ታገኛታለህ ቆይ እያሉ ነው ሲዝቱብኝ የነበረው፡፡

ማንም የደረሰልን የለም፣ እግዚአብሔር ግን ረድቶናል፡፡ ፖሊሱ መጣ ተባለ ነገር ግን ወደ ውስጥ መግባት የቻለ አይመስለኝም፤ መብራትም አልነበረም፡፡ በወቅቱ ያው ጨለማን ተገን አድርገው ነው፤ ለድብደባ የተሰማሩት አጥቂዎቹ፤ እንግዲህ የነገን ባናውቅም ለአሁን ተርፈናል፡፡

እኛ ለእግዚአብሔር አመልክተናል፡፡ መንግሥትም ጥበቃ እንዲያደርግልን ነው ጥሪያችንን አቅርበናል፡፡ ይህ ችግር በስብሰባው ላይ በተፈጠረ ያለመግባባት የመጣ ነው፡፡ ምክንያቱም በአቋማችን በጸናነው አባቶች ላይ ብቻ ተለይቶ ነው ድብደባው የተፈጸመው፡፡ ቤተ ክርስቲያኗ ትከበር፣ አስተዳደሯ ይከበር፣ ሙስና ይጥፋ ሁሉም ነገር በቤተ ክርስቲያን ሕግ ይሁን በማለታችን ዛቻና የበር ድብደባ ተፈጽሞብናል፡፡

የትናንት /ሐምሌ 8 ቀን 2001 ዓ.ም/ የስብሰባ ውሏ ችን የሰባቱን ሊቃነ ጳጳሳት እግድን ስለማንሣት ነበር የተወያየነው፡፡ ከዛ በኋላ በሌላ አጀንዳ ለዛሬ /ለሐምሌ 9/ ልነነጋገርና የመንግሥት አካላት እንዲገኙ ልን ተነጋግረን ነው የተለያየነው፡፡
የቤተ ክርስቲያን መዋቅርና አስተዳደራዊ መሠረቷ ሕገ ሲኖዶስ ነው፡፡

ያባቶች ሐሳብ አንድ ነው፡፡ ሁኔታዎች ላይ መስማማት እንጂ የመለያየት ነገር የለም፤ የሁሉም ዓላማና ራእይ አንድ ነው፡፡ ሐሳባቸው ዓላማቸው አስተዳደር ይስተካከል ሕገ ቤተ ክርስ ቲያኑ ይከበር ነው የተለያየ አይደለም፡፡ በመሠረታዊ ጉዳዩ የሁሉም አባቶች አቋም አንድ ዓይነት ነው፡፡ ለምሳሌ ብፁዕ አቡነ ቄርሎስ ቤት እንደገናም በ¬ትርያርኩ መሪነት የተሰበሰቡ አሉ ይባላል፡፡ እንግዲህ ¬ትርያርኩም ጋር ሄደው ቢሰበሰቡ ሐሳባቸው አንድ ነው፡፡ እርስዎ ፊት የተወያየነውን ነገር በሲኖዶሱ ፊት እንስማማበታለን /እንፈራረምበታለን/ ነው ያሉት እንጂ በሐሳብ መከፋፈል የለም፡፡

በተፈጠረው ነገር ምእመናን እን ደተረበሹ እናውቃለን፡፡ ምእመናን የተበላሸ ነገር በአንዴ ሊስተካከል አይችልም፤ ያለ እምነት ውጤት አይ ገኝምና አሁንም በትዕግሥት እግዚኦታቸውን ይቀጥሉ፡፡ ምእመናንን የሚረብሽ ነገር የለም፡፡ ሁሉም ምእ መን በጸሎት ሆኖ እግዚአብሔር ቤተ ክርስቲያንን ከፈተና እንዲታደ ጋት በጸሎት እንዲጠይቅ ነው፡፡ በጸሎት እንዲያስቡን ያስፈልጋል፡፡ እግዚአብሔርን በጸሎታቸው እንዲ ጠይቁልን ነው የሚያስፈልገው፡፡» በማለት ነበር ስለሁኔታው የገለጹት፡፡
ጥቃቱን የፈጸመው ቡድን ሆን ብሎ ብፁዓን አበውን የሚያሳድድ በመሆኑ ለብፁዓን አበው ጥበቃ እንዲ ደረግላቸውና ወንጀለኞቹም ለፍርድ እንዲቀርቡ ምእመናን እየጠየቁ ነው፡፡
ብፁዓን አበው ምእመናን በጾምና በጸሎት እንዲተጉ ደጋግመው የጠየቁት ሲሆን በሃይማኖት ጸንተው የእግዚአብሔርን ፍርድ እንዲጠጣበቁ አሳስበዋል፡፡

 
 
 

ወስብሐት ለእግዚአብሔር

ማኅበረ ቅዱሳን «ደጀ ሰላም»ብሎግ ልሣኑ አለመሆኑን አስታወቀ

በኢትዮጵያ ኦርቶዶክስ ተዋሕዶ ቤተ ክርስቲያን በሰንበት ትምህርት ቤቶች ማደራጃ መምሪያ ማኅበረ ቅዱሳን ፣ «ደጀ ሰላም» በሚሰኝ ብሎግ ላይ የሚለቀቀው መግለጫ እንደማይመለከተው አስታወቀ፡፡

የማኅበሩ ዋና ጸሐፊ አቶ ዳንኤል ተስፋዬ ብሎጉ «የማኅበረ ቅዱሳን ልሳን ነው» የሚል መረጃ ባልታወቁ አካላት መሰራጨቱንና በዚህም ምክኒያት ጉዳዩን አስመልክቶ ተደጋጋሚ ጥያቄ በስልክና በኢሜል እንደቀረበላቸው ገልጸዋል፡፡

ዋና ጸሐፊው ብሎጉ የማኅበረ ቅዱሳን እንዳልሆነና ማኅበሩ በዚህ ብሎግ መረጃ እንደማያስተላልፍ ምዕመናን እና የቤተ ክርስቲያን አካላት ሁሉ እንዲያውቁ አሳስበዋል፡፡

 
 

ወስብሐት ለእግዚአብሔር